فكروني... فكروني | كلموني تاني عنك
|
في قلبي وف عيوني | صحوا نار الشوق
|
وبحلاوته... وبعذابه... وبقساوته | رجعوا لي الماضي بنعيمه وهَناوته |
واِفتكرتْ كمان يا روحي بِعِدْنا ليه | وافتكرت فِرِحتِ وَياك قدْ إيه |
بَعدِ ما قلبي قِدِرْ يِسلاكْ وِيِقسى | بَعدِ ما صَدَقتِ إني قِدِرتِ أنسى |
كانوا ليه بيفَكَروني | جُمْ بِهِمْسَه... وَغَيَروني |
+++ |
بَعدِ ما نسيتْ الأماني والتَمَني | بَعدِ ما تعَوِدت بُعْدَكْ غَصبِ عَنِّي |
شالوا الصَبرِ مِني | كِلمِتين اِتقالوا |
صَحوا سَمْعي يوَد كِلْمَه مِن كَلامَك | صَحوا في عنَيَّه حَنينهُمْ لاِبتِسامَكْ |
صَحوا لي ظُنوني | صَحوا حتى الغيرَه |
وِاِبتَدا الليل يِبْقى أَطْوَلْ مِنْ ساعاتُه | وِاِبتدا قَلبي يِدَوْبني بآهاتُه |
روحي فيكْ مَهْما جَرى أنا روحي فيكْ | واَسْهَرْ اَسْمَع نَبضِ قلبي بيْناديك |
هِيَ تِبْقى الدُنيا دُنيا إلا بِيك | تِسْوى اِيهْ الدُنيا وِاِنْتَ مُشْ مَعايا |
وِللي عِشْتُه مَعاك... رِجِعْتِ اَعيشْ عَليه | اِللي فاتْ وَياكْ يا روحي باعودْ اِليهْ |
بَعْدِ ما قَلبي قِدِرْ يِسلاك ويِقْسى | بَعْدِ ما صَدَقتِ إني قِدِرتِ أنسى |
كانوا لِيهْ بِيْفَكَروني | جُمْ بِهَمْسَه وغَيَروني |
+++ |
بَعدِ طول حِرماني مِنَّكْ | كَلِموني تاني عَنَّكْ |
سَهَّروني أَعيشْ في بُكْرَه وبَعْدِ بُكْرَه | جَرَّحوا الجِرحِ اِللي قِرِبْ يِبْقى ذِكرى |
وِغيرَه وشوقْ اِليكْ | يا حَياة أنا كُلَّي حِيرَه ونار |
نِفْسي أَرتاح بين إِيديكْ | ...نِفْسي أهْرَبْ مِنْ عَذابي |
كُلِّ دولْ ما يَْهَونوش حُبَّكْ عَلَيَه | وِالخِصامْ... وِالهَجرْ... وِلَيالي الأِسيَّة |
رُحْنا... وِاِتْغَيَّرنا اِحْنا... إلا هُوَّ | وِاللي جُوَه القلب كان في القلب جُوَّه |
هُوَّ نَفْسِ الشوق وِاَكْتَرْ | هُوَّ نَفْسِ الحُبِ واَكْتَرْ |
واِللي عِشْتُه مَعاكْ رِجِعْتِ أَعيشْ عَليه | اِللي فات وَيَّاك يا روحي باعودْ إليه |
بَعْدِ ما قلبي قِدِرْ يِسْلاكْ وِيِقسى | بَعْدِ ما صَدَقتِ إني قِدِرْتِ أنْسى |
كانوا ليه بِيْفَكَروني | جُم بِهَمْسَه... وغَيَّروني |
++ | ++ |
يا حَبيبي... والحياة أيام قَليله | آه يا حَبيبي... حَياتي بَعْدَك مُسْتَحيلَه |
وِاِحنا نِقْدَرْ نِخْلَق الدُنيا الجَميلَه | ليه نِضَيَّعْ عُمْرِنا هَجْرِ وخِصامْ |
بِالحَنانْ والحُبِ تِتْبَدَلْ آهاتْنا | بِالوِدادْ وِالقُرْبِ تِتْجَدِدْ حَياتْنا |
واِللي جايْ نِعيشُه أِحلى مِنْ اِللي فاتنا |
++++ |
والنُجومْ حَ تْبانْ لِنا أَجْمَلْ وأَكْبَرْ | القمرْ مِنْ فَرْحِنا حَ يْنَوَرْ أِكْتَرْ |
والشَجَرْ قَبْلِ الرَبيع حَ نْشوفُه أَخْضَرْ |
نِنْسى كُلِّ أَساه | وِاللي فاتْ نِنساهْ |
يا لله نِلْحَقْ مِ الزَمَنْ أَيام صَفاهْ |
دي الحياة مِنْ غير لُقانا مُشْ حَياهْ |
واِحنا مُشْ حَ نْعيشْ يا روحي مَرِّتينْ |
++++ |
أنا اِمْتى نِسيتَكْ | فَكَروني اِزايْ |
حتى واِنت بَعيد عَليه أَو مَعايَ | إنْتَ أَقْرَبْ مِني لِيَّه يا هَنايا |
واِنْتَ حُبَّكْ لِلأَبَدْ ما لوشْ نِهايَه | تِنْتِهي الأَيام وتِطوي العُمرِ مِنا |
حُبَكْ إِنْتَ ما لوش نِهايَه ما لوش نِهايَه |