نسيم(ن) هب في دار(ن) بها حر(ن) عريب أنساب
ربينا بحضنها الدافي وصـارت للعـرب عنـوان
شآم المجـد والعـزه بـلاد(ن) صرحهـا خـلاب
شآم باركه سيد(ن) تسلسـل مـن نسـل عدنـان
آلا ياموطنـي جيتـك ونومـي بالكـرى ماطـاب
أبيك تلملـم أوراقـي وتبعثرهـا علـى الأوطـان
وترك ياموطني مجروح ولا تسأل عـن الأطبـاب
وأنا من وين ماجيتـك أشـوف بداخلـك نيـران
آلا يانار كونـي فيـه سلامـا" والرجـا ماخـاب
بغى النمرود يسعى به ومـات بوجهـه البهتـان
وترى طه مثل عيسـى رسـل للبـاري التـواب
معاهـم كتـب للتقـوى أناجيـل(ن) مـع قـرآن
وأنا ماأقدر أقـول اللـي ذكـره مظفـر النـواب
ولا أملك عصى موسـى وجـلادي مثـل هامـان
ولا عندي سفينة نوح أشيـل بوسطهـا الأحبـاب
واخلي البؤس والشقوى وسجاني مـع الطوفـان
ولا أملـك جبـل داوود ينأبـي عـن القـصـاب
وانا وربعي مثل نمل(ن) خشى من سطوة سليمان
تموت بداخلي أسرار عجـزت ابوحهـا لأسبـاب
وعصى نيرون وكرومر وهولاكو علـى الأمتـان
وأخاف وأستمد قـوة صـلاح الديـن والخطـاب
ويمـر المعتصـم يمـي ويذكرنـي بمجـد كـان
وحنا ياوطن لاجلك نقـص رقـاب فـوق رقـاب
تروح ارواحنا فـدوه ولا نرضـى لـك الحقـران
وآبي أكسر طقوس الظام من صنعا الـى عنتـاب
وأبي أسمع صهيل الخيل من تونس الـى عمـان
وآبي أنفض فقر قومي وأغير واقـع(ن) غـلاب
وأطش الفقر بعيون(ن) تراسيمه كمـا الشيطـان
وأفجـر ثـورة تمحـي طغـاة العالـم الـكـذاب
واشيل الظلم في نعشه وألفلـف هالفقـر بأكفـان
وأنام وبيـت هالأمـه وسيـع وثابـت الأطنـاب
وآخايل بسمة الفرحه على وجيه(ن) بها الأحـزان
بلاد العرب أوطاني لـك عيونـي مـع الأهـداب
بلاد(ن) ربي حاميها من البصـره الـى تطـوان