سيرة أمير شعر الغزل محسن الهزاني

محسن بن عثمان الهزاني

شاعر من الهزازنه أمراء الحريق
والحريق هي قرية من قرى نجد
ولد في النصف الأخير من القرن الثاني عشر الهجري
تولى إمارة ((الحريق)) فترة ثم اعتزل مفضلاً التفرغ لأمور الشعر والأدب
كان محسن الهزاني شاعراً أديباً باحثاً مطلعاً
أما عن شاعريته : فهو شاعر الغزل الكبير اشتهر شعره بين الناس وأصبح شعره مضرباً للمثل في كل زمان ومكان
امتاز الهزاني عن غيره من شعراء النبط بالتصريح بغزلياته وعذوبتها ولم يكن هذا اللون معروفاً قبلة فصبغ العصر بصبغته فسمي بعصر الهزاني لأن تأثيره كان قوياً على شعراء وقته ويرجع الفضل للهزاني بإدخال الغزل كعرض أساسي للشعر النبطي بعد أن كان عرضاً ثانوياً يحاول أكثر الشعراء الابتعاد عنه
وللهزاني أيضاً فضل على الشعر النبطي فقد أدخل الأوزان السامرية كما أنه أول من أدخل نظام القافيتين على الشعر النبطي خارجاً بذلك القاعدة الهلالية بالنظم حيث كان الشعراء قبلة يعتمدون طريقة بني هلال بالنظم على قافية واحدة فأدخل الهزاني بحر المسحوب ذا القافيتين الملزمتين وأصبح الشكل معتمداً بعده
وأدخل الهزاني على الشعر النبطي النظم (( المروبع )) لكل بيت أربع أشطر مستخدماً فيه الجناس اللفظي تلويناً للشعر النبطي وزخرفةٍ له ورغم أن بعض النقاد عابوا عليه ذلك على أساس أنه أفسد بساطة هذا الأدب إلاَّ أن الهزاني نجح نجاحاً كبيراً وعظيماً بهذا التلوين وسار على نهجه الكثيرون من شعراء عصره وكل من جاء بعدهم

محسن الهزاني شاعر معروووف ومشهور بالغزل ومشهور بقصصه الغزليه. وهـذي قصــة حدثت له وارجو ان تحوز على رضاكم انشالله .

كان هناك فتاة رائعة الجـمـال تسمى ( هـيا ) ومـن حـرص ابوها عـلـيهـا بنى لهـا قـصـراً عـالـياً تسـكـنه وحـدهـا ولا يدخـل عـلـيها الا خـادمتها وامرأه تمشطـها كل اسبوع ؛ وسمع محـسـن بهـذه الـفـتـاة ؛ واحــتال للوصـول اليها ؛ وفـي احـدى جـولاته أمـام الـقصر وجـد أن القصر له مـنفذ صغـير يدخـل منه الماء الذي يصب من ساقيه عـلى بئر قريبه ؛ فلم يجـد بدًّا من الـنزول الى البئر وصـار يتعـلـق بحــبال البئـر حـتى دخـل الى القصـر وكان لـه ما أراد ولـم يعـلـم أحــد بما جــرى مـنه وجـلـس هـناك ثلاث أيام ؛ وفي اليوم الرابع وبينما هـو في غـرفة الـفـتاة سـمـع صـوت أقدام فاخـتبأ وكان القادم هـي مـاشطـة ( هـيا ) جـاءت لـتمشط شـعـرهـا ؛ فصـارت تمـشـطـهـا ومـحـسـن مـخـتـبأ وهـي تغـنّي : -
أصفر مع اصفرليت محسن يشوفه توّه=على حد الغـرض مـا بعـد لمـس

فـلـمـا سـمـعـهـا مـحـسـن أطـل وقال :----

أربع ليال ومرقدي وسط جوفه البارحه=واليـوم وامــس وقـبـل امــس

وهـرب بعدما افتضـح أمـره ؛ وكان رفاقه في مجـلسٍ يجـتمعون فيه عادة وكانوا قد افـتقدوه لاربعـة أيام فـمـا أحــسّـوا بــه الا وهــو قــادم الـيهـم فسـألـوه عـن غـيـابـه فـلـم يجـبـهـم ؛ فتحـيـّالوا لمعرفة سرّه بأن أوعزوالأحـدهـم أن يذكر عـنده ( هـيا ) فلـمّا لمـح البرق ؛ قال أحـدهم أن هـذا البرق يشـبه مـبسم هـيا ؛ فـاندفـع مـحـسـن يقول :

قالـوا كــذا مبـسـم هـيـا قـلـت لا لا=بيـن البـروق وبيـن مبسـم هيـا فــرق

ويالله بــنــوٍ مـدلـهــم الـخـيــالا=طافـح ربابـه مثـل شـرد المهـا الـزرق

لا جـا علـى البكـريـن بـنـا الـحـلالا=ولاعـاد لا يفصـل رعدهـا عـن الـبـرق

يسـقـي غــروسٍ عـقــب مـاهــي همالا= وحط ( الحريق ) ديار الاجواد له طرق

يسـقـي نـعـامٍ ثــم يـمـلا الـهـيـالا=ويصبـح حمامـه ساجـعٍ يلعـب الــورق

جرّيـت انـا صـوت الـهـوى باحتـمـالا=بـي وسـط بستـانٍ سقـاه اربـعٍ فــرق

طبّيـت مــع فــرعٍ جـديـد الحـبـالا=وظهـرت مـع فـرعٍ تنـاوح بـه الـورق

روشـن ( هيـا ) لـه فرجتـيـنٍ شـمـالا=وبابٍ علـى القبلـه وبـابٍ علـى الشـرق

وضحكـة ( هيـا ) لـه بالظـلام اشتعـالا=مـا بيـن ضحكتهـا ونـور القمـر فـرق

بــرقٍ تــلالا بـأمـر عــز الـجـلالا=واثـره جبيـن صويحبـي واحسبـه بـرق

يـا شبـه صفـراً طـار عنهـا الـجـلالا=طويلـة السمحـوق تنـزح عـن الــدرق

لـه ربعـه احلـى مـن حليـب الـجـزالا=واحلى من السكر الـى جـا مـن الشـرق

حنّيـت انــا حـنّـة هـزيـل الجـمـالا=ينقـض ردي الخـيـل كدحـسـة الـفـرق

ويــا قـلّـةٍ بــي عالـيـات الجـبـالا=ماهـا قـراح ميـر مـن دونـهـا غــرق

مـا عــاد للصبـيـان فيـهـا احتـمـالا=مـن كـود مرقاهـا يديهـم لـهـا طــرق
----------------------
حدث عن إحدى مغامراته النسائية مع بعض "المعجبات " به واصفاً تمسكه بحب " قوت "رغم محاولتهن إغواءه :

مريت بخشيفـات ريـم ٍ يخوضـون
سيـل ٍوللقلـب المشقّـى يريـفـون
مـن حيـن شافنّـي رهـاف الثنايـا
قامنّ لـي باطـراف الاردان يومـون
رديت راسـي عقـب مانـي معيّـي
قالن دعونـا لـه إلـى جـا نحيّـي
قالـن حيّـه قلـت حـي المحـيّـي
قالن علامك تلتفـت قلـت مشطـون
قالـن ترانـا ثـبّـت الله مقـامـك
ننذر علـى شوفـك ونفـرح بلامـك
واليـوم ياعـذب السجايـا علامـك
مسعور في ذا الدار انا قلـت مفتـون
قالن نسالـك بالـذى شـرّف البيـت
وبجاه من له في دجى الليـل صليـت
من به بليت من الملا؟ قلت ب "قويت "
قالن بليـت بحبّهـا؟ قلـت مجنـون
قالـن لعفـرا كنّهـا ظبـى ليـنـه
منـه اقربـي كنّـك تبـي تنشدينـه
وارخي لـه الملثـم عسـى تقتلينـه
قالـت إلـى منّـي قتلتـه تـلالـون
قالن لها وهى تغطـرف مـن التيـه
تمشي على شقٍّ والاخـرى تمدريـه
قومي فلـك حـقٍّ علينـا ان قتلتيـه
و قاموا لقذلتهـا بالايـدي يواسـون
جتنـي كمـا برديّـة المـا تخـطّـا
مـرٍّ تكشّـف لـي ومــر تغـطّـا
لين اودعتنى لا اعرف اليا من الطـا
سكر ٍولا ادري ويش اللـي يقولـون
قالـن لـي الدايـات ياهـابّ الريـح
وين انت رايح قلـت للبـرّ اباسيـح
قالـن تسيـح ابلابسـات المطاويـح
نجل اللواحـظ قلـت لومـا يعيّـون
قلـت أسالـك يانـور ورد البساتيـن
ذا اللـى بخـدك نـاز ولا تفانـيـن
قالـت رقيمـات الهـوى يامسيكيـن
لتلافكـم أهلـنـا لـهـذا يعمـلـون
واستاسرتنـي بالعـيـون الـذوابـح
ومجدّل ٍمـن فـوق الامتـان طايـح
شدّيت مفـرق سيـد غـرّ الذوابـح
وهم على قطر ٍ مـن المـا يشوفـون
قلت المواصـل قـال مالـك شفيفـة
واضفى علـيّ ثيـاب شفّـه رهيفـة
قلت اسقنـي مـن شفّتيـك النظيفـة
لعـل حـسّـادي بـغـلٍّ يمـوتـون
إقعـد رعـاك الله ربّــي وثبّـتـك
يانـور عينـي لا تغـيّـر محبّـتـك
نخـاف مـن شـي يجينـا بسبّتـك
غديـت اقـول ودايتينـه يـنـادون
واقفيـت واقفـى والمدامـع تجـارى
واصيح وانخى من صديـق وجـارى
ياحصّـة ٍ مـا قلبوهـا التـجـارى
ما ترحمون وقالن البيـض مالـون ؟
تراك يا "محسـن "إذا شفـت طمّـاع
ذا البزّ لا يشـرى ولا هـوب ينبـاع
تكوسرت عنّـي مهـا الريـم بقنـاع
قالن تودّ اوصالنا ؟ قلـت ممنـون !!
أضفى الغطا عنّي على حـمّ الأشفـى
من عقب ما قلبي يوصله قـد اشفـى
تلّيت ردن الشوق من عقب ما اقفـى
قلت المواصل يا اريش العين ما دون
خلّيت أنـا القصّـه وشديـت جيـده
حبـارة ٍ مـنّـي لعـلّـي أصـيـده
أطرق بضحك وجادنـي قبـل أجيـده
وارخى اللثام وباح لى كـلّ مكنـون
واللي خلق لي مجدّلـك والمقصّّـص
وحرز ٍعلى مصقول صدرك مفصّـص
يا أنت من بـدّ العـذارى مخصّـص
ما أفضي بسدّك للعرب لـو يموتـون
قالن لي أقعد عندنـا قلـت مـا عـاد
ما ارضى مع سمر العكاريش مقعـاد
واليوم يا حمّ المراشيـف مـا عـاد
عطشان ما من عذب الأنياب تسقـون
قالن لى شـرواك يـا بـارد الجـاش
لو عطش مامن شهد الانياب نسقاش
قلت ان قلبي مـن الوجـد نشنـاش
باغ ٍ منكم مـن لمـا فيـه تعطـون
قالـن ابشـر بالـرضـا والغنمـيـة
أقبل إلـى شفـت الحساسيـد نيمـة
والاّ العجـايـز نـاقـلات النميـمـة
بحكايتـي ويّـاك ياشيـخ يــدرون
قالـن نعـيّـي لا نـذوقـك لمـانـا
نخـاف مـن واش ٍ قريـب حـذانـا
نـقـول ذا والاّ فـحـنّـا ورانـــا
حكي ٍخفـيٍّ مالـه النـاس يـدرون
و الى عجوز ٍ مـن ورا راس حامـي
قالت لهن ياالبيـض معكـن حرامـي
قالـن لهـا هـذا علينـا يحـامـي
قلبه مولّع مع اهـل الديـن مفتـون
قالـت لهـن هـذا الصبـيّ المولّـع
تمشـن لــه يالرعابـيـب دلِّــع
وانتـن مثـل الخيـل خطـر ٍ تقلّـع
وخوفتـي يالبيـض للرجـل ترنـون
قالـن لهـا هـذا عليـنـا يــداري
وايّاك والحكـي الـذي بـه مـداري
ترى ورانـا مـن ينـوش الخبـاري
ياليت اهلنـا عـن حكايـاك يـدرون
قالـت لهـن هـذا عليـه التهـامـة
هـذا مـن القطعـة واهـل اليمامـة
ما ينومـن لوكـان يلبـس عمامـة
لو هو نقـيّ فالعـرب بـه يشكّـون
يالله يـامـولاي طالـبـك خـيـره
عـلاّم شـيٍّ مـا يـورّيـه غـيـره
عسـى ننـوش النايفـة والقصيـرة
وختامهـا فـنّ الشياطيـن بالهـون

--------------------------------------------------

ليلة يجينـا السيـل يازيـد وافيـت
موضى الجبين وسيد تلعات الاعنـاق
شميـت ريـح امجدلاتـه ومزيـت
ضواحـك ٍماقبلـي احـد ٍ لهـا ذاق
جلست أنا ويّاه فـي ربعـة البيـت
سقوى نتساقى بيننا خمـر الاريـاق
وسقاني الخمـر المصفّـى وثنيّـت
خمر ٍوانا اسقيتـه حليـب ٍوتريـاق
يوم ارجهنّ اصويحبـي وارجهنيـت
والكل منا عقب خمر الهـوى فـاق
فهقـت راسـه بالجدايـل وحبيـت
ورد ٍعلي خدّه كمـا صفـح الاوراق
رفعـت راسـي للكواكـب وراعيـت
والى انّ نور الصبح بـاد ٍبالافـلاق
بغيت أقـوم وشـدّ ردنـي وشديـت
جيده وحبّيتـه ثمـان ٍعلـى سـاق
وحلف عليّ ان قمت من ذا وشدّيـت
إلا انت معطينـي عهـود ٍوميثـاق
إنك تعـوّد لـي إلـى منّـك اقفّيـت
ولا لغيري من هوى البيض تشتـاق
واقسمت له بآيـات عـمّ وبالبيـت
والمدّعي واللي بنى سبـع الاطبـاق
إني فلا غيرك من البيـض هاويـت
ولا لغيرك من هوى البيض مشتـاق
انا الذي مـن حـرّ فرقـاك فرّيـت
أنوح كالبهلول في وسـط الاسـواق
يامـا طلبـت الله ويامـا تمنّـيـت
وياما دعيته عند حـزّات الاشـواق
وياما دعيته في المساجـد وصلّيـت
ويامـا شحـذت الله قسّـام الارزاق
يبني لخلي من جنـان العـلا بيـت
ومن الثمر يقطف ثمر كـلّ مـا لاق
عسى إلـى رقّ البكـا واستمرّيـت
بمنقشّات الريش زينـات الاطـواق
واستأنست روحي لروحـه ودشّيـت
سوقه ووافق مرتي حيـن مـا واق
قلت المواصل قال ماغيـره اشفيـت
قلت السـلام وردّ مثلـه ولا عـاق
قالت رجينا الله يجيبـك إلـى جيـت
عذب النبا الغالي مراشيف الاريـاق
هو أنت طالبني تبي شـي ٍوعيّيـت
يامن هواه المهتوى خاطـري شـاق
تبغى الدبش قلت الدبش عندنا هيـت
والله مالـي غيـر لامـاك عــلاّق
ترى الشفات إلى لفـاك النبـا ايـت
ساعت يقيف السوق عن كل مـرّاق
لو ما عليك أحد من النـاس دزّيـت
فانت ايت لازم قبل غيبات الاشفـاق
قلت ارجي ان الله يديمـك وحبّيـت
عذب النبا الغالي مراشيف الاريـاق
ونبكي من الفرقـا جميـع ٍوياليـت
من لام فرقا سيـد حـمّ الشفـا لاق
يالموت ما أخذت أربعميّـه وخليـت
خلي فلا ظنّـي بمثلـه حـد ٍسـاق
يالموت عقب "قويت " لي ويش خليت
ماعقب عثمانه من البيض اباشتـاق
يا زيد انا قد لي زمانيـن مـا ريـت
خلّ ٍ سوى خلّي إلي جيت لـه مـاق
إن كان روح الحيّ تسعى مع الميـت
فأنا الذي مع ريح ريحـان الاشـواق
ياما سعت روحي مع الريح لـقويت
بأزكى سلام ٍعـمّ بالطيـب الآفـاق


------------------------------

سر يا سحاب الخير وامطر بالاحسان
وامطر من الكوثر صباح ٍ وعصـري
منشاك من طيبه بـروح ٍ وريحـان
برد النسيـم مذعـذع ٍ بالشمطـري
يامر الذي إن قال للشـي كـن كـان
هطّال يحيي مـن نمـا كـل بـذري
يصبح نعيم النبت مختلـف الألـوان
مشعشع ٍ نـوره بالاثمـار خضـري
مقام من له بالحشـا روض نعمـان
قطّـف رواعيهـا رقـاب البختـري
غرو ٍ زرع بموجـل القلـب بستـان
نوابع أشجـاره بالايغـام خضـري
من يوم قالوا شيل من بيع الاظعـان
وعنانتي من صوب لحـد ٍ وقبـري
قفّت ظعونه صوب معمول الاركـان
عقب المودة ليس يرعـى لصبـري
ليت القبر عن شوق ذا القلب نيبـان
ويش الـذي بمـورّد الخـد يمـري
ياقبـر ماتنبـاج ننظـر بالاعيـان
صفوة هـل الدنيـا بحسـن نظـري
ياقبر هـذا يشبـه لحـور الأعيـان
غرو ٍ نزل يحكم به المـوت سكـري
ياقبر هـذا سيـد غضّـات الابـدان
هايف ومهضوم ٍ لوسط ٍ وخصـري
يافبر هـذا نـور عينـي بالاوطـان
قرّة عيوني بيـن بـدو ٍ وحضـري
ياقبر هـذا مـدة شهـور وازمـان
عليه دمـع العيـن بالليـل نثـري
حطّوه في أظلـم لحـود ٍ وغيـران
بالحلّ يامن له مع الحـور قصـري
قصر ٍ فسيح ٍ بين طوبـى وعدنـان
في جنة الفـردوس وانهـار تجـري
ياموت ماتاخذ عن الشـوق الاثمـان
أحكم بكل شي ٍّ وانا منـك بأشـري
أعطيك بغـداد ٍ مـع ملـك سبهـان
خزاين الشامين مـع ملـك مصـري
وبنادر الشاهـات والهنـد وعمـان
والبصرة الفيحا مـع ملـك هجـري
مع كل مايجنـون حضـر ٍ وبـدوان
أسوقهم باللـي كمـا خـدّ عفـري
يا ورق ما تبدع غريبـات الافنـان
باح العزا حيثـك بشكـواي تـدري
عذري ولو جاوبـت ورقٍ ٍبالالحـان
لو نحت نوح الورق وا كبر عـذري
كم عاقلٍ قلبـه مـن العقـل مليـان
فاجاه من عقب السكـات التهـذري
يا لايمي صابك من البين مـا بـان
تاتيك غـاراتٍ علـى غيـر تـدري
دنياك ما تصفـي لحـيّ بالاحسـان
إلا إن سقته من الشري والسقطـري
قبل نبـيّ الله بنـى بيـت الاحـزان
وبكى على يوسف والفراق عسـري
يا عين هلّي دمعتك فـوق الاوجـان
مثل المطر ينهلّ من فـوق حجـري
وأبكي حبيب الدمع من موق الاعيان
تزفيـر عبـراتٍ تلاحـب بصـدري
هيهات لـي هيهـات ممّـا تبـلان
طال الفـراق وزاد بالبعـد هجـري
ما ظنّتـي ألقـى عشيـري ويلقـان
إلا بيوم ٍ شاخـص ٍ فيـه بصـري
عليه وجدي وجد مـن راح يسفـان
بوسط البحر شحّت من الموت خطري
وأشرف عليه الموج من كل الأركان
حاديه عاصوف ٍمن الريـح نهـري
أو وجد من له قدر عايض مربعـان
جاه الطبيب وقـال مافيـد نصـري
أيّس وقال اللي كتـب بالقلـم كـان
وماكان مكتوب ٍ على العبـد يجـري
وعجّل عليه المـوت للـروح ديّـان
كم واحد ٍفي النـاس فاجـاه عـذري
ياربنـا مامـن المـوت جـزعـان
والموت مكتوب ٍعلى العبـد يجـري
والمـوت لارواح المخاليـق ديّـان
ما يندفع من بعـد عسـر ٍ ويسـري
غارت خيول الموت ركض ٍبلا ارسان
والعبد منهـا غافـل ٍ ليـس يـدري
لكّن غضّ الطـرف سحّـاب الاردان
لو احتمـل عنـد امتنـاع ٍوصبـري
إلى ذكـرت ان ّه بمفلـوف الاكفـان
خذّه عني الموت غصـب ٍ وقسـري
ياليت ملك الموت من حيـن فاجـان
مضـى بنـا ويّـاه عبـر ٍ بعبـري
ما ابغى حياة ٍ عقب مريوش الاعيان
وزهدت في دنياي لو طـال عمـري
عسى تجي روحي وروحـه بيمنـان
يوم القيامة يـوم حشـر ٍ ونشـري
صلاة ربّـي للنبـي سيـد عدنـان
عد ّالرياح ومـا لعـى ورق قمـري


----------------------------------


يوجّه محسن هذه القصيدة لأخيه " زيد " وهي في الشكوى من مغامراته مع محبوبتيه البدويه والحضريه ولقاءته معهن :



قم يابن ابوي اركب على كور هبّـاع
له بين ابانـات ٍوالافجـاج مربـاع
محنوني ٍكالقوس من قطعـة البيـد
ومرفّع ٍمن كـل مـا شـاف يرتـاع
دوّر بكـارٍ ليلـة العيـد ضـاعـن
لا بالحسا واسـواق مصـر ٍيباعـن
من فقدهن يازيد أنا احشاى ضاعـن
والعين تذرف مـن جماهيرالادمـاع
واشتف معك حبر ٍمن الناس ما لـه
في سوق ماسوق ٍوما شاف سالـه
بخفـوة ٍثـم انشـدوا بالجهـالـة
إن كنت لى يامنتهـى السـدّ نفّـاع
هذى وصوف ابكاري اللي غدت لـي
الطفلتيـن اللـي تحاكـن بقتـلـي
يا زيد لو ترجع عصور مضت لـي
بالوصل جزنا من كثيرات الاطمـاع
تـرى حلاياهـنّ بالوصـف يازيـد
أقرب تهايا كل شـيٍّ مـن الصيـد
لا بطـن يلقنّـه خمـاص ٍولاديـد
كواعـب والكـلّ منهـنّ مـتـلاع
نجل اللواحـظ هايفـات الخواصـر
سمر الجدايـل نابيـات المخاصـر
لاهـنّ بـطـوال ٍولا بالقـواصـر
ثنتيـن عـادن يسبقنّـي بالاربـاع
بنتيـن صعبـات المـودّة مداليـع
بالوصف عيدان السيـاس النعانيـع
يا عاذليني لو عذلتـون مـا طيـع
بين الرواجع والبنـي ستـة أبـواع
سبب عذاب العاشـق اللـى تتعّـس
خشـوف ريـم ٍ بالميابـر تلعّـس
خذنّ من جنح الدجا يـوم عسعـس
جدايل ٍدلـق ٍعلـى المتـن شـرّاع
في مفرق السوقيـن يـوم التقينـا
ومـن المباسـم سلسبيـل ٍسقينـا
يامـا تضاحكنـا ويـامـا بكيـنـا
وياما رمعنا من عنانـا بالاصبـاع
منهنّ يامشكاي عفـراً لهـا طـوق
تلعى سناد وشوقهـا طافـح ٍفـوق
تسلب عقول اهل الهوى بالحكي بوق
في مشيها مـن غيرسقـمٍ تمريـاع
ومنهنّ فتاة ٍكاعب ٍمـا لهـا رنـق
خمريّة المجـدول مسلوبـة العنـق
شمّيت منهـا رايحـة عنبـرٍ طلـق
مدلولـة ٍلا شـكّ ماهـي بمطـواع
تشبه لغصن البـان لا مـن تثنّـى
يا مـا لهـا مـن مستهـام ٍتمنّـى
لا هيـب لا نوطـا ولا هيـب دنّـى
لولا بهاها قلـت ذي عنـز مقطـاع
خطرٍ تفوتك النفس إن جت تحاكيـك
لا تبعدك من شن ولا هيـب تدنيـك
قلبي لها يـا فـرز ربعـه وهاديـك
يا من لقرم القـوم بالكـون شـلاّع
قالت حدا تلعـات الارقـاب ياخـيّ
هذيك ليلـى العامريّـة وأنـا مـيّ
قالوا من أنت قلت قاضى هل الغـيّ
أنا الذي كيل الهوى لي بـلا صـاع
قالوا هلا بـك مرحبـاً مـن قريّـب
كيف انت ياعذب النبا قلـت طيّـب
قالن لي ويـن انـت فيـه متغيّـب
وحنّا من الغدوة نقطّـع لـك القـاع
غديت اقول لتلع الارقـاب يـا زيـد
من أي حيّ قال انا من مها الصيـد
أطرقت راسى باغيٍ للمهـا الصيـد
وارخصت بالغالـي وقالـنّ ذا بـاع
ردنّني بالغيّ من عقـب مـا شبـت
وخلاف ماانا عن طروق الهوى تبت
شقنّي خرايـد تـوّ فيهـن تولّعـت
ضحكن لى واومنّ بأطراف الاصباع
قالـن دعنـا يـا كثيـر التهـايـم
مادام طرف العيـن والـواش نايـم
نسجّ ولو كثـرت علينـا الجرايـم
واطمعت وان كـان مانيـب طمّـاع
وخلاف هذا القيل يامنـوة الضيـف
خذهنّ لي بالمـال والا ف بالسيـف
يامورد ٍ يوم القسـا للغنـم هيـف
كيف اخفي اللي للعرب والعجم شاع
يازيد يا مشكـاي قـطّ انـت خابـر
خشـوف ريـم ٍعلّلـن بالميـابـر
يازيد مـا رسـم الشيـوخ العنابـر
كالنّ لي غـرّ الثنايـا بـلا صـاع
ختمـي صـلاة الله مـا ذرّ شـارق
أو تـلالا بيـن الآفــاق بــارق
أو ما هزّت الارياح لـدن المطـارق
علـى نـبـيٍّ للبـريّـات شـفّـاع


----------------------------


هذه إحدى مغامرات محسن مع خمس فتيات قابلنه وبادلنه الغرام وانتقى من بينهم محبوبته فرضين باختياره ولم يغضبن يقول فيها :



أعفر متركا"1" جرّته من قبل أمـس
تسوي جميع البيض لو كلهن عنس
له غرة ٍ لانـور بـدر ٍ ولا شمـس
سبحـان خالـق نورهـا الحمـدلله
أعفـر متركـا كنّـه البـدر طالـع
خيله لخيل أهل الهوى بـي تطالـع
فإلـى تقلّـل ملبـس ٍ هـمّ طالـع
بالمنع يدعينا على الرغم جينـاه "2"
أعفـر متركـا كـنّ خدّيـه جوهـر
سيد العذارى فـي جمالـه تجوهـر
الله ياهـذا متـى مــا تجـوهـر
ياما لقى من طالب الغيّ مـا أحيـاه
أعفر متركـا والذهـب فيـه لولـو
تسوى منازلـه الحسـا والطلولـو
لو بالمنى خير ٍ تمنيـت لـو ..لـو
ولـولا حراريسـه تمخليـت ويّـاه
أعفر متركـا كـنّ واضـح عذابـه
دقّ البرد هلّ الضحى مـن سحابـه
الله لحـد فلبـي غـدا واسفـا بـه
من غير دلّ رحت أنا أطلبهـم إيـاه
أعفـر متركـا كـنّ نـور ٍ بخـدّه
كن البـروق بعـرض مثنـاه خـدّه
وإلى تبيّـن لـي لعـج نـور خـدّه
عمس الطبيب وضاع رايي ولا أقواه
أمس ٍ نطحني هو وخمس ٍ معه حور
نور النهار إلـى تبيـن لهـن نـور
قالن من أحسنّـا جمـال ٍ ومنظـور
قلت الغضي ّ الترف ما مثـل حليـاه
كلّ الطرب والزيـن حاشـه ونالـه
والملـح والزيـن قــاده ونـالـه
نشـدك عنّـا قلـت لـولا جمالـه
ميّزتكم مير أخلـف الـراي حسنـاه
قالنّ له : لا ياشبيـه قايـد العيـن
مااحنا ب من مدحك زعالى وجزعين
من عارضك ماالعرب لـه مطيعيـن
لو عشق روحه علّمه كـلّ ماجـاه
كنهم كما وصف البكـار العسايـف
صفٍّ عليهـن أتلـع الجيـد نايـف
قالن لي كان انّك على العمر خايـف
منّا وقلـت العمـر واقيـه مـولاه
ماكنّـه إلا مهـرة ٍ عنـد حـاكـم
مشيـه تدنجـرلا قنـاع ٍ ولاكــم
من فوق ردفـه كالحبـال متراكـم
ساف ٍ على سافٍ إلى نشـر غطـاه
قالوا تبي شن تاكله قلـت مااطيـق
قالوا لبين ٍ تشربه قلت أبـي ريـق
قالوا كفـاك الله هـذا نبـى ضيـق
كودك تبي هاك الغرض قلت أبا ايّاه
قالـنّ والله مالنـا عـن ذبـاحـك
ولو تهوّلـوا المـلا مـن صياحـك
إلا ومـع هـذا تـروح نتضـاحـك
ولا أنت بـاولّ واحـد ٍقـد ذبحنـاه
قمت أطلب العفّة وصـلاح العواتـق
بلهت واثري العمـر غالـي ونافـق
لي قال صافي الخد ويش أنت عاشق
فينـا وقـال الهقـوة إنّـا رحمنـاه
قالت لهن ّ عـن الفتـى لا تغطّـن
خلّـوه فيكـم يفتـكـر ويتفـطّـن
رمـنّ عنهـنّ المقانـع وحـطّـن
ذوايـب ٍ كالعصـم منّـا ومـنّـاه
قالت لهن من مـا ثناياكـم اسقـوه
خافوا من المولـى تراكـم ذبحتـوه
وأنا بعد من عقبكـم وان سقيتـوه
دور ٍ سقيتـه سبعـة أدوار اشـراه
قالـنّ ياصافـي الجبيـن الغنيمـة
نسقيه مـن شانـك بليـا حريمـة
قالنّ لي اقلط مالنـا عنـك شيمـة
واللي حـذاك ولـو بغـا ماسقينـاه
وقفت حايـر بيـن هـذي وهذيـك
قالن أخـذ مـادام مـولاك معطيـك
شفّك من ارياق الخراعيب"3" نسقيك
قالـنّ مجمـول الـحـلا لاتـعـدّاه
دنّق عليّ ومن عسل مبسمه خـذت
خمسٍ مع خمس ٍ تقافن مـع سـتّ
لـولاي حـدّ الخطرخذتهـن مــت
عيّنتني أطوي مـن السقـم لـولاه
قالنّ يـوم اقفيـت واسعـد عينـك
جـا بيننـا درب المحبـة وبيـنـك
درب السعـد منّـا تقضّيـت دينـك
والحمـد للـي كلّمـا راد ســوّاه
أصبحت عقب الياس فيني بشاشـة
والقلب فزّ وراف عقـب الخشاشـة
ياطال ماني مثل مغـدي قماشـة"4"
مالي جواب ٍ غيـر وا ويـل ويـلاه
من يوم لاقاني خليلي معـه خمـس
والى تخطّى بينهـم كنّـه الشمـس
نشدتهم من ذا وقالن لـي الطمـس
هذا عذاب اهـل القلـوب المشقّـاه
هو قطّ جسمك ناحـل ٍ مـن فراقـه
هوجس رنين الحجل في عرض ساقه
قلت ايه يامن كـان للقلـب شاقـه
حبّك بلاجي الـروح شيّـدت مبنـاه
جنّي كما وصـف البكـار العكـارف
ما فوقهـن الا تلـع الجيـد نايـف
قالن لي كان انّك على العمر خايـف
منّا وقلـت العمـر واقيـه مـولاه
شيّدت قصر ٍ بين الاضـلاع نايـف
يانافـل ٍ بالزيـن سمـر العكـارف
وشبهت صافي الخدّ نابي الردايـف
بدر ٍ ظهر خمسة عشر يوم شفنـاه
أهلا هلا بك يالغضـي كلمـا جيـت
من لبّ قلبي ياريش العيـن حييّـت
سبب صواب القلب لي قال مسّيـت
بالخير ياذا قلت أنـا ميـت برضـاه
مسيت برضى الله عدد كـل مـا لاج
أو مـا مشـى بالبيـت لله حجـاج
بيحيـة لظبـي ابانـات واسـواج
جت من كنيز الروح والقلب منشـاه



"1" أعفر متركا :من متركي الأمغر وهو الغزال الذي يشبه لون التراب
"2" تقلل : ارتحل‘‘‘المنع : الأسر
"3" الخراعيب : الجميلات
"4"قماشه : لؤلؤة


--------------------------


هذه من أشهر قصائد الشاعر الشهير / محسن الهزاني وهي متداولة عند الناس و دارجة على الألسن
يقول فيها :



البارحـة يـوم الثريـا مدنّـه
عيّنت نجوم الصبـح متبيناتـي
ونيت ونـة بالحشـا مستكنّـه
تصبح بها خضر الورق يابساتي
على ثـلاث أبكـار ضيعتهنّـه
ووسومهن لأهل الهوى بيناتـي
شرعت أنا في ميـت ٍ وردنّـه
صدت الهيام وصدرن سالماتـي
يازين دق الشاخ "1" بأرقابهنّه
وحجول بالرجليـن وزميماتـي


"1"الشاخ : الفضة

-----------------------

رد على مشتكي له من الحب يدعى محمد :



يـا ركـب مترحّلـيـن ٍمرامـيـل
مجهول منجوب الفدافد عجافـي"1"
فـجّ المرافـق كنّهـنّ الهراقـيـل
ليـن المقـاود ناحـلات الخفافـي
من سبعة أعوام ٍ وهن كنَّس ٍ حيـل
ما لّمسن عن سوج عوج الضلافـي
ومعفّيـات ٍعـن شديـد ٍوترحـيـل
دوارب ٍفـي طـيّ نشـر الفيافـي
هجاهـج ٍ يستتبـعـنّ المخالـيـل
ولا شكّ إنّـي لايـن ٍ يـوم وافـي
حامي هجير القيـظ يلجـنّ بظليـل
فيهنّ عـن كثـر التزعـزع يرافـي
ياركب لي بارسان روس المراسيـل
عوجوا مقاودهـن ليـن أزنّ قافـي
تحمّلـوا ملفـوظ منظـوم ماقيـل
عفص ٍوزاج ٍزجّ في صفح" صافي "1
من ميم حا سين ٍونـون ٍبتسجيـل
بمنمّق ٍما بـه عـن الكـلّ كافـي
ومنمّـق بازكـى سـلام ٍوتفضيـل
وزن ٍينـزّه عـن نبـا كـلّ جافـي
أبهى من الياقوت واحلـى مناويـل
واعذب من السلسال بيـن الأشافـي
ما هزّت الاريـاح غصـن ٍ بتذليـل
أو عدّ ما طافـوا بوسـط المطافـي
وما سعى الساعي بكاس الفناجيـل
في معشر ٍ ما عن صفاه انصرافـي
وما يسيـل بالبكـا عنـد ماسيـل
مجـروح وجـده رشـف الأشافـي
أو ما رمانـي بالعيـون القواتيـل
غرو ٍ جفاني والغـرام إلتجـا فـي
وتحيّتيـن ٍ مـا قطعـنَّ المساييـل
تغشاك يا ريف الهجـاف العجافـي
إلى ميم حـا ميـم ٍبـدال التماثيـل
أمثال مـن مثلـي لمثلـك ولا فـي
أبيات عن ميـل ٍ براهـن بتعديـل
فيهن عليك من الولـه مثـل مافـي
فان كان يامكدي السبايا إلـى قيـل
سيل ٍ محلّ الجود واكهـاف هافـي
تشكي الجفا من لابسات الخلاخيـل
نجـل العيـون معسّـلات الأشافـي
الفاضحـات بحسنهـنّ القنـاديـل
والنافحـات بحليـهـنّ الرعـافـي
إن بلبلـوا حالـك بـدزّ المراسيـل
فـلا وعـد بيـض الثنايـا بوافـي
إصبر لصبري يـا سنـاد النزازيـل
ياماجد ٍمجده على الضيـف ضافـي
جسمي دنيف ٍياشقا الضـدّ ونحيـل
والعقل منـي بـان فيـه اختلافـي
من أهيف ٍغـضٍّ بحسنـه تهاويـل
والخدّ كنّه بـدر الانصـاف صافـي
عرفه سوات الليـل غـاد ٍعثاكيـل
له فوق منبـوز الـرداف ارتدافـي
نوحـي علـى لامــاه البلابـيـل
والدمع له من جوف عينـي تقافـي
وإلى بغا مـا عـاد بالعيـن تبليـل
وشعور فرقا زين الاعطاف ضافـي
دور لمضناك الغـزال الـذى حيـل
قد فات عنك وبـان منـه التجافـي
أسوق فيه الحـال والمـال ونخيـل
وادّي المجامع نازحـات المشافـي
ومن الذهب ياقرّة العيـن وان قيـل
هــذا قلـيـل زدتّ لام ٍوكـافـي
وختام منطوقـي صـلاة ٍ وتهليـل
على النبيّ المختار ماشيـف شافـي

------------------

اطب صديقه سرداح بن هزاع ويشتكي إليه من هوى محبوبته , ويمضي بقية القصيدة في وصف محاسنها :





يـاركـب يامترحّلـيـن ٍ نـواجـي
فيهـنّ ليـن ٍوانحنـا وانعـواجـي
تركّدوا لـي حـدّ مـا اروح واجـي
بمـداد زارج ٍدارج ٍفـوق مصقـول
أزكى سلام ٍعد ما اهتز ومـا مـاس
غصن ٍعبث به فى دجى الليل نسناس
أبهى من الياقوت واغلى من المـاس
وانوج من الورد الذى بات مطلـول
سلام انـوَجْ مـن عبيـر الخزامـى
خصٍّ إلى اصبح عرفها فـي ندامـا
والذّ واحلـى مـن حليـب الجرامـا
واحلى من القرقف إلى بات مشمـول
وتحيّـة ٍدبّ الدهـر مـا تـبـارح
من لبّ قلب ٍعـدّ مـا هـبّ بـارح
يمّ الذى عرضه عن اللـوم سـارح
ملفى نبا مضمون غايـة لمـا قـول
أعنى حمى دنّ المقاديم " سـرداح "
جانى ثمار المدح مـن كّـل مـدّاح
حامي عقاب الخيل عن زرق الأرماح
فتّـال منقـوض ٍونقّـاض مفتـول
يامن على رغـم الحفيـف الموالـي
ترعى به الهزلا دماث المفالـي "1 "
ذا لي زمان يـا حمـى كـلّ تالـي
ماطاب لـي نـوم ٍولا لـذّ مأكـول
يا نازل الخطر المولّـى إلـى هيـب
ياللى نشا مـا مـرة ٍداس ماعيـب
لك أشتكي من شان ريم سبتنـي بـ
خـدٍّ وعينيـن ٍوجيـد ٍومـجـدول
تلعى عليها بوهة ٍمـن ظبـا الخـال
يضحك لها الناظر ويطرب لها البـال
عجزا إلى استقفيتهـا حـدّ الاقبـال
هيفا ولا توصف بقصـر ٍ ولا طـول
لا هـيّ بالضخمـة ولا بالدقـاقـة
إلا غـزال ٍيـا حمـى كـل ساقـه
من يومها طفلة وهي لـي عشاقـه
وانا لها شوق ٍعلـى غيـر مفعـول
غندورة ٍ "2 "يضحك لها كـل ناظـر
وتغري برجع الغيّ عكـس النواظـر
منها أنـا ظليـت عمـيَ النواظـر
دونك عظامي باليـة تقـل مسلـول
يا خوندة ٍ مـن مهمـلات الذوايـب
نحضر لها نقد ٍونشري بغايـب" 3 "
من حبّهـا راحـت علينـا غلايـب
والواش في عقد ٍ مـن الله مذلـول
مسكيّـة الأنفـاس حوريّـة العيـن
تبريّة الخدّين كوفيّـة الزيـن " 4 "
للديـن تستافـى ولا توفـي الديـن
قلبي لها عن تلع الارقـاب مشغـول
كم ليلة ٍمنها بـدا الشيـب بالـراس
كن النجوم بهـا تعلـق بالامـراس
ومن شاعت ٍفيها تجاوزت الاطعـاس
ومتنجّد ٍمن صنعة الهنـد مصقـول


" 1 "المفالي : المراعي
"2 "غندورة : حسناءمغناج ‘‘‘ الذوايب :الجدائل
" 3 " الخوندة :الفتاة الجميلة
" 4 " يشبه لقول امرىء القيس :
حجازية العينين مكيّة الحشا ... عراقية الأطراف رومية الكفل


----------------------------

غادرت محبوبته الديار فتبعها محسن يبحث عنها وادّعى أنه يفتّش عن ناقتين بكرتين ضاعتا له ولكن عجوزاً داهية حاورته تريـد معرفة حقيقته (ويعتبر أول من بدأ عدائية العجائز الواشيات في شعره واستمرت هذه العدائية مع من جاء بعده بشكل واضح ومميز ) :




هافت غصون القلب يا زيـد والـونّ
من فرط نار الشوق والوجـد والـون
على عماهيـج ٍ ليـا اومـنّ والـونّ
نهار شدّن الحنـي فـوق الاغصـان
سالت مدامـع ناظـري فـوق خـدّي
وابديـت للجهّـال مكنـون ســدّي
نهـار عاينـت الحنـايـا تـشـدّي
على ظعـون التـرف ميّـاس الاردان
طفـل ٍسلـب عقلـي بجيـد ٍوقصّـة
ومبيسم ٍ ياحـظ ابـو مـن يمصّـه
وقريـدة ٍفيهـا الرعايـف وُحُـصّـه
ومغيـزلات غزيّـل ٍحيـن ينـعـان
شد الخيل وقلت يـا ضيعـة الـراي
غديت انا اصفق فوق يمناي يسـراي
يا زيد من صلف امتحان الهوى إيـاي
غديـت للبيـض الرعابيـب ديّــان
لجّ الهوى بي واشتعـل فـي فـؤادي
ومن المحبّة همـت مـن كـلّ وادي
ومن الهنـا يـوم ارتحـال البـوادي
غديت أدوّرجوف الاظعـان حشـوان
قالت عجوزٍ لي مـن البيـن غشيـه
يا ولد بدّل مشيتـك مـا ذي بمشيـة
قلـت اننـي يـا ذي أدوّر لحشـيـة
قالت ابكارٍ؟ قلـت اصاعيـب قعـدان
واوحيت رمي الحكي منهـا وقفّيـت
من خوفتي عجز الخطا يـوم قفّيـت
قالت لعود ٍجالـس ٍمـن ورا البيـت
ياعود من ذا؟ قـال ذا ولـد عثمـان
قالت عجوز ٍشينـة الوجـه والشيـب
مشي الفتى جوف الظعن عندنا عيـب
قلت اخشي الله عالم السـر والغيـب
واومت وقالت لي وانا عـاد زعـلان
قالت متاك مضيّع ٍقلـت قبـل امـس
قالت شريق ٍ؟ قلت لا وقفت الشمـس
واسترمعت ملعونة الشيـب بالخمـس
وقالـت لشيبـان ٍحذاهـا وشـبّـان
والله مـا جاكـم يـدوّر لصـاحـب
ولا شعب قلبه مـن البيـن شاعـب
إلاّ يــدوّر بالـحـي الـكـواعـب
الناقشـات بالبهـا روس الاوجــان
قالـت انـا امـس ٍشريِّـق ٍأعـايـن
يوم أنـت تنشـد راعيـات الظعايـن
الطفلتيـن اللـي رمــنّ الجمـايـن
قلت ان في راس العجوز الف شيطان
صاحت وقالت يا بـن عثمـان ريِّـع
من خوفة ٍحـمّ الشفـا لـك يضيّـع
متـاك ياعـذب السجايـا مضـيّـع
قلت الضحى امس ٍيوم زوغات الاذهان
يا علـي اركـب فـوق حـرٍّ شمـلاّ
مـن نبـت ثجّـاج البطاحـي تمـلاّ
واقول يـا مـن فـوق كـوره تعـلاّ
عج راس نضوك لى ولو كنت مشتان
أوقـف تحمّـل رسلـة ٍمـن قبالـي
للـي شعـب بغـزال عينيـه بالـي
قل لـه إذا جيتـه وذا البيـت خالـى
إلف ٍيودّيـك السـلام ابـن عثمـان
سلّم عليه وقل له ترى الوجـه يمّـه
واخف الحكـي لا مـرّة ٍتسمـع امـه
وقل له ترى من طول هجـره وهمّـه
ما دار له مع جملة مع الناس ميـدان
إن سايلـك عنـي وقـام ايتحـفـى
قل له ترى مـا عنـه شـي ٍمخفّـى
عـذب النبـا زيـن القبـل والمقفَّـى
ومن الوله عدّلـت عـدلات الافنـان
إن سايلك غضّ النهـد ناعـم العـود
قل له ترى مـا مـرّة ٍعنـه منشـود
يا علي با مبري عن الـدوح بسعـود
يرجع لنا أيـام الصبـا مثلمـا كـان
غضيّ طرف ٍكن خـدّه الـى اعـرق
برق ٍتلالا فـي طبـوق ٍلـه اغـرق
ومن عينها الخرسا ومن عرفها الحرق
وين العيون الراسية وين الاذهـان ؟
أعفر متركـا بيـن عرضـه وقوفـه
شيٍّ تضيـع افكارنـا فـي وصوفـه
بقذيلـة ٍللعاشـق الـلـي يشـوفـه
حـصٍّ وياقـوتٍ وشـاخٍ ومرجـان
غـرو ٍ سبانـي بالمعانـي وبــدَّل
حـرّف وصـرّف فـى قليبـى وبـدَّل
ينسـف علـى مقفّـى ردفـه مجـدَّل
كنـه مـن البـزخ المداليـق قتيـان



----------------------
وقفه احوال

بيني وبين صويحبي وقفة احـوال
يامن يدير الصلـح بينـه وبينـي
أعطيه ماتملك يميني مـن المـال
واجعل مقره بين جفنـي وعينـي
ياليلة بتنـاه فـي شهـر شـوال
بتنـا ولاش ٍحـال بينـه وبينـي
إلا بريم الريش والطـوق وهـلال
ونويهـدات كنهـا الفرقدينـي"1"
فالى تنبه مغزل العيـن لـي قـال
من ذا حضينه قلت هذا حضينـي
إلى شدوا العربان فوق اوضح شال
أفـج مابيـن المناكـب ظعينـي
يرعى بسبعماية وسبعيـن خيـال
حامينهـا بمذلـقـات العريـنـي
مرباعها مابين ابانـات والخـال
ناحين عنه الدوسري والحسينـي
ماهم بنجع بريه جماعـة المـال
علوى هل الردات ياشيـب عينـي



"1" الفرقدين : نجمان في بنات نعش الصفرى ( الدب الأصغر)



((يـــــــــــتبع ))


يا زين

قصيدة غزلية من لون السامري (وهذا يعتبر أحد ابتكارات محسن في الشعر النبطي إضافة إلى إدخال القافتين و النظم المربوع ) :

يازين أخـذت قلوينـا ويـاك
أمس العصر يومـك تحرّانـا
حنّا عرفنـا غايتـك ومنـاك
قصـدك تولّعنـا وتهـوانـا
يا قبلة الله يـا حلـو ملقـاك
زولـك إلـى شفنـاه سلاّنـا
طعم العسل من مبسمك وشفاك
طعم العسل من ريقك أشفانـا
لولاك مادسنا الخطـر لـولاك
لولاك مـا كثـرت خطايانـا
ما هي مـروة كلّمـا جينـاك
وش لـك تولّعنـا وتجفـانـا
ياهايف الخصرين وش ادراك
ضحكك بسنّك حـرّق احشانـا
نصبر على هضمك ولا يخفاك
يجفاك ربـك حيـن تنسانـا


------------------

يرثي محسن صديقه مـسلط الرعوجي من فرسان العـمارات من عـنزة والذي لـقي مصرعه من جـراء جرح في إحـدى المعارك قرب الحريق وأنـزل فيها ليعالج عند محسن الهزاني




يا راكب ٍمن فـوق مثـل السبرتـاة
حمـرا فتـاة ٍعـن لقـاح ٍمعـفـاّت
تنصى الكواعب من بنات العمـارات
يبكن" أخو نوضا "على راس ما طال
يبكـن بـدم ليـس بدمـع ٍّ يخـلـط
علـى عقـاب العندليّـات مسـلـط
حلفت ما مثله علـى الجمـع يقلـط
ولا انقلـن الخيـل مثلـه رجّــال
يا البيض كبّـن الحلـي والعشـارق
وابكنّ أخو نوضا مـروّى المطـارق
خيّالهـا وان جللّـوهـا المـعـارق
لحق ٍ الوسيق ورد ّالاوّل على التـال
وان زرفل المسيوق وارخوا الأعنّـه
والجيـش هربـد والرمـك يشعفنّـه
أهوى على ركن ٍمـن الخيـل كنّـه
( جلمود صخر ٍحطّه السيل من عال )
وان زرفل المظهور وقفا مع الريـع
ولحقن باهلهن عالجـات المصاريـع
ومن الغِيَر مالـت وجيـه المداريـع
فـلا بوجهـه يعـلـم الله بمـيّـال
لا واعشيرى مسلـط ٍحامـى القـود
راقى ذرا العليا جـاء كـل مظهـود
لين انتدب من فوق ما يقحـم العـود
عيّا على تالى الظعـن زيـن الادلال
لا واعشيـرى ليتنـى مـا بكيـتـه
لـو ان معـى حـلٍّ وعقـد ٍشريتـه
وبكـل ّماتملـك يميـنـى فديـتـه
بالخيل والغـرس المظاليـل والمـال
مرحوم يا ما قد حمـى مـن مرنّـة
واعلـق اسنـان العـود بقطيهـنّـه
ياليـت غضّـات الصبـا مـا بكنّـه
ولا عليه اتراب جرف الجبـل هـال
حلّلت يا ريف الهجافـا ويـا ريـف
الخيـل فـي ميدانهـا كالخواطيـف
يوم البوادى تشعف البـوش تشعيـف
عيّا عليها مسلـط ٍماضـي الافعـال
مرحوم يامـروي حـدود الهـواري
يامـن بوجهـه للمـروه مــواري
يمينه اكرم مـن هبـوب الـذواري
أثقل من ايش ٍعند روعـات الاذهـال
حلّلت يـا مـا ضيـف ليـل ٍقريتـه
وكم عود زان ٍفـي الملاقـا سقيتـه
وكـم أبلـج ٍخلـف السبايـا رميتـه
عليـه شقـنّ العماهيـج الاطــوال
اليوم لى موفى ثلاثـة عشـر يـوم
لا لذ لـى زادٍ ولا طـاب لـى نـوم
ساعت لفاني عن حجا كـل مضيـوم
ز بن المجنّى مسلـط ذرب الافعـال
يفداه من لبـس السراويـل والبيـض
كبدي لكنّ انها وهج لاهـب القيـض
على الذى ملاّ قلوب العـدا غيـض
ليـت المنايـا تندفـع عنـه بالمـال
من عقب مسلط ياهل الخيـل تكفـون
لا من عنوز ولا بعد من ذوى عـون
كم سربة ٍمهيوبة ٍفي ضحـى الكـون
بـدّد شعبهـا والغبـا عنـه ينجـال
وان قرطبوهـا بالعيـاد الكراديـس
وتزعزّت حمـر النضـا بالملابيـس
وآزا بلطم الطاس ضرب العبابيـس
أنهل وعلّ السيف مـن دم ّالابطـال


وقـد رثى مسلـط نفسه قبل وفاته حين أدرك عمـق جرحه وقرب منيته بأبيات يقول فيها :




قال الرعوجي مسلط ٍوافي الأشبار ****** عصر الخميس وحفرتي جدّدوهـا
شدّوا وخلّوني على دمنة الـدار ****** ياحيسفا حتـى عباتـي خذوهـا
ياحيف نسيوا هدتي هي والاذكار ****** مواقفٍ صعبـة عليهـم نسوهـا
عقب العقاب الصيرمي طفية النار ****** ولوجمعوا كل الحطب ما أوقدوها
ماني بغايبطهم سوى حلّ الامطار ****** لا خايلـوا وسميـة ٍ وانجعوهـا
ياحيـف يانوضـا غلـة نجـار********وبنت المويهى بالغنم سرحوهـا
ماجوعت ضيف ولا أزعلت جار********لـوا حسايـف كانهـم زعلوهـا
لابد ماتذكر فعولـي ومـا صـار********الله يغظبهم كان هـم اغضبوهـا
ياما حلا عشب الخزامى بالاقفار********في سهلة ٍ غلمان وايـل حموهـا
الخيل تذكرني بساعـات الأدبـار**********ان جفلوا صم الرمك واعجلوهـا
بمصافق الأبطال بالموقف الحـار********نوضا على كل النسا زعزعوهـا
وأنا بقبر صفصفو فوقه أحجـار********ونصايب لي فوق قبـري بنوهـا
سوالفي تبقى قويـات واعسـار**********تفخر بها وايـل إلـى رددوهـا


-------------------



أرسل مهنا أبوعنقا ( شاعر بني خالد ) هذه القصيدة إلى محسن الهزاني بعد وفاة عريعر بن دجين بن سعدون شيخ بني خالد سنة 1188 هـ ..
ويشتكي مهنا من تغير الأحوال وهوالذي كان شاعر آل عريعر في وقته :


عضّنـي نـاب الزمـان فقلـت آه
نابنـي وانـا مغـر ّ ٍ مـن بـلاه
نابنـي نـابـه ونابيـتـه وانــا
خايف ٍ من غـدر مايرمـي قضـاه
والليالي لو بغـت تصفـي زمـان
كـدرّت بالغـدر مطعومـي ومـاه
مثـل أيّـام المقـيـظ وطيبـهـا
تقتفيهـا مـع مقـاديـر الإلــه
عبثت أيّـام الشتـا بـرد ٍ وجـوع
والربيـع وطيـب أيّامـه قـفـاه
مثل أنا المغضي على خبث ٍ وطيب
كل ّ حـي ّ ٍ ذايـق ٍ طيبـه وفـاه
أيّا الغـادي علـى بكـر ٍ صبـور
يطـوي البيـدا بتطويحـة خطـاه
أغلبـي ّ ٍ دغلبـي نابـي القفـار
في عمان ٍ مع بنـي يـاس ٍ غـذاه
كل ّ مايعجـب بمرعـوب ٍ هميـم
كـن ّ ينهـش فـي عراقيبـه ذراه
في نجير ٍ أعوج ٍ راعـي قريـض
ما يملّـون السـرى ربـع ٍ حـذاه
حاذق ٍ فـي بـدع توليـف ٍ نشـر
صاينه إلاّ لمـن هـو لـه شـراه
حينمـا تلفـون لـي ياغانمـيـن
بيـن ذالـوك الصناديـد الـلـواه
فانشروا حالي فما لي من صديـق
أشتكـي ماصـار مـن حالـي إلاه
عقب عرعر مـع سنـادي زامـل ٍ
أو سراج الدار سـرداح ٍ بهـاه"1"
ثـم ّ أولاد ابـن هــزان سـنـاد
منـزل ٍ لـي منـزل ملجـا غنـاه
جمرة الحـرب المنايـا البارعيـن
خزنة المعسر إلى جـا مـا عنـاه
نادهم فـي نادهـم بأزكـى سـلام
من قبالـي ثـم ّ أبلغهـم وصـاه
وانخ أخو محسن وقل شاعرك صيب
سوّ حظّه في شـرك سـوّ ٍ رمـاه
ويـن ميـم وشيـن را ياسـيّـدي
ووين صنديد الكمـى شـقٍّ عـداه
وين مـن لاخـذّ غيـر الطايـلات
وين أخو محسن مهدّي من عصـاه
وين سـور الـدار ويـن أحزامهـا
وين ريف الضيف من جوع ٍ حـداه
ويـن عمـه تركـي ذرب اليميـن
وين من للضدّ يبحـث عـن كـداه
وين أخوي محسن ومحمـد وزيـد
ويـن شاديـن المكـارم منتـهـاه
كلّهـم مـا قـط فيهـم ناقصيـن
يطعنون القـرم مـن كـلّ الجهـاه
مالهم بالوقـت هـذا مـن نطيـح
فانّ طفـل الجـود هـم أمّـه وراه
جمـرة ٍ تنهـاب مـا فيهـا رمـاد
غير بالماضي مثـل عنتـر عـزاه
كم بروس أحراربهـم ذاق الممـات
من شجـاع ٍ فـارس ٍ تنثـر كـلاه
يعتفـر بالقـاع مرمـيّ ٍ مصـاب
راثع ٍ في الخـدّ يرثـع فـي دمـاه
غيـر ذا ياكاسـب ٍ نـوّ الجميـل
ياحمـى الخفـرات ياسـتـره ذراه
يامنـى مـن خـفّ مـزهـب زاده
بالشتا ماتقضب أصباعـه عصـاه
منكف ٍ أو حـادر ٍ حاديـه جـوع
فـي مسيـره يمّكـم أنتـم حجـاه
جاتكـم لـي فاطـر ٍ ياغانمـيـن
عيرة ٍ مـا وقّـع الشاطـر حفـاه
جاتكم لي بري مع ضـبّ ٍ مكـون
أطلبـه منـكـم وذاك أنــا دواه
نوّ خيرٍ ٍ من ضحاكـم لـي قـلاط
فـان ّ نـوّ الخيـر أنتـم منتهـاه
مثل مـن وردن علـى شـط ّ وذاك
مثـل حفّـار النقـا يبـحـث وراه
ذا وصلّى الله علـى سيّـد قريـش
ما حدا الحادي ومـا رجّـع غنـاه


وهذا رد محسن على قصيدة مهنا أبو عنقا :




مرحبـا مـا غـرق بـرّاق ٍبمـاه
أو تردّد صوت رعـد ٍفـي جهـاه
أو بكنّ عيون مـزن ٍجنـح ليـل
أو ابتسم نـوّار نبـتٍ مـن بكـاه
أو ضفا ديجـور جلبـاب الظـلام
أو بدا فيـروز صبـح ٍمـن قفـاه
أو عدد ما حـنّ مشتـاق ٍدنيـف
فارقه مـن بعـد محبوبـه عـزاه
أو عدد ما ضجّ في قرن الحجيـج
أو نفر من بعد حجّه مـن قضـاه
أو سرى الخريّت باكـوار ٍهجـان
أو تـبــارت يعمـلـيّـات ٍوراه
بالكتاب اللى لفانـي مـن صديـق
نظـم درٍّ مـن بحـر فكـر ٍنقـاه
من محبٍّ لى رفيـق ٍمـن عشيـر
صادق ٍفرض ٍعلـى مثلـي قضـاه
بعـد منظومـي كتابـي والسـلام
للـذى ممّـا جـرالـه قــال آه
أيّها الغـادي علـى حـرٍّ هجيـن
دارب ٍكالقـوس محـنـيٍّ قــراه
سالم ٍمن سـوق معـوجّ الظـلاف
كنّ حمرة ناظـره جمـرة غضـاه
هملعـيٍّ نايـف المقـدم نجـيـب
مـا يشـدّه راكبـه لـولا بــراه
شد قميٍّ أعيط ٍمـن نسـل عيـط
نقع خفّه من حـدو جريـه غطـاه
نابي الوركيـن كـنّ انّـه يطيـر
أين وخده من جنونـه يـوم جـاه
دارب ٍلافـرق بيـنـه والعـجـاج
ما حد ٍيـوم اللقـا يقـوى لقـاه
يسبق الكدري إلى جـنّ قاصـدات
منهل ٍيجلي الصدى سلسـال مـاه
في ضحى يوم من الشعرى مخيف
لفح بارح كافـح الجـوزا شـواه
بالبرا عجّ راس نضوك لي كفيـت
مـن زمانـك شـرّ ماتخشـى أذاه
قدر شـرب العجـل فنجـال ٍودون
باغي ياهيـه تنقـل لـي وصـاه
يّم أبو عنقا وقلّ لـه ليـش يـوم
دزّ نظمـه ماتفطـنّ فـي قـفـاه
فـاق بالآفـاق فـي قيلـه وانـا
كـل نظـم ٍرايـق ٍعنـدي قضـاه
ما احقر يالعشر مـن ردّ السـلام
يوم جيت " الخرج " يوم ان زاد ماه
بعد ذا إن كـان لـي عنـدك كمـا
عندنـا مـن ذات توقيـر وجـاه
فافتهم نظمـي وسلّـم لـي علـى
منتج الطولات مغنـي مـن أتـاه
من حشا قلبى وقل لـه ذا سـلام
من محـبّّ ٍوالمـودّة فـي حشـاه
ميم حا سيـن ٍونـون ٍكـن فـي
وسط عينـه يـوم فارقكـم قـذاه
" عرعر ٍ " سلطان هبـاس ومـن
هاطلات المزن يحذى مـن عطـاه
مـن عطايـاه الأصايـل والجيـاد
مثل " عرعر " في زمانه ما نـراه
مظفي الحسنـى وبـدّاع الجميـل
فرز شطرنج الوغـا بحـر الغنـاه
ذروة العليا شقـا عيـن الحريـب
ترجة الصاحب سبب عـزّه غنـاه
تلتجـي بـه بالملاقـات الجيـاد
والرعايـا آمنـات ٍفـي حـمـاه
بدر تمٍّ فـى سمـا المجـد خيـل
عـم مشرقهـا ومغربهـا سنـاه
من بهـاه نجـوم نحـس ٍآفـلات
والسعـود مقارنـات ٍفـي سمـاه
طـوّق رقـاب الأدانـي والبعيـد
بالحسانـي طـوّل البـاري بقـاه
فان بغاني في مديحـي لـه بعـد
يزدرينـي جـاهـل ٍماقـلـت آه
فانّ لي يا سامعيـن القيـل فيـه
من المآرب ما لموسى في عصـاه
لازم ٍ أقضـاه لـو أنّـي بعـيـد
بالثنـا والاّ فمـن ربّـي جــزاه
بعد هذا القيـل يالممـدوح جـاك
في سجلٍّ مـا مـلا عيـن الـرواه
حكيهم لك مثـل لالٍ ٍفـي ضحـى
ضيح دوٍّ حين ما العطشـان جـاه
لـم يجـد إلاّ غديـر ٍمـن هجيـر
شمس قيظ ٍمن وراه وعن ضحـاه
حز بك اللي أنت له طول الزمـان
من جداكم تعـرف اليمنـى جـداه
أدخلـوك بتهلكـة حسبـة سنيـن
والخير عنـدي وجابتـه الـرواه
ماعهدنـا إنّ آســاد الـشـرى
قبل ذكرك هادنـت ضـبّ الكـداه
وانت حاشاك انّك تسوّي مثل مـن
قد طوى عن مايح الجمَّـة رشـاه
ختم هذا القيـل والمكتـوب قلـت
مرحبـا ًمـا غـرق بـرّاق ٍبمـاه
ثمّ صلّـى الله علـى خيـر الأنـام
ما حدا الحادي ومـا رجّـع غنـاه







"1" عرعر : هو عرعر بن دجين آلحميد حكم الأحساء من هـ(1166-1188 هـ)


-----------------------------


الإستغاثه


دع لذيذ الكرى وانتبـه ثـمّ صـل
واستقم في الدجى وابتهل ثـم قـل

يا مجيب الدعـا ياعظيـم الجـلال
يا لطيـف ٍ بنـا دايـم ٍلـم يـزل

واحـد ٍماجـد ٍقابـض ٍبـاسـط
حاكم ٍعادل ٍكلّ مـا شـا فعـل

ظاهـر ٍباطـن ٍخافـض ٍ رافــع
سامـع ٍعالـم ٍمـا بحكمـه ميـل

أول ٍ آخـر ٍ ليـس لـه منتـهـى
جلّ ماله شريـك ٍ ولا لـه مثـل

بعد لطفك بنـا ربنـا افعـل بنـا
كل ما أنت له يا إلآهي لـه أهـل

يا مجيب الدعـا يـا متـمّ الرجـا
اسألك بالـذى يـا إلآهـي نـزل

به على المصطفى مع شديد القـوى
وأسألك بالذى دكّ صـوب الجبـل

الغنـى والرضـا والهـدى والتقـى
والعفو.. العفو ثـمّ حسـن العمـل

واسألـك غاديـا ماديـا كلمـا
لجّ فيه الرعد حـلّ فينـا الوجـل

وادق ٍصـادق ٍغـادق ٍضاحـك ٍ
باكي ٍ كلما ضحك مزنـه هطـل

المحـثّ ألمـرثّ المـحـنّ ألـمـرنّ
هامـي ٍ سامـي ٍ آنـي ٍ متصـل

وأسألك بعـد ذا عـارض ٍسايـح ٍ
كنّ به طق مثنـى سحابـه طبـل

دايـر ٍ حايـر ٍ عـارض ٍ رايـح ٍ
كل ّ من شاف برقه تخاطف جفـل

من سحاب ٍ حقوق ٍ صدو