كيف تثيرين زوجك بطريقة مارح ينساها؟

كيف تثيرين زوجك بطريقة مارح ينساها؟ السلام عليكم والصلاة ع النبي صلوا عليه
موضوعي هو : (( كيف تثيرين زوجك بطريقة مارح تنسيها؟ انتي مو هوه ))
واقصد بكلمه مارح تنسيها انه هذه الطريقة منظمه
مخطط لها
متسلسله كما الاتي:
بسم الله نبدأ:
اولا
راح نعتمد على طريقه مهمه وتعرف بالحواس
وكيف تتم اثارتها
ونضع الحواس بالترتيب
كالآتي:
*حاسة العين
1) بالنسبة للبيت
لازم يكون "مرتب ونظيف"
وعشان النظافة اليومية خلي الكلوركس صديقك الدائم وعشان ماتتكاسلين عن التنظيف
حطيه مع صابون مع موية (خليط يعني) في علب زي علب صابون لوكس السائل ووزعيها على المغسلة وفي الحمامات
وبالنسبة للترتيب
اعتمدي قاعده لكل شي مكان وكل شي بمكانه
ولازم كل مرة تتطلعين شي ترجعينه مكانه لو تركتيه برا رح تتراكم الاشياء
ويصير كل شوي تقومين بجولات نظافة مرهقه
2)بالنسبة لكي
لازم تكونين نظيفة ومتزينة
المكياج اليومي ماسكرا وروج ولا مرطب و مورد خدود وكحل داخل العين وتحت الجفن وارسمي الحواجب بس لاتطلع مصطنعه واللي تسوي كحل فوق العين طووووويل زي سوبر مان بلا منه واللي حواجبها كثيرة مايحتاج ترسمها بلا كثرة خبيص
وخلي الماكياج الكامل مرة بالاسبوع
وعشان ماتتكاسلين عن اليومي هذا لازم تحطين الادوات المذكورة بالحمام على سلة علقيها جنب المراية
ولاتنسين ترتبين شعرك واللي تخبص الزيوت ياليت تبطل سوي حمام زيت مرة بالشهر
وخلي خليط الزيوت لوقت مايكون فيه زوجج موجود واهتمي اولاً واخيراً بالغذاء
وطبعا لبس حلو
*الانف
1) بالنسبة للبيت
لايشم زوجك الا ريحة النظافه والبخور اليومي
وعندي حركه روعه لغرفة النوم
اولا المطلوب اباجورة وزيت عطري وخليه بفواحته بس جنب الاباجورة
مو لما يجي الليل تولعينها صح يصير بعد توليعها بكم دقيقه مداها احترت خذي عود أذان وغمسيه في زيت الفواحه مجرد شي بسيط ومرريها ع نفس لمبة الاباجورة بس بحركه سريعه ورح تشوفي كيف العطر يتبخر عطول ويملأ الغرفة
2)بالنسبة لكي
لايشم الا ريحة النظافه ثم العطر واستخدمي العطر الدهني لشعرك ورقبتك ونحرك ويديك وخلف اذنك لانه يمسك اكثر وياليت تستخدمين بعد الاستحمام اليومي مزيل العرق السائل مو البخاخ لانه احسن من البخاخ وحطيه تحت ابطيكي ولاتنسين تشترين لزوجك زيه والله اربع وعشرين ساعه مافيه ريحه في كل متجر موجود.. عشان اطقمووووووون وفيه ناس بالمره ماتستخدم بس تستخدم اللي يخفف العرق وهذا افضل
*الاذن
1)بالنسبة لبيتك
بلاش قربعه المواعين وصوت المكنسة اللي وهو موجود وغيره من الازعاج المعروف
2)بالنسبة لكي
الصوت الهادئ
المنخفض يسحر الانسان خصوص الزوج
راح يتذكر صوتك دايم لو وطيتيه
ولازم طبعا الكلام الحلو وتحسسينه انك مشتاقه حتى لو كنتي مغثوثة منه عشان ماينجرح ويحزن مع نفسه
لان الصوت العالي يوحي بالرجولة
فخلي الصوت العالي للرجال
(((((صارخي ع عيالك واخواتك بس لما يكون فيه انقلبي الى الفتاة الخجولة ولا احد يقول صعب لانه النساء يقدرون هذا كله))))
*حاسة اللمس
دايم وانتوا تتكلمون امسكي اصابعه والعبي فيها
هذي التفاصيل الصغيرة تصبح اشياء لاتنسى
ولااتنسى ..
لما تمشين
بلاها الخطاوي السريعه بتاعة اللي يلحقون المضاربات
خليها بشويش وميلان
يعني مشية انثوية
واخـــــــــــيرا
((المراة اللي صوتها عالي
وشكلها مشي حالك
ومشيتها كنها رجال))
اعيدي النظر في التفاصيل هذي عشان ما ينسى زوجك انه متزوج انثى [img:5fa1]http://www.vb.haawy.com/images/smilies/55009[1].gif[/img:5fa1]
يلا يابنــــــــــــــــــــات ورووني همتكم .. وشدو حيلكم ولا اوصيكم حطوا ازواجكم في عيونكم
0000000
م
ن
ق
و
ل

زائر

يسلموووووووووو اختي اميرة

معلومات قيمه وهامه للكثير

أشكرك على الطرح

لاهنتِ

يسلمووووووووووووووو على المرور