في الاول بس عشان محدش يتعب نفسه ويتعب اعصابه الموضوع ده تخاريف يعني ممكن تكبر دماغك منه ومن اللي كاتبه كويس كده .
كلنا بنبص لبعضنا الاول وبنطلع عيوب بعض ده مطلوب عشان نعرف بعض محدش بيعرف نفسه الا عن طريق الاخر بس يا سلام لو الاخر ده فهمني او انا فهمته .
لكن اللي بيحصل اننا بنرفض اي حد مش شبهنا بنرفض اي فكره مش زي افكارنا ونجري ونبعد عن اي حاجه مش شكلنا
مع ان المطلوب اننا نعرف الكويس والوحش عشان هيا ده الحياه
طبعا هتقول ايه البني ادم اللي عمال يرغي ده ومش فاهم حاجه منه
اعتبرني مجنون وهتضحك عليه في الاخر اوكي شفت مريحك علي الاخر ازاي
اللي انا عايز اقوله انك مش لازم تغير من نفسك عشان تعجب حد
ومش لازم تعارض اي فكره ادام بمعني لو افترضنا انك انتا اتولدت في جزيره وعشت فيها عمرك كله ومافيش حد معاك
تفتكر مستوي تفكيرك ومستوي فهمك لأي حاجه هيبقي زي لو اتولدت في بلد فيها ناس كتير
متهيئلي لأ طبعا
يبقي لازم تقبل الناس زي ما هي متهربش من عشان مش عاجبك تصرفاته مش عاجبك شكله مش عاجبك لبسه مش عاجبك حياته ديانتك مش ديانته stop هنا بقي نقف شويه هتكلم علي نفسي
في الشارع عندنا كان فيه مسحيين مش كتير بس كان فيه طول عمري كنت لما اشوف حد مسيحي مش عارف كان ألبي بيتئبض ليه
وياه بقي لو حد جه اعد جمبي مسيحي احس ان فيه نار جت جمب مني مش عارف ليه احس انه مطلع نار عليه
مع انه ممكن يكون جسمي درجة حرارته اكتر من جسمه
بس مش عارف كانت ليه الحكايه ده
وكان في تفكيري دايما دول بياكلو الخنازير كان فيه عيل مسيحي كنت كل يوم استناه في الشارع وامسك ليه موس عشان يأسلم ويقول الشهاده ساعاتها كنت بشوف في عين الواد ده حاجات مش عارف اقول عليها ايه
تصور انتا كده لو حد مضطهدك وكل شويه يضرب فيك وياريت علي كده وبس لا بيبص ليك بأرف كأنك كائن غريب هيبقي ايه احساسك
معلش معلش هكمل بكره