قصائد..الشاعر..الراحل..طــلال الرشـيــد..{رحمه اللّه}

ياصغير
يا صغيّر ما يكبرني لقب

وما يصغرني إذا انكرني صغير

ما خذينا الصيت من جمع الذهب

ولا نسابة شيخ او قربة وزير

كاسبينه من هل السيف الحدب

الجنايز كان ما جاك النذير

صيتهم نجم ٍ على رأسه لهب

سمعوا الصقهان به واجهر ضرير

بالوفا تاريخ أبيض ينتصب

لا حكوا بالحق حيين الضمير

ضيغمين للسناعيس انتسب

لابةٍ طلنا بها عرش كبير

عند حدك يا كثير الهرج تب

لا تمر النار وثيابك حرير

كان لك عز بذلي فتعقب

والله ألا تبطي وحبلك قصير

احسبنك من صناديد العرب

واثر ساترتك عباتك يا غرير

ما حسب للسوس زراع القصب

والقراده ما درى عنها البعير

ولو حسبنا للحسايف والتعب

ما بذرنا يا العصافير الشعير

عن هللك ابراي لله واحتسب

الرجال اللي مجارهم عسير

من قريش المصطفى وابولهب

والدغالب ما غشت عذب الغدير

للرجال من الرجاجيل العتب

والزكاة تحل في حال الفقير

لعنبو وقتٍ غدينابه حطب

تحرقه نار يثورها اجير

ما ألومك والزمن سوى العجب

هو بقى غير الكرامه بالجفير

ما أذل وراسي يشم المهب

لو بقى من شمر طفلٍ غرير

ما اهاب ولا يزلزلني غضب

الشجاعه ورث العاقل غزير

يا صغير ما يكبّر باللقلب

غير من هو كان من دونه صغير

حكوْ فيها

خذَوْ في طاري الحلوه و جابوا

مسيكينه

بسيرتها تنابوا

و ذي صدق لشفاهي أبد ماهو قريب

بشر يا مصعب ارضاهم

و انا ماني حسيب

أنا سايق عليك الله لجل الله يا شامت

خلي الشوك من يدّك

و لا تطرف عيوني كحلت بالزين

لانام .. انا افداها اذا ودّك

يا هل ترى انتي وين يا بنت الشفاة؟

انا ادوّر عليك بصورتك

وينك ؟؟

أنا كني لمست رداك و ايدينك

ما شفتك بكلّ الكلام

شفتك على سجادتك

كنك تصلين القيام

و ليلك سرى بعبادتك

ما اصدقه ..

و الهرج ابد ما هو دليل

ما اصدقه ..

يعلّ يفداك الذليل

الله يستر خوافيها

اللي حكو فيها

جتنــــــــــــــــــــي

جتني وشافتهـا عيـون حايـرات

ذا شعاع الشمس او هـذا سناهـا

ضاعوا اللي جوا معاها مسيـرات

واقبلت تمشي تقـل محـدٍ معاهـا

ياسنـا الفضـه وياجيـد المهـات

ياشذى نبت الخزامى فـي وطاهـا

قلت كن بوجنتـك زهـر النبـات

قالت ان الرمش يجرح لي صفاها

تجرح الظلمـا عيـون ناعسـات

سلهمت وأغضت تغطرس في بهاها

حققوا بالشوف فـي لـون الشفـاة

هو خذا منها الشفـق والا عطاهـا

ولو ظـلام الليـل يعطينـا ثبـات

فيه من لون الشعـر والا كساهـا

كيف أباصف زين كاملة الصفـات

كيف أباصل في حروفي منتهاهـا

بعض الأحوال
أنا مقدر أكون .. اني حبيب في بعـض أحـوال
أنا كلـي أجـي .. و الا أروح بعزتـي .. كلـي

تخيرت الفراق و مادريـت إن الفـراق وصـال
أقول اني نسيتك بس مدري كيـف تاصـل لـي

خذاني لك سؤال في عيونـك و الجـواب محـال
خذاني منك دمـع فـي عيونـي مارضـى ذلـي

رحلت انت و تركت بداخلي طيفك و صبر طـال
غدت ذكراك شمس ما تغيب و صورتـك ظلـي

حكيت و مالقيت مـن الحكـي الا النـدم مـوّال
سكت و مت بالحسره و لا ادري و شهو احسن لي

أحبـك كـل مافينـي يحبـك يـا خلـي البـال
تخيلتك دواي و صرت جرحي الصعب يـا خلّـي

تعبت أرحل مع وجيه البشر بانسـاك بالترحـال
و لا ادري وش يجيبك في وجيه النـاس و اهلّـي

.•:*¨`*:•..•:*¨`*:•. .•:*¨`*:•.
علمتني
علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى

عيون الصغار
وجهك غضب .. وجهك عروس

يضوي مدى .. يحرق نفـوس

تشبه لك الشمس الشموس

! .. و مـا لـمـحــتــك

سـلام يـا أحلـى الأنـام

دربـي مثل عينك ظـلام

تشبه لك أسراب الحمام

! .. و مـا وصـلـتــك

يا صوتها الرايح وجاي

مابين أشواقي وشقاي

تشبه لك الونّه و ناي

! .. و مـا سـمـعـتــك

حبيبتـي والبـوح نـار

إنتـي أنا بكل إخـتصار

تشبه لك عيون الصغار

! .. و مـا عـشـقـتــك

يا مهرتي البيضا الأصيل

تلعب و انا صـبٍّ نحيل

تشبهك غابات النخيل

! .. و مـا سـكـنـتـك

يا غـاية الحلـم المحال

مثلك أنا حلمي الوصال

يشبهك في الشاعر خيال

! .. و مـا كـتـبـتــك
كـلـّمـنـي عـنّـك

تنهيدتين ونار
أبعرف كل شيٍ عنّك منّك

قلـّي وش أول جروحك

قلـّي وش آخر أمل ترجيه روحك

إحكي عن طبعك

وعن ربعك

عن اللي يهـزّ دمعك

قلـّي وش معنى الحياة

قلـّي بأنفاسك متى قد قلت آه

إحكّ لي عن الحب

إحكّ لي .. إحكّ لي

إحكّ لي عن الشوق

طـر بـي فوق .. فوق

خـذنـي منّك

وإحكّ لي .. عنّك

الـصـدق

إن الأمل من قبل أعرفك .. كذب

والتضحيه أوهـام

وإني أنا من قبل أعرفك

كنت أعرف أنـام

كان السهـر مـو هـالسهـر

لعب .. و أغانـي .. و إخـتصار

صار السهـر تفكير

صار إنتظـار

صار إحتظـار

صار السهـر .. تنهيـدتيـن ونـار

يا منتهـى أمـري

بالهمس قلـّي مرّه يا عمـري

وطـر بـي فوق .. فوق

خـذنـي منّك

وإحـكّ لـي .. عـنّـك

عيون الحب

عيون الحب لا يمكـن تناظـر عيوب الخل لوهو عيـب كلـه

تماري فيـه وبوصفـه تكابـر ترى من فوق خلـق الله محلـه

رفيق الليل في الشبـاك ناطـر واثـاري الليـل شبـاك لخلـه

حفظ احلى الكلام وصار شاعر بصبر ينتظـر والصبـر ملـه

حبيب عشت في دنيـاه عابـر حسب قوله ويـا شعـري فقلـه

انا ضحيت له وارجي وصابـر واذا عيـا اقــول الله يحـلـه

على الملتاع الا يا بعـد باكـر يبي السلوان والذكـرى تظلـه

صحيح ان الهوى سحر المشاعر يراه الصـب عـز لـو يذلـه

عيون الحب في قلبـي تناظـر تشوف اللي عيونـي مـا تدلـه

آخر حب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك

وكنت احسب اني لقيت احباب قبل اوصلك
واثري توهمت في غيرك وانا كنت ابيـك

تعال نعطـش وتشربنـي وانـا اشربـك
تعال قبل الوعد اجلـس معـي نحتريـك

تعال شفنـي وانـا استنـاك كم اشبهـك
يطري علي الف راي و راي واحتارفيك

اجي مكان الوعـد والا اسبقـه انطـرك
والا آخذ الموعد اللي يحتريـك واجيـك

يا آخر الحب ذقـت الحـب فـي اولـك
ويا اول الشوق اقصى الشوق ما ينتهيـك

علمتني كيف اعرفك لين صرت اجهلـك
ضيعتني في متاهاتـك وكنـت ارتجيـك

حبيـب الاحـلام يابعـدك ويامقـربـك
حـرام يكفـي تبعثرنـي وانـا احتويـك

ان شفتك بحلـم صدقتـه وانـا اتوهمـك
وان شفتك بعلـم كذبتـه اليـن انتشيـك

اخاف اغمض عيوني وان رمشت افقـدك
واخاف افتح وتصبـح حلـم ولا التقيـك

ذكرى الفراق
اليوم ذكرى الفراق ومرت اول سنـه
اليوم لي عام متغرب وحيـد وحزيـن

اليوم انا ضيف جرحي جيت باطمنـه
اني جمعت الدموع وجبت امانة اميـن

ما يجرح الصادق الا غدر من يامنـه
لا جت من احباب قلبك لا تلوم السنين

مليت من هالاماني دام مهـي ممكنـه
لاهي تحقق ولا ياسي بوجهـي يبيـن

لوين انا وانت مثل الشمس والازمنـه
مع كل صبحٍ يجددني لشمسـك حنيـن

لا قلت احبـك احبـك كنهـا دندنـه
او كنها وردةٍ مابيـن اصابـع جنيـن

يا اجمل الناس لك بين المـلا هيمنـه
كثير غيرك ولكن مين مثلـك و ويـن

يا عاذلي خذ عيونـي يمكـن تثمنـه
تشوف عيبه وانا اشوفه ملاك حسيـن

امس افترقنا وانا احسب مرت اول سنه
يا طولها ليلة الفرقـا سنـة للحزيـن

ماجته في موعده

يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه
وما جته

ماجته في موعده

يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه
وما جته

مشتاق ومضنيني الفراق

مشتاق ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكذب
مليت بك طبع الغرور
يا عيونها مشتاق
وللدمع مع جفني عناق
مشتاق ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي وانا فبرد الشتا موعود
ايا مسكين يا قلبي انا ماشي وهو يلتقت لك عود
ايا مسكينه يا روحي تحب اللي يعذبها و يزيد صدود
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني

أحساسي الليله
الليله أحساسي غريب

عاشق ونا مالي حبيب

حبيت كل الناس لاموني

حبيت كل الناس باعوني

قلت أحب الحب أحسن

قلت أحب الحب أضمن

لا أحن .... ولا أتوه

ولا بعد في يوم أحزن

رضيت بأقداري ونصيبي

صرت محبوب الحبايب

وصار كل عاشق حبيبي

الليلة غير

شعوري غير

أشواقي غير

حتى الأغاني غير

صدري سما ... واحساسي طير

بس طيفك ماتركني

ظل ساكن تحت جفني

كان وافي...كان يذكر وإنت ناسي

إنت وينك ؟

كان هذا الفرق مابيني وبينك؟!

جيتني تشكي الزمن

وجيتك أبي أدفى

لقيت في قلبي وطن

ولقيت فيك منفى

لحن بدو
حنـا ولا مـن قلـت حنـا تحنـا
كل الكلام بعطر تاريـخ الاجـداد

المجـد هـم وهـام فينـا وغنا
حتى علينا من على روس الاشهـاد

يا كبر حـظ الـي نخانـا و ثنـا
نشد له فوق الفخر سـرج وشـداد

ان هلل التاريـخ غطـرف وطنـا
وان سولفو عنا رجاجيـل واجـواد

وان بان لك شمس ترى ذيك حنـا
نشرق مدام الظلـم ظلمـا وحسـاد

يا بنت يمـي كـان رمشـك تمنـا
اشق لك ثوب السماء جود وعنـاد

واشدلـك زمـلً جـفـن المعـنـا
واسري بوجهك لاغشى وجهي سهاد

يـا حلـو قـدك يـوم قـدك تثنـا
محدا تغنى فيك من خوف الالحـاد

حنـا البـدو يابنـت هـذا لحنـا
نحبك اكثر لاغـدى حبـك جهـاد

وحنا البدو يا بنـت لامـن نخنـا
بناتنـا يثالـث العـيـد الاعـيـاد

وحنا البدو يابنت وان قلـت حنـا
فاح الكلام بعطر تاريـخ الاجـداد

لحن بدو
حنـا ولا مـن قلـت حنـا تحنـا
كل الكلام بعطر تاريـخ الاجـداد

المجـد هـم وهـام فينـا وغنا
حتى علينا من على روس الاشهـاد

يا كبر حـظ الـي نخانـا و ثنـا
نشد له فوق الفخر سـرج وشـداد

ان هلل التاريـخ غطـرف وطنـا
وان سولفو عنا رجاجيـل واجـواد

وان بان لك شمس ترى ذيك حنـا
نشرق مدام الظلـم ظلمـا وحسـاد

يا بنت يمـي كـان رمشـك تمنـا
اشق لك ثوب السماء جود وعنـاد

واشدلـك زمـلً جـفـن المعـنـا
واسري بوجهك لاغشى وجهي سهاد

يـا حلـو قـدك يـوم قـدك تثنـا
محدا تغنى فيك من خوف الالحـاد

حنـا البـدو يابنـت هـذا لحنـا
نحبك اكثر لاغـدى حبـك جهـاد

وحنا البدو يا بنـت لامـن نخنـا
بناتنـا يثالـث العـيـد الاعـيـاد

وحنا البدو يابنت وان قلـت حنـا
فاح الكلام بعطر تاريـخ الاجـداد

رساله إلى صديق الطفوله
صديق الطفولة وش جـرى لـك مـع الأيـام
هـي أنصفـت دنيـاك والا أنـت بـك مثلـي

فقدنـا ملامحـنـا مـثـل سـايـر الأنــام
عبـث بنـا جـور الزمـن والزمـن يبلي

وقفنـا جميـع وبينـنـا حـاجـز الأعــوام
صعيب ٍ وصولي لك.. ويا صعب لـك وصلـي

وأنا اشوف في وجهـك طريـق غشـاه عتـام
وذاك النخـل واشــوف دارك ودار أهـلـي

وسدره.. هي أكـرم مـن أهـل بيتهـا اللـوام
وفي وجهك أصحابي.. عصى مدرسي.. وفصلي

وعـود ٍ كبيـر ودايــم ٍ فالـظـلال يـنـام
فـي ذكرياتـي لـه بعـد ملـمـح وجـلـي

وسـور كتبنـا فيـه ذكـرى عبـث وأوهـام
ولـي فـي عيونـك صـورة زانهـا جهلـي

بثـوب تبلّـل بالمـطـر والـتـراب وشــام
وأنا حب أسير الْعَـب وهـي حافيـه رجلـي

أنا وانت طفل وطفـل دايـم رضـى وخصـام
بكانـا سهـل والضحكـة أمـرٍ بعـد سهلـي

دعانـي بوجهـك نــاده ٍ يـنـده الأحــلام
معه رمح مدري هو علي غاضـب.. أو لجلـي

أنا كيـف أباصـل والأمـل خلـف مـو قـدام
كثير الأسـى والسِّهـد يـا مـن فعـل فعلـي

موت الأحساس
قالت نصيب وقلت يومك تبيني

غصب على الدنيا ... يدك في يديني

لا تظلمين الوقت وش ذنب الايام

لو اقبل اعذارك يعيي حنيني

غديت ما بين الرجا .. فيك والياس

هذا .. يبي مني وهذا .. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني

يازمان الذل
أسلحتنا في المصاحف

يا زمان الذل

.. زل..

ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه والقيم

يا زمان الشيخ بوش
يكفي هزأت المبادىء

يكفي أحرجت العروش

الكرامه يا طويل العمر ما تكفي النعوش

يا زمان البيت الابيض
إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل

يا زمن نهب المتاحف
جانا جيش الحقد زاحف

جتنا لعلوج الزواحف

فتشوا حتى العقول

وأسلحتنا في المصاحف!!

يا زمن أمريكا شكراً
أنتزعت الأقنعه

إنت ازلت الأقنعه

وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه

بس خلك مستريح
الصحيح

يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح

يا زمان الازمنه خليك شاهد
إحنا مو ناقصنا واحد

هو صلاح الدين

احنا ألف مليون واحد

هم صلاح الدين

حنا بس بعيب واحد

هو.. فساد الدين

يا زمان الذِل

حِــل

قلت لك مالك حِل

بعض الأحباب
ما قلت احبك ولا قد قلت ما حبك ... احب مالي عيوني وانت تـسـواها

لو تدري اش كثر تعني لي تعرف انك .... اخر امل في حياتي واول مناها

ياكثر احس ان بك مني وبي منك ... روح قسمها على شخصين مولاها

لا تقول وش تحب فيني اعشقك كلك .... من ليل شعرك لكلك واخر اقصاها

سميتني نصـفــك الثاني ويا شحـــك ... انا بسمـيـــك كلي وانــــت معناها

تعبت اوديك له يا قلب ويردك ... لا اخذ حلومي ولا خلاني انـســاها

كل الحمام استراح وناح في ظلك ... والورد الاصفر سقته الروح من ماها

ليتك بعمري ثلاثة اشخاص ماملّك .... واحد معي دوم وواحد روحي يملاها

والثالث بجفن عيني لا فقد حسك ... او غمض الجفن جاني فيك يتباهى

مو بس احبك انا والله من حبك ... احب حتى ثرى الارض اللي تطاها

اموت من فرقاك
أموت من فرقاك وأموت بلقاك *** وأموت من جورك وأموت بحنانك

كلٍ قضاه يمــوت مرّه .. و يفداك *** و أنا أموت ألفين مرّه عـشــانك

أذكرك .. لا مني نسيت إني نسيتك *** أنـسـاك .. لامني ذكرت نسيانك

رضيت أنا بالهم لرضاك مرضاك *** و ارخصت لك قلبٍ جرحته وصانك

أجيك في صدري عتاب .. وابجفاك *** وأرجع ألوم الوقت و أقول خانك

أحب فيك ..احساسي إني بلا ماك *** في عز خوفي منك أحس بأمانك

عجزت أفرق بين وصلك وفرقاك *** ياللي عطيت الناس بيدك عنانك

مر تجيني لين أقول إني إيـاك *** و مر تروح بعيد و انسى أوانك

أقبل و تقفي واعتذر عن خطاياك *** و أقول ما عييت .. عيا زمانك

وإن خانتك دنياك أو خنت دنياك *** إرجع و تلقابي .. مكانك،مكانك

العواذل
حبيبتي كل العواذل تشابه ..... قلبٍ ظلام ووجه يشبه للأصحاب

ولا ما غدى لك صاحبٍ ينحكى به ..... لا تسمعي أن كان لك قلب وأحباب

إلى مشيت الدرب يلهث سرابه ..... وإلى سكنت الدار ناداني الباب

وشلون أنام وهم قلبي صوابه ..... والشوك ينبت بين جفنين وأهداب

تعبت امني .. الأسئلة بالاجابة ..... وانطر شروق الشمس والشمس بغياب

وتعبت أناظر والمعنى عذابه ..... أنك بعيده والملا دونك حجاب

اجمع كلام وما أعرف الإجابه ..... وعندي شعور صدق والوقت كذاب

كل النجوم اللي امطرت من سحابه ..... حبيبتي دمعك جرح قلب واتراب

واللي وقف ما بين بابي وبابه ..... قلبٍ ظلام .. ولابس ثوب الأصحاب

حبيبتي
حبيبتي لا من غديتي لي ســراج اتـــبعه
وكني غديت من الظما اركض ويطردني السراب
لا تبخلين اليا شربتك ماشربتك من سعه
دامي من جروح الهموم الموجعه كلي صواب
اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مر صوتك ماسمعه
اليوم ما كني فقدتك من سؤالين وجواب
يابنت في خدك وهج سيل الشموس الساطعه
احـرق بداخل داخلي انسان ماهو للتراب
واللي خلق ظلم الليالي بالعيون الهاجعه
اني من الحرمان اتسائل وحرماني جواب
يوم الوداع تخيلي مالي حبيب اوادعــه
محروم انا وتخيلي محروم حتى من العذاب
ليتك بعمري ثلاثة اشخــــاص مامــلّك
واحد معي دوم وواحـــد روحي يملاها
يابنت لي قصه تطول بكلمتين موجعـــه
هي باختصار اني انا اركض ويطردني السراب

مريض اللي فقد سلطان

بشدّ لمشرق الشمـس .. و بعلّـق فوقهـا ديـوان
أمانه لا وصلتي مغرب الشمس .. انثـري قافـي
أنا بلسان نجد أرسل .. قصيدة شوق .. من ولهان
على زهور النفل ريح الخزامى .. تنّـده الغافـي
تنهّد بالقصيد طويـق .. سالـت دمعـة الصمـان
من أنفاس القصيدة .. انصرم طلع النخـل صافـي
نختني للقصيد أرضٍ .. من الوادي .. إلى بابـان
ثراها يشربك حـبٍ .. و لا يـرواك يـا وافـي
ألا يا شيخنـا حبـك .. علـيّ الله مـن الإيمـان
ما دام انت الوطن و الدار .. ستر العاري الحافـي
غلاك اللي شرب كل الجوارح .. لين صاراحسان
غديت من الغلا ملجأ .. لمن حبـك معـه خافي
لنابك هيبةٍ تفرح صديـق .. و تجـرح العـدوان
و لك منا رجال تعـد .. مـوتٍ دونـك انصافـي
تعلمنا المراجـل منـك .. لـك بالمرجلـة ننـدان
و لا نلحق معك .. ما يلحق الإعصار مـع سافـي
كملت إلا أن عذروبك بشر .. و عن البشر شتـان
تطيح و تمتـرض .. ليتـك مخلـد دوم متعافـي
سبقني للقصايد فيك .. من روس العـرب اخـوان
و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف انسـان
حنونٍ في ضلوعه .. قلب طفل .. بحـس شفافـي
تقل شمسٍ إلى من .. بان بسمه يرجـح الميـزان
و كل الخلق عقب الشيخ .. سرج بعضهـا طافـي
ألا يا أميرنـا .. هـنّ بسلامـة حالـك الخـلان
فلا قبلـك مريـض .. يهنـي الـزوار و اللافـي
سِلِم .. من يوجع اقدامه .. و لا توجعه في ميـدان
سلم .. من له دعينا الله .. رد الشيـخ يـا شافـي
سلم .. من نار عينه تمن أهل الدار .. و الجيران
سلم .. من ضحكته تودع مريـضٍ ميـسٍ شافـي
سلم .. من طوّع الشمس الشرود .. و عنها بعنان
تعلـق فـي معارفهـا .. و يمـم راس مشرافـي
إلى قالوا مريض قل .. مريض اللي فقـد سلطـان
و إلى قالوا بعيـدٍ قـل .. قريـب الهـمّ لسنافـي
نخيت الشعر .. أوصف وش تحس الناس لكحيلان
و إذا خان الشعر شاعر .. عسى يكون الغلا كافي

حكاية شمس

كنـك مـلاك وطلـع تـوه
الله وش كـثـر مـحـلـوه

ماعاد بـه غيـرك حكايـه
جيتـي وكـل تـرك جـوه

الليل لـف ولمسهـا لمـس
بعيونك اغرب حكاية شمـس

وانتي الـى الحيـن نسايـه
ضيعت باكر عشانـك امـس

دايـم اقـرب وهـو يبعـد
وفي شفتـك للشفـق موعـد

ويحـط لاحزانـي نهـايـة
من غيرك اللي قـدر يسعد

ياللـي تحليـن اي لـبـاس
يغار مـن جيـدك الالمـاس

حـرام تعـذيـب وكفـايـه
حني على الناس ياحلى الناس

والشمس تحضـر بميعـادك
مـن يقـدر يلـوم حسـادك

تغازلـك حتـى المـرايـه
(( .... )) ياشمس والنـاس

بيضا وفيها سمـار الحـور
سمرا وفيها بيـاض النـور

مالـه بـدايـه ولا نهـايـة
من مثلك اللي جمالـه جـور

والكامـل بحـق وجــه الله
ياحلـوتـي كـامـلـه والله

ياللـي لكـل البشـر ايــه
من يشبهـك حلـوة الطلـه

» لمحبي الشاعر : قصائد صوت نزار قباني
» الشاعر طلال الرشيد رحمه الله
» مقاطع @ قصائد@حزينه
» قصائد غادة السمان
» حامد زيد - قصائد _فيديو