قصة حقيقية (ابليس سواق الباص) ... ههههه

(( قصة طريـفة وواقعيـة ))
جلس رجل على السرير الأبيض ... في إحدى المستشفيات.
وكان كل جسمه ورجليه شاش وكلها جبس، وما تسمع إلا الآهات وما غير يحن ويون من الأوجاع اللي فيه عاد أنا قلت يمكن إنه مسوي حادث قوي أو إنه محترق أو أو أو ... إلخ
المهم جت الساعه 4 العصر وبدأ وقت الزياره وأستغربت من شي غريب كل من جاء يزور هالشخص يطلع من عنده ميت من الضحك، جاني الفضول وقلت وش السالفه؟
وعلى هالحال كل من جاء وسلم عليه ما تسمع إلا ضحكهم من وراء الستاير
أنا قلت لازم أعرف وش السالفه ... انتهى وقت الزياره وأروح له على طول !
وأتشافا له وأقوله الحمد لله على السلامه عسى ماشر ومن هالكلام
وكل همي أعرف ليش يضحكون ؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه خذوا راحتكم بس بغيت أعرف السر يعني ؟
إذا ما عندك مانع .
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : "نعم" الله يشفيك .
قال لي : أنا ساكن في شقه في الدور الثاني ، وعندي بلكونه،
وإذا نمت فتحت باب البلكونه وطفيـت النور وتسطحت على السرير .
ويوم نمت وغصت في أعماق أعماق نومي حلمت اني في يوم القيامه ! وأنه مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!!
المهم الجماعه ينادون بالأسم .. فلان بن فلانه باص النار ... فلان بن فلان باص الجنه .. وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجل وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل على السائق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!
وألتفت لي ... طلع هو إبليس !!!
الله ياخذك . أنا من أهل الجنه .. ياحمار لا توديني النار .. أنا من أهل الجنه .
والله العظيم إني من أهل الجنه ، تو من شوي قايلين إسمي ، وقف ياحيوان ، وقف يابن الكلب .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : ياكلب وقف !!! أبي أنزل !!!
قال : والله الباص هذا مبرمج على انه ما يوقف إلا في النار ... تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ... في الحوش !!

هههههههههههههههههههههههههههه

القصة حقيقيه
تعوذوا من إبليس قبل تنامون

ولا تنسوون الاذكار

ههههههههههههههههههههه

الحمد لله اني باقفل كل الشبابيك قبل ما انام

ههههههههههههههههههههههههه

قصة حقيقية (ابليس سواق الباص) ... ههههه 109

هههههههههههههههههههههههههههه

لاجا وقتها بتفتحي الباب قفليه بالمفتاح وخبي المفتاح

هههههههههههههههههههههههههههههه

لك كل الود والتقدير تحياتي

» ابليس سواق باص ههههههه
» ليلى المسكينة ههههه
» وصايا رمضانيه من ابليس !!!!!!!!
» ابليس يصف الوضع والحالة في البلاد
» ابليس راح يغادر ويقدم استقالة