قصائد..الشاعر..الراحل..طــلال الرشـيــد..{رحمه اللّه}

ورثي أحرامي
أنا مابي من الدنيا 00وصـول ٍ للعيـون الدعـج
وأظن الصدق يكفي00لو أموت00وورثي احرامي

حبيبي جاهل ٍ طاغي 00يحسب إن الجوارح ثلـج
وأنا مالي شفـاه وفم00صوتـي ضيّـع احلامـي

إذا حبك ذبحني صد ّ00كـل ٍ لـه بموتـه نهج
تشهّـد بالعجـاج البيد00قبـل تمـوت قدامي

أنا غصن ٍ00وأنت اوراق00والعاذل خريف وعج
و وش عذر الورق والغصن00لا يابس ولا ظامي

غديت الشايب اللي عاصب ٍ راس الزمان الحـرج
كبير ٍ حـز ّم الدنيـا علـى متنـه 00ولا قامي

شليلي بالعفاف ابيض 00 على حالته يومه نسـج
000 تدور الناس والدنيا00وأموت وورثي احرامي
.•:*¨`*:•. .•:*¨`*:•..•:*¨`*:•. .•:*¨`*:•.
إن حكت
ان حكت غار السكوت من الحكي
وان بكت يحسد مدامعها الغـرور

كنها والشمس خصـم ومشتكـي
وبين ذيك وذيك عذبت السطـور

الثرى يـا مايسـه مغروركـي
ومن يلومه ما يعرف سر الغرور

والجمال امرايته فـي وجهكـي
والبها له في جفن عينـك فتـور

الحلا يـا حلوتـي شبّـه بكـي
منهكٍ حرفي ويشكي به قصـور

والحروف اتهني احروف اسمكي
والاريج اختال في عرس العطور

يا غريـره ياغـرورى مسلكـي
تهت والا تاه عن كفـي العثـور

في طريقي ضاعت الخطوه لكي
ماتميز بيـن نـار وبيـن نـور

باريس

واحد خايب..حظه تعيس

سافر تقسيط لـ باريس

كذب على ام العيال

رايح ادور عمال

جمع الورث

حصاد الحرث

وقبل يسافر ياساده

سجل في نادي كالعاده

يسوي برنامج تخسيس

قام يدور شنطه تكفي

وكل هدومه قبل يصفي

عشره فنايل علاقي

وشورت وشراب ماقيس

قالت ام عياله تكفى

خذ لك لبس شوي يدفي

قال فـ باله مسكينه

والله قدامي اللي يدفي

قام يودعها وقالت له

خذ بالك يانور عيوني

وتعوذ دوم من ابليس

قال فـ باله يامسكينه

ومن عازمني غيره!

ناطرني ابليس فـ باريس

يابعد حيي
اليوم يا بنـت مـن زيـي
الشمس واردت على ضيي

جيت انتخي بالوجيه البيض
يا عزوتي يـا بعـد حيـي

الجادل اللي حلاهـا غيـر
ضيعت في شمسهـا فيـي

بعيونهـا سلسبيـل رمـاح
و الموت بالسـود متهيـي

موت و انا اموت انا بالموت
كثيرهـا غـرّق شـويـي

لا قلت تكفين قالـت جـاك
و ان جيتهـا فجـأة تعيـي

و لا قلت مالي و مال الغيد
قالت وهم بينهـم زيـي

و ان قلت انا تبت مالي كار
مقفي زمانين عـن غيـي

قالت و هي تلتفـت للنـاس
طلال موتـه علـى يـدي

ميت وأنا حي
بيني و بينك عرفـت المـوت
تحـب و الـحـظ متجـنـي

تبي الصدق حبهـا منحـوت
و أصبحت منها و هي منـي

أفرشلهـا القلـب باليـاقـوت
و أقـول يـا دلـي إتمـنّـي

صدري قصور و مدن و بيوت
و هي المليك اللـي يحكمنـي

يا ويل ويلي عليهـا صـوت
تحكـي تقـل كنهـا تغـنـي

و سكوتها غير كـل سكـوت
كـل شـي فيهـا يكلمـنـي

قد شفت شمس زرعوها توت
بشفاتهـا الـتـوت متثـنـي

يا حلوهـا و القلـم مبهـوت
وش يكتـب بوصفهـا عنـي

هي دنيتي و الهوى و القـوت
و إن غبت عن وجهها كنـي

متغـرب و غربتـي تابـوت
ميـت و أنـا حـي مستنـي

قولو لها لـو يفـوت الفـوت
هو ينفـع الصـوت متعنـي

و قولو لهـا و الله إلا مـوت
لو خـاب فـي حبهـا ظنـي

أوعدك

إن كان بعدي يسعدك

الليله أرحل

من الليله باختار الطريق

من الليله الليل الرفيق

و أوعدك

ما أعاتب أو ألوم .. إلا نفسي

و ما دام في قلبٍ معك

أوعدك

حبيبتي يا ليت

ما قولك يا ليت

و ما قد تمنيت و شكيت

حبيبتي ويلي

لا من غدى جسري

أنا لنسيانك انتي ذكريات

حبيبتي

ما أصعبه نسيان ذاتي

و إلا أقوم .. أوعدك

سريت

عن الليل اللي فـ عيونك

عن بلادك سريت

و أوعدك

إني أقول إني نسيت

بس أوعديني

لا زارني طيفك و أنا وحدي

إني ما أبكي

و أنك في قلبي تموتي

و أنك على عيوني تفوتي

و ما أعرفك

و أوعدك

إني من الليلة أموت

من يوم أقوم .. أوعدك

أوعدك

رحــمــــك اللّــه ياشاعرنــــا الغـــــــــــالـــي

تقبلوا تحياتي... أخـتــكم ::
ملاك

» لمحبي الشاعر : قصائد صوت نزار قباني
» الشاعر طلال الرشيد رحمه الله
» مقاطع @ قصائد@حزينه
» قصائد غادة السمان
» حامد زيد - قصائد _فيديو