الطفوله حلوه
الا ياريت الزمن يرجع ورا ولا الليالي تدور
ويرجع وقتنا الاول وننعم في بساطتنا
زمان اول احس انه زمان فيه صدق وشعور
نحب ونخلص النيه وتجمعنا محبتنا
زمن مافيه لا غيبه ولا نفاق وزور
ياريته بس يرجع ونسترجع طفولتنا
صغار قلوبنا بيضا نعيش بعالم محصور
ولانعرف ابد اغراب مغير بس عيال حارتنا
صحيح اصغار بالتفكير لكن ماعلينا اقصور
نخطط نكسر اللعبه تسعدنا شقاوتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنا
وعشان ناخر الحصه نخبي علبة الطبشور
نشاغب بس بالاخر تميزنا براءتنا
نحب الضحك والهيصه نحب ننط فوق السور
نفرفش ليه مانفرفش مدام الضحك عادتنا
لكن دارت الايام وبان الخافي والمستور
وصار الهم متعلي على قمة سعادتنا
كبرنا وصارت الدنيا تصف احزاننا بالدور
وتهدينا الالم والهم غصب عن عيني رغبتنا
تعبنا من بلاوينا احد ضايق واحد مقهور
وكل غارق بهمه وبالاخر تشتتنا
تقبلي مروري