القصائد آلمُغناه للأسطورة الأمير بدر بن عبدالمحسن‏

قل مايستحق مهندس الكلمه ان نبحث ونقرا ابداعاته
شاعـر لفت الانظار بـ شعـره .. لهُ فلسلـفه جذابه تخصـه ..


يـدلل الحرف

لـ يكون مطيـع له , لـ يزرع الكـلمة على جبـين الشمس


ويقطـفها من صدر القـمر وينـثر الكلمـات في السمـاء


كـ النجـوم في لمعانـها .. فـ يقدمها لنا

يميزه عذوبة احساسه وتجسيمه للعبــارات بـ شكل تُبهر القارئ ..

اُعتـبر { مهنـدس الكلمة الشعـرية }
"بدر بن عبدالمحسن

ا

اسمه : بدر بن عبدالمحسن بن عبدالعزيز آل سعود

جنسيته : سعودي
مواليد : من مواليد حي الفوطة في مدينة الرياض عام 1949 م
عمره : حوالي 59 سنه
متزوج وله ثلاث أبناء وعشر بنات
له ثلاث دواوين ~{ ما ينقش العصفور في تمرة العذق .، رسالة من بدوي .،لوحة ربما قصيدة }
شاعر غنائي على المستوى الخليجي والوطن العربي
شارك في الكثير من الأوبريتات وأجريت معه بعض المقابلات
وأيضا له العديد من الأمسيات الشعرية
اتخذ نهج جديد في الأغنية السعودية والخليجية أحدثت تحولاً بشكل عام لذا كان هناك تعاون مع العديد من المغنين منهم { محمد عبده ، طلال مداح ، عبدالمجيد عبدالله ، عبادي الجوهر ، عبدالرب دريس ، خالد الشيخ ، احلام ، راشد الماجد ، أصاله ، أنغام ... وأغلب من تعاون معه محمد عبده وطلال مداح ..

" يسيـرنا الى عالـم الابـداع في قصائده وعباراته

قصائد البدر التي غناها صوت الارض (( طلال مداح ))





الله يرد خطاك

الله يرد خطاك لدروب خلانك..
لعيون ما تنساك لو طال هجرانك..
دام الأمل موجود فالنفس خضاعه..
حق العيون السود السمع والطاعه

الله يردك لي.. يا مطول غيابه..
يا معـذبي هجري.. مدري وش أسبابه..
دام الأمل موجود.. فالنفس خضاعه..
حق العيون السود السمع و الطاعه..

ياللي بعدك اليوم.. نبكي على باكر..
صبري عليك يدوم.. مادمت أنا فاكر..
إن الأمل موجود.. فالنفس خضاعه..
حق العيون السود السمع و الطاعه..



ابي النسيان

تذكرتك.. وأبي النسيان ألايا خل ساعدني
أنا مالي ورى الذكرى.. إلى مات الأمل خيره
أنا ودي على الفرقا حبيبي لو تعاهدني
وإلى شفتك.. تصد ولاتجيب لما مضى سيره
تخيّر غير هذي الأرض.. مكانٍ به تواعدني
تخيّر لك مكانٍ صعب.. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك.. وأحبك.. شعورٍ صعب تفسيره
حسيبك.. يالهوى الظالم.. حسيبك لاتعاندني
بيلقى صاحبي غيري وأباالقى في العرب غيره



زل الطرب

تلعب وانا.. ما عاد لي بالطرب شف
لعبك بروحي بدل الفرح بجراح
زل الطرب يا موجع الطار بالكف
شابت قوافي الليل.. نور الضحى لاح
كانك تدق القلب.. دقك على الدف
عسى الضلوع توقي القلب لا طاح
شفتك.. ولا ادري من قضب بعدك الصف
ناس ٍ كثير.. وكنهم عندي أشباح
نورك دعاني عندك الشوف وقف
كنه فنارٍٍٍ لاح في عين ملاح
من له ثمان اسنين من راح منكف
خلّى السفين وعارض الموج سباح
من فرحته ما حسب االحيل يتلف
غلب عليه الموج والقاع منزاح



زمان الصمت

وتِرحَل..
صَرخَتي تِذبَل
في وادي.. لا صدى يوصل
ولا باقي أنين
زمان الصمت..
يا عُمر الحُزن والشكوى
يا خطوة ما غدت تقوى
على الخطوة.. على هم السنين
حبيبي.. كتبت اسمك على صوتي
كتبته.. في جدار الوقت
على لون السما الهادي
على الوادي..
على موتي.. وميلادي
حبيبي.. لو أيادي الصمت
خذتني.. لو ملتني ليل
أنا عمري.. انتظاري لك
لا تحرمني.. حياتي لك



ديمة

قلت المـطر.. قالـت من اليـــوم ديمــــه
ما به رعـد.. لا بـرق.. ما غـير هـتان
عشـقٍ جـمع ما بيـن قاعٍ وغـيمه
فـيض على صدر الثـرى دمع الأمزان
هــمس النديم.. الــلي يعـاتب نـد يــمه
صـوت المطـر.. كـنه تعاتـيـب خلان
وتبــسـمــت لا جل الــلــيالي الـقــد يـمـه
وقالـت تــذ كر قـلـت يابـنت نسيان
نـقـض الجـروح الـلي تـشافـت ظـليمــه
ما عاد به وصـلٍ ولا عاد هـجران
ومـا لـلرجا فـي بعض الأحـوال قــيــمه
ومال العـمى صبـحٍ ولو بات سهـران
لــو لــلزمن.. عن نية الغـد ر شـيـمـه
مـا فـــرق أحـبابٍ ولا بعــد أوطان
كلٍ خـصـيم.. وذاق لـوعـة خــصـيـمـه
والـلي خـصـيم الوقـت يا بنـت خـسران



صرخة

صَرخة ذكرتك يَوم.. واليَوم مَوعُود
لجل الوفا لراعيك موفي الوعايد
كنّي بوَقتٍ راح حَاضر.. ومَوجود
فــ يومٍ غشاه المجد.. عله بعايد
وكن (المربع) توه اليوم مشيود
جدران طين.. اطمام سقفه جرايد
قصرٍ بني للعدل.. والطيب والجود
سوره ذرى للناس وفرشه وسايد
يقرا المطوع.. َيرق الحق بسعود
في مجلسٍ راعيه بالوصف كايد
من حوله سيوفٍ وردنٍ وما هود
روس الرجَال اشيوخ كل البدايد
اعداه من طيبه غدو تحته جنود
مَحَدٍ جمع مثله بفعله ضدايد
ستين عام اللي مَضت ياهل العود
ستين مع ستين غرٍ مجايد
ياالله عَسَى قَبرٍ به الطيب مَلحُود
يسقي ثراه من أول الغيث جَايد
اللي جَمعنا سَهل وجبال ونجود
بعد السنين الممحلات الشدايد
يا دارنا عدّك من الناس مَا ورد
خَيرك على الدنيَا قريبٍ ونايد
ويَا دَارنا بابك عن الذّل موصود
وزهر الفخر نبتك قديم وجَدايد
وقت العسر بالدم نوفي لك اعهود
ووقت الرخا بنقول مَدح وقصايد



سيدي قم

ما خبرت اللي يحب يشتهي النوم
سيدي قم..
لا تنام وفي السماء باقي نجوم
يا جريح البارحه
كيف طبت اليوم
سيدي.. يا سيدي قم

سيدي.. الليل للعاشق نهار
قم معي.. نجمع نجوم الظلام
سيدي.. لو عرفت الانتظار
ما غفا لك جفن.. .يا عذب الكلام
اه لو تدري الهوى والسهر مقسوم
يا جريح البارحه
كيف طبت اليوم
سيدي.. يا سيدي قم

سيدي.. لا تناظرني بغضب
ودي تحس مثلي بالغرام
سيدي.. ما وراك الاالتعب
ليت عيني مثل عينك تنام
اه لو تدري الهوى والسهر مقسوم
ويا جريح البارحة كيف طبت اليوم
سيدي.. يا سيدي قم



العشق

العشق.. هو خال.. وزمام..
والا العيون اللي.. محاجرها ظلام..
وقبل السلام.. وبعد السلام..
يابنت أنا أحبك.. والسلام..
واناظرك وانتي بشعرك تلعبي.. باصابعك كل الحديث اللي أبي
ما تعبت ليلي أناظرك.. وما اظنك إنتي بتتعبي
با بنت أنا أحبك.. والسلام..



عطني المحبة

عطني المحبة..
كل المحبة.. عطني الحياه..
عطني وجودي..
ابغى وجودي.. أعرف مداه
املا شعوري.. بالحب مره
ابغى هواكم.. حلوه ومره
وأغلى الأماني.. عاشت في غربه
ياعمر ثاني.. عطني المحبه

عطني في ليل الياس شمعه..
وبسمة نهار..
عطني في ضياع العمر دمعه..
وسكة ودار..
واعطيك أمل في الحب غالي..
يصعب على غدر الليالي..
وأغلى الأماني.. عاشت في غربه
يا عمر ثاني.. عطني المحبه



ليلكم شمس

ليلكم شمس.. اتصلنا..
اتصلنا امس..
ما لقينا صوتكم..
اشتكينا اسكوتكم..
لسكوتكم
ولمَّا ملينا الكلام.. كانت الساعه ظلام..
قلنا.. بنحاول ننام..
ونتصل باكر
ليلكم شمس.. اتصلنا
اتصلنا اليوم
جاوبتنا داركم
اشتكينا اعذاركم..
لا عذاركم..
ولمَّا ملينا العتب.. كانت الساعه تعب
قلنا لو ننسى الغضب..
ونتصل باكر..

ليلكم شمس.. بنتصل باكر
ان لقيناكم عسى.. وان هجرتونا عسى..
بنغسل اجروح المسا..
بالمسا..
حنا ملينا الصبر.. كانت الساعه عمر
اقبلو منا العذر..
لكل شي آخر



الموعد الثاني

خذاك.. الموعد الثاني..
نويت.. تغيب.. وتنساني..
مشت بك .. خطوتك لبعاد ..
وتركت.. لدمعتي ميعاد..
مثل ذا الوقت تلقاني..
وخذاك.. الموعد الثاني..

أحبك .. كلها كلمه ..
ونظرة شوق خداعة ..
عطتني ..بالأمل دنيا ..
غريبه .. يومها بساعه ..
خذتني .. غصب عني لك ..
حسبت إني قمر ليلك ..
واثر شوفك تعداني ..
وخذاك ..الموعد الثاني ..

صديق الليل ..
لو تندم .. على جرح تركته لي ..
لا انسي قلبك المسكين ..
حبيب جرحك قبلي ..
ولكن سكتك تحتار ..
ابد .. بين الندى والنار..
والى منه قضى المشوار..
بدا مشوارك الثاني ..



ليلة تمرين

ليلة تمرين .. عطرك السافر
فضح .. وردالبساتين
وكثر الكلام ..
صحيح .. جرحت الظلام ..
بالخد.. وبنور الجبين ..
ليلة تمرين ..

يا عذبة التجريح .. شفتك بعرس الريح
والشال الذهب ..
يحجب سنا الشمس الذهب
كانت عيونك حزن ..
كانت غضب .. وكثر الكلام
ليلة تمرين ..

يا غيرة الورد ..
جرحها الكلام ..
حبيبة الورد ..
عاتبها الظلام ..
مرت بليلة برد .. وكانت دفا
عطر ودفا.. وليه الملام
يامجرحة صدر الظلام..
بالخد .. وبنور الجبين
ليلة تمرين ..



يا صاحبي

يا صاحبي ..
ما في الهوى راحه ..
احذر تبيع القلب .. لجراحه ..
مسكين .. من قال الهوى جنه ..
يومين .. ويغير هواه ظنه ..
ويقول.. ما في الهوى راحه .. يا صاحبي ..
بحر العيون .. خذنا معاه مشوار ..
موجه غدى بينا ..
بحر العيون .. لا توهق البحار ..
يبعد عن المينا ..
ويا صاحبي .. ما في الهوى راحه ..
عمر الزمان .. ما لوع المشتاق ..
والله الزمن مظلوم ..
كيف الحنان.. يقسي على العشاق ..
صار الضنى مقسوم ..
ويا صاحبي .. ما في الهوى راحه ..



يا طفلة

يا طفلة تحت المطر..
تركض واتبعها بنظر ..
تركض تبي الباب البعيد ..
تضحك على الثوب الجديد
ابتل وابتل الشعر ...
لو رميتي شالك الدافي على متن السما ..
دفيت الشمس في فصل الجليد ..
لو نثرتي صوتك الحاني .. على صدر الضما
أنبت العشب وأخضرالجريد ..



هلي الجدايل

هـــلي الجدايل.. ظــلليني عـــن الشمس
و داري جــبيني عــن لهيب الســـمومي
لا تســـــــاليني.. عن عذاب مضى امس
انـا نصيتك هـــارب مــن هـــــــمومي
ما تـلمسين الجرح في مهجـــتي لمس
جــــرح الهوى ما يسترنه هــــدومي
يظهر على صمتي.. ويــنزف مع الهمس
وبدمعةٍ يفضح.. بقـــايـــــــــا عـلومي
إن ما كفاك اني وهبتـــــك هوى النفس
وســـــهد الليالي يوم انا انكرت نومي
خذي الرجا .. خلي ولو راحة الياس
لمي الجدايل عن لظى الشمس قومي



الهوى لو تمنى

الهوى لو تمنى .. سلوته مستحيله
واعذاب المعنى كان روحه عليله
لا بغى الوصل منا من ضافي الجديله
عود موزٍ .. تثنى وش رماني بسبيله
سهم عينه رمنّى والرموش الطويله
خبروا الزين عنّى لي نشد عن قتيله
كل خلٍ .. تهنى في الهوى مع خليله
فاتنا السعد حنا يوم نفسه بخيله



العطر

ما انكر العطر .. وحبيبتي
وما اجحد النور .. وحبيبتي
ومااخفي اشعور
إني احب الشمس ولفتاتها
إني اعشق الليل ونظراتها
ياناس انا معذور
في حبيبتي والشمس
وماانكر العطر
الغت مواعيد النهار .. شمس بدت مثل النهار
ريح المطر لون الخضار ..
حبيبتي أحلى البياض
وأحلى السمار
بالحيل مجبور .. ماأخفي شعور
إني احب الشمس ولفتاتها
إني اعشق الليل ونظراتها
ياناس أنا معذور
في حبيبتي والشمس
وماانكر العطر
خليني فـ عيونك هوى .. همس الحنين
لا تغمض اعيونك علي .. ولا تكذبين
تشرقني الدمعه فـ عيوني
تحرقني اللوعه فـ ظنوني
ياحبي انا والله ماأخونك
وماانكر العطر وحبيبتي



يا كريم

يا كريم .. يا كريم ..
نوض برق .. وريح ديم ..
وفي الحشا .. رمل قديم ؟؟
لاح برق في الظلام .. شقق الظلما سناه ..
يا هلا بغيث الغمام .. وياهلا بعشب الحياة..
لاح برق في العتيم ..
سدرة الوادي العتيق .. وسط صدري اغصونها ..
عندها وعد وطريق .. وحالف ماخونها ..
لاح برق في العتيم..
لاح برق في الدجا .. نقض جروح التراب ..
نزرع الأرض برجا..جود خلاق السحاب ..
لاح برق في العتيم..



قادر الله

قادر الله .. قادر الله ..
يالغضي ..قادر الله
نلتقي فـ وسط الطريق ..
خطوة مني ..وخطوه منك
شارع الفرقه .. يضيق
قادر الله ..
والمحبه .. هي من الله
حطها وسط القلوب ..
قلب يتهنى بشبابه ..
وقلب يتعذب يذوب ..
قادر الله .. قادر الله ..
لا .. ولا ياابو سن ضاحك ..
منك ما شفنا عبوس ..
ما تعودنا نشوفك ..
إلا بهجه للنفوس ..
قادر الله .. قادر الله ..
ليتني وانت في جزيرة ..
ما يجيها غيرنا ...
حولنا بحورٍ غزيره ..
نقضي فيها عمرنا ..
قادر الله .. قادر الله..



فاتر اللحظ

فاتر اللحظ .. ياعذب اللمى ..
يا قريب الدار.. يا بعد السما ..
لوجرحت الروح .. لودمعي همى
يا ظما المجروح .. ما بعدك ظما
في هجير الشوق .. ظللني بهدب
من عذاب الجرح .. داويني بعتب
اسقيني منك .. رضى والا غضب ..
لوجرحت الروح .. لودمعي همى
يا ضما المجروح .. ما بعدك ظما
يا غريب الدرب .. واشواقك سفر
العنا في القلب .. والشكوى نظر
يا قمر بانشدك .. عن نور القمر
لوجرحت الروح .. لودمعي همى
يا ظما المجروح .. ما بعدك ظما
يا سواد العين .. والدمعه شجن
لا يصير العمر .. للفرقى ثمن
الدقايق .. شمع .. ذوبها الزمن
لوجرحت الروح .. لودمعي همى
يا ظما المجروح .. ما بعدك ظما



مري علي

مري علي قبل الرحيل .. مري علي
مثل الوفا .. مثل الجميل ..
مري علي .. ابكي حياتي وارحلي ..
مري علي .. من بعد شوفك ما عليّ ..
مري لو الفرقا قهر .. قولي قدر ..
يمكن زماني اللي بك غدا .. ظنك غدر
عذر العيون السود .. دمعه ما تفيد
تمحي الظلام وتجود يا امل الغريق
مري علي .. ابكي حياتي وارحلي ..
مري علي .. من بعد شوفك ما عليّ ..
وش فيل الجفا غير الجفا
غير الوفا لك والحنين ..
كان الامل انك تجين ..
وتسألين..
الله يعين الصابرين .. الله يعين ..



وادعيني

وادعيني .. لا تردين الملامة
وادعيني .. لاتخافين الندامة
وادعيني يا حبيبة .. وسامحيني ياغريبة
ان جرحتك في اللي فات .. ذا ترى طبع الحياة
يا عسى اللقيا قريبة
لا تضنين الوداع .. بيننا هذي الدقيقة
من زمان الحب ضاع .. وما درينا بالحقيقة
كلنا نطرد سراب.. حظنا منه العذاب ..
وادعيني يا حبيبه.. وسامحيني ياغريبة..
لوجرحتك في اللي فات .. ذا ترى طبع الحياة..
يا عسى اللقيا قريبة
وادعيني بابتسامه .. نورها ينفي الشجون
واتركيني بالسلامة .. .يا عسى دربك حنون
واوعديني لو نسيتي .. قصة الماضي اللي راح
زي ما تنسي الامانه .. حاولي تنسي الجراح
وادعيني يا حبيبة.. وسامحيني ياغريبة..
ان جرحتك في اللي فات.. ذا ترى طبع الحياة
يا عسى اللقيا قريبة







تكملة.. قصائد البدر التي غناها صوت الأرض (( طلال مداح ))





من عيوني

من عيوني .. يا حبيبي
من عيوني .. اطلب والبي لك
من عيوني ..اتبسم انا اجيلك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك
من عيوني ..
اجيب الليل اجيبه
من عيوني ..
قبل ميعاده ..
من عيوني ..
انا والشوق وطيفك
نرسم ابعاده
بس انا جاوزت حدي في هواك
مدري حتى وش ابدي في رضاك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك
لو بيدي ..
القى مفتاح السعاده..
كل لحظة ..
كنت حبيتك زيادة ..
بس انا جاوزت حدي في هواك
مدري حتى وش ابدي في رضاك
واشعل في قناديلك ..اماني العمر
ونزرع شوق ..ونجني حب
من عيوني .. اطلب والبي لك



سوالف ليل

سوالف ليل
سوالف ليل ..
بجنب المنقد الغافي ..
على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنى ..
يا انتي

.. لا توادعنا...
في تالي ليل لاتخافي ..
بنلقى اللي بقي معنا ..
سوالف ليل ..
أو حفنة رماد ...



صعب السؤال

صعب السؤال ... ليه نفترق
صعب السؤال ... وين نلتقي
انتى الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
... صعب السؤال
ياللي اجمل من كلامي عنك واقرب من سكوتي
آه ياطول المسافه بين احساسي وصوتي
ماهو غريب ... انى اسألك
وانتى انا .. كيف اوصلك
لامستحيل .. هذا الرحيل
من يقطع الصمت الطويل
ويـــدلــنــي
قصيدتي .. وين الحروف .. جف القلم
يا ضايعه .. ببرد الكفوف .. رعشه الم
قصيدتي ... الا الندم ...الاالندم
بتسافرين .. وانتى معي
قصيدتي ..لا تسمعي .. غيري قصيد
يا ساكنه افـ ورق الحشا .. وحبر الوريد



مانيب أنام

مانيب أنام
و مدري الظلام فيني
أو الدنيا ظلام
لو مد لي طرفه بسلام
كنت أصافحها و أنوم
همٍ ينسيني الهموم
يا هاجري قللي علام مانيب أنام

ويل البعيد من البعيد
ما كل من فارق صبر
مادام به ليلٍ جديد
لا بد للعاشق سهر
لو مد لي طرفه بسلام
كنت أصافحها و أنوم
همٍ ينسيني الهموم
يا هاجري قللي علام مانيب أنام



الليل يانتي زمانه

لليل يا إنتي زمن و لابد ما يمر الزمن
و الشمس تسبق ساعتي لو العقارب و قفن
وش حيلتي بفرقا الضحى و الليل ما باقي زمان الليل

غبتي عن عيوني شهر أو ليلتين ما اعرف أنا
أحسب الوقت ساعه أو ساعتين
أوقاتنا بسماتنا ماتنحسب دمعاتنا ولا الفرح مثل الحزن
وش حيلتي بفرقا الضحى و الليل ما باقي زمان الليل

خللي الوعد أقرب وعد لا تحددي لا تخا في
أنا دايم أكون بموعدي إنتي تعالي في الوعد
لابد أنا بحسبك برق و رعد
وإن ضعت أنا عمري الثمن إن ضعت أنا
وش حيلتي بفرقا الضحى و الليل ما باقي زمان الليل



غربة و ليل

غربه وليل .. وعمر ضايع ..
وحب ضايع .. في مركب أماني ..
ماله دليل
وانت يا اغلي الحياة ..
في الحب ناسي .. ليتك تقاسي ..
لو قليل ..
يا خطوة دمع فوق الخد..
يا جرح .. يا عمري ماله حد ..
يا حب كبير .. يا حزن كثير ..
يا ليل البعد والتفكير ..
حبيبي .. وكل سنا عمري .. وثواني بسمتك كله
عذابي وقلت انا صبري .. اداري لوعتي فـ ظله
وفات العمر تغريبه ..
وضمت بسمتك .. غيبه
وعشت الحب في ليلي..
وذاب الصبر من ويلي
غربه وليل وعمر ضايع ..
وحب ضايع ..
في مركب أماني ماله دليل
وانت يا .. اغلي الحياة ..
في الحب ناسي .. ليتك تقاسي ..
لو قليل



احبابك سروا

مابه احد غيري يابنت.. احبابك سروا..
لاتسأليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري..

بالله لاتبكين عندي.. والى رحتي سوى اللي تبين
مالك عزى.. فـ قلبي الحزين
محتار انا اسكت.. ومدري ايش اقول
لاني سبب جرحك.. ولاعندي الحلول
لكن ابوصيك بصبر.. لابد للغايب عذر
وياحلوتي ضاع الوعد.. وباكر بعد...
مري على دروب الجراح.. وتلقين احد غيري

غطي سنا خدك بشال الليل..
وغيبي ياشمس اللي ضيها لغيري..
اه .. لو تعرفي وش كثر انا احبك.. لو كنتي تدري بي
ياعيونها السود.. مابه احد موجود.. غيري انا الموعود
جرحي.. وتعذيبي..
ياحلوتي ضاع الوعد.. وباكر بعد...
مري على دروب الجراح.. وتلقين احد غيري...



الله يعلم

الله يعلم إني حاولت
أسند على كفي السما و أناظر الشمس
أشرب عن عيونك ضما أشرب ضما الشمس
و قلتي عسى جفنك عسى ما يحترق
حاولت ما أغمض عيوني و نفترق
حاولت أنا ما نفترق

أه لو تدرين لو تدرين
لا عود العاشق حزين
يمشي على جفن و جبين
لا باس يا القلب الشجاع
ضاع الأمل مالك عذر
من لمست عيوني الشعاع
زندي انثنى رمحي أنكسر
و قلتي عسى جفنك عسى ما يحترق
حاولت ما أغمض عيوني و نفترق
حاولت أنا ما نفترق

إن لمسني حزنك الطاغي
ب اغطي وجهي الوجل بيدي
جرحيني جرحي ثم أبعدي
جرحي الصمت بكلام
أه لو كلمة ملام
و أرجعي تحت الظلام
عودي في سنا القلب اللى توه يحترق
شمسنا غابت حياتي بنفترق
و الله يعلم



اربع ليال

من اربع ليال ...
طيقك وقف ...
ما بين الرمش ... والرمش ...
ما غمضت لي عين ...
يا ابن الحلال ...
اما استرح ... والا امش ...
من أربع لال ... في مجلسي منك خيال ...
وفوق الجرايد والكتب ... اسمك حروفه تنكتب ...
يا ابن الحلال ...
اما استرح ... والا امش ...
من اربع ليال ... هبت من ديارك شمال ...
بريح الخزامى ... والنفل ...
أنا الظما ... انتي الأمل ...
داري لها عامين ... ما ربعت ...
وما غمضت لي عين ...



نجمة و نهر

لو حبت النجمه نهر .. وطاحت على صدره سنا

أن مرت الغيمة قهر .. وان هبت النسمة قهر
والى رمى طفلٍ حجر .. عكر مواعيد الهوى
انتي وانا نجمه ونهر .. وطالت مشاوير السهر
بينك وبيني الغيم ....
والشمس .. واغصان الشجر ..
وحكي العواذل والحذر ..
ولو رمي طفلٍ حجر .. عكر مواعيد الهوى
يابنت للنجمه سما .. وانا لي الوادي
ماختار في قربك ولا ... اختار في بعادي
امشي .. ولاودي .. لوتمسكي يدي
لااضيع فـ أمواج البحر .. ويفوت ميعادي
ان مرت الغيمه قهر .. وان هبت النسمه قهر
لو حبت النجمه نهر



ليل البعاد

ما أطولك ليل ...
ليل البعاد .. والإنتظار ..
ما اطولك ليل ...
سارق من عيون النهار ...
ناسي زمانك ...
زمانك .. يا شجوني ...
عارف مكانك ..
مكانك.. في عيوني ...
يا ليل .. يا ليل ..
يا ليل أنا ربعي هناك ...
وداري ورا الدمعه .. وراك ...
الله على شمس الأصيل ..
من ضيها مثل الذهب ..
الله على سمرا تقول ..
الى متى الفرقا .. تطول ..
في صوتها .. شوق وعتب ..
ما أطولك ليل .. ما اطولك ..
طال .. طال بي وجد ..
قلبي يا هواي ..
يا دفا نجد ..
في عيون الصبايا ..
ليتني نسمه .. على عالي عسير ..
أو على جده .. على الشط الحرير ..
ليتني نفحة أريج .. عطرت ريح الشمال ..
يا ليتني موجة خليج .. ترتمي فوق الرمال ..
ما أطولك ليل ... ما اطولك ..



عز الكلام

عز الكلام ..
عز البكا والإبتسام ..
عز العتاب ويا العذاب ..
حتى الندم ذاب والأمل أصبح عدم ..
لما خلت كل الدروب ..
لما إنطوت .. شمس الغروب ..
وضيع معاه قصة هوى ..
وعز الهوى حتى على أهل الهوى
عزت على عينه الدموع .. عند الوداع
سلم يإيده للهوى .. سلم وضاع ..
تحت الليالي ضاع وانتهيت .. يا حب غالي ..
وضيع معاه قصة هوى ..
وعز الهوى حتى على أهل الهوى ..
ياما إبتسامه عاشت زمان ..
في عيون حبيبي .. ذبلت في يوم ..
وياما الملامه .. قست حنان ..
في قلب خايف .. جرحه يهون
وياما الهوى عذب كثير ..
لكن بقي فرحه كبير
إلا حبيبي .. عزت عليه ..
دمعة وداع تملا عينيه ..



شعاع

شعاع ٍ .. يدخل الغرفة ..
بعد العصر ..
يزحف فوق سجادة ..
ويطلع فوق هالكرسي
ويمكن يلمس وسادة ..
ولحظة ما لمحته خاف
تراجع .. طاح من الكرسي ..
وركض قبل النهار يمسي ..
ورجع للشمس كالعادة ..
يذكرني شعاع العصر ..
عيونك .. تدخل ضلوعي
في غفلة من عيون الناس ..
وتمد اهدابها احساس ..
وتاخذ قلبي من قلبي ..
تضيق بصدري الانفاس ..
ولما ينتبه واحد من الجلاس ..
بسرعة تركض النظرة ..
على السجاد والكرسي ..
احس ان النهار يمسي ..
وتغيب الشمس كالعادة ..



بسكات

ضاع الهوى بسكات
غبتي سنه
ما جاني منك وصات
حتى الخبر
غبتي عمر
وتوي أنا
أدري هوانا مات
بسكات

لا تنتظر
ما قلت يوم ليا غريب
لا تنتظر
كلمة وداع ما في عذر
ماهي ملام
صرخة حروفي
إنتهى عتب الغرام
بس الكلام
تمضي سنه
و توي أنا أدري هوانا مات
بسكات



القيد

الحــب عبدي وسيــدي
لا تشد القيد ...
تجرح يدي ... أو تجرح القيد ...
قيدك غدى يوجع يدي ...
سجني أنا انت ... وسجنك أنا ...
والحب ... الحب عبدي وسيدي ...
لا ... لا تشد القيد ...
دمي ... جرى ... دمك ...
همي إني اشوفك في يدي ...
وإلاّ يدي همّك ...
في معصمي صرت ...
إنت السجين في معصمي ...
وكانك تصبرت ... أنا مقوى الصبر ...
دمعي في عيني ... وصرختي تملا فمي ...
سجني وسجاني ... أحزانك احزاني ...
وشلون ابنساك ... وشلون تنساني ...
محبوس في عيونك دمع ...
وزنزانتي ... تقطيبة الحاجب ...
وحاول توارى في الجفا ...
يا وجهه الصاحب ...
بتشوف نفسك في يدي ...
قيدٍ رقيق ...
قيدٍ سلب حريتي ...
ليته طليــق ...
يا صاحبي ... ما به ابد قيدٍ طليق ...
لا ... لا توجع يدي ...
سجني انا انت ... وسجنك انا ...
والحب ... الحب عبدي وسيدي ...



ظفايرها

قصت ظفايرها .. ودريت
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..

حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..



لا تعاتب

لا تعاتب .. ما اقدر أتحملك عتابك ..
قلبي ذايب .. وانت تشكي لي عذابك ..
بس لو تسأل عيوني .. راح تبين لك شجوني ..
لو أغير يوم حياتي .. عن هواكم ما تغير ..
إنت أغلى ذكرياتي .. انت غيرك ما اتخير ..
بس لو تسأل عيوني .. راح تبين لك شجوني ..
لا تعاتب .. لا تعاتب ..
نور حياتي في رضاك .. والسعاده كلمه منك ..
شوف هنايا في هواك .. لما نلتوا بحسن ظنك ..
بس لو تسأل عيوني .. راح تبين لك شجوني ..
لا تعاتب لا تعاتب ..



الإختيار

ودي اختار.. الليله درب ..
ما تعرفه ..
ودي اجلس في مكان ..
ما يذكرني بصدفه ..
أو وعد ..
ودي أحكي يا حبيبي .. مع احد ..
غيرك احد ..
لجل النهار .. وحريتي ..
اعطيني .. لحظة اختيار ..
وحدي وغديت أنت الزحام ..
وحدي أبد .. وانت الكلام ..
نورك وما غيره .. ظلام ..
عذب الحروف .. طاغي الطيوف ..
أبعد عن عيوني .. بااشوف ..
لجل النهار .. وحريتي ..
اعطيني .. لحظة اختيار ..
ابي درب .. ما يوصلني لدارك ..
ابي وعد .. ما حتمل فيه انتظارك ..
وابي ليل .. ما يجي بعده نهارك ..
ودي ادري .. هي حياتي ..
اختياري .. أو اختيارك ..
ودي انسى .. ليله وعدك .. أنسى وعدك .. ما أجيك ..
وش يضرك .. لواخونك .. مره واختارك عليك



سافري

سافري كان يرضيك السفر
جربي لو ورى ليلي صباح
بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين ما يضيق البراح
ولا تعبتي وحسيتي بضجر
خلي الشوق لديارك جناح
أرجعي في ابتساماتك عذر
مثل ما الدمع في عيني سماح
انتي العين من طول النظر
وانتي القلب من كثر الجراح



وعدتيني

وعدتيني .. بنجم الضي .. بالقمرا ..
تركتيني لجرح الماضي .. للذكرى ..
وليتك ما وعدتيني ..
رسمتي لي الهوى بسمه .. بتشرق في ظلام الأمس ..
وقلتي لي مراكبنا .. بتوصل لو مواني الشمس ..
وانا من فرحتي باحلم .. واصدق حلم ايامي ..
خذاني الحب ما اعلم .. عن الدرب اللي قدامي ..
كفايه .. انك وعدتيني ..
وعدتيني حبيبة عمر .. تقاسمني الهنا والجرح ..
تركتيني لحيرة عمر .. خذت مني المنى والفرح ..
حبيبه ما ابي لأجلي .. ولا حتى قمر ليلك ..
فقدت فـ غربتي إسمي .. وقلت أنسى أناديلك ..
نسيت إنك نسيتني ..


ما نسيتيني

ما نسيتيني .. علمتني نجمة الصبح ..
وزهرة البستان ..
تصرخ الجدران .. الهوى البيبان ..
لو هجرتيني .. يحلف الهجران ..
ما نسيتيني ..

احرقي جسور الوصل بينك وبيني ..
وازرعي الاشواك ..
غمضي عيونك عسى ما تشوفيني ..
واقفلي الشباك ..
باقولها مرة ... لو الحروف مرة ..
مستحيل الياس ..
باقولها وانتي في الجفا حرة ..
انما الاحساس ..
ما نسيتيني ..

كل عاشق له امل ينتظر باكر ..
موعد الخلان ..
وانا رغم الجفا راضي و صابر ..
واسألي النسيان ..
باقولها مرة .. لو الحروف مرة ..
مستحيل الياس ..
باقولها وانتي في الجفا حرة ..
انما الاحساس ..
ما نسيتيني ..


وعد

كلمات الامير بدر بن عبدالمحسن
لحن وغناء طلال المداح


وعد يا حبيبي في ليلة ما تخطر وعد
وعد يا حبيبي في ليلة ما تغدر وعد
أبطىء قمرنا وامحي صورنا
وأنكر بعد هوانا يا حبيبي
بشوفك بتبعد في عتمه طريق
وتوقد ما بيني وبينك حريق
يا عمر الهنا نساني أنا
لا تنسانا أبد
حبيب ابتسامي واروى الامى
تشوف السعد نشوف السعد
حبيبي يا حبيبي .


يا ويلاه

يا ويلاه ياليالي الزمن ما خلا غالي .. آه يا ويلاه
طال صبري واحتمالي .. آه يا ويلاه

يا ويلاه يا ليالي ..
الزمن ما خلا غالي ..
طال صبري واحتمالي ...
يا ليالي آه يا ويلاه

مري يا ريحي الحزينة عند بابه ..
قولي ضاقت بي المدينة من غيابه ..
قولي ضاقت بي الليالي يا ليالي ..
والزمن ما خلا غالي يا ويلاه

كان حبيبي واللي باقي ليا ذكرى ..
كان حبيبي واللي لسا عمري بكرة ..
كان حبيبي يا ليالي يا ليالي ..
والزمن ما خلا غالي يا ويلاه

علل الدمعة العليلة بالاماني يا هوى ..
واخدع الروح الحزينة لا تعاني بالنوى ..
من عذابي في الليالي يا ليالي ..
والزمن ما خلا غالي يا ويلاه

ليل الهوى يا ما على الدرب عشاق ..
نار العواطف الهبتهم ليالي ..

هناك 44 قصيدة غناها فنان العرب " محمد عبده " من كلمات البدر




الا الهوى



ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...







حسايف



التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...

حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين

اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...







بسمة الضي



أنا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها فّي
وإن سلهمت ذاب الحشا من حنينه
له نظرةِِ لا هي سَرابٍ ولا مَيّ
راعي الهوى تفنى وراها سنينه
نور الصبايا .. بسمة الدّار والحيّ
نوره ولا شمس الضحى تستبينه
دامه معي أغلى الحبايب فأنا حّي
بالقلب أضمّه يوم قلبي ضنينه
له في ضميري من لهيب الوله كي
روحي معه عذب المناجى رهينه
ياصاحبي لا تنشد الروح عن شيّ
أنا حبيبي .. نور كل المدينه







خـــطـــأ



خطأ..
تبخل .. وأنا كلي عطا..
خطأ ..
ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ .. لو ما جنت
ولو ما رضيت .. تحدني ..
روح الشقاوي .. ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان .. عودتني
وطال النوى وجار الزمان .. صبرتني ..
وإثر الهوى .. مثلك غريب ..
ماله .. على نفسه حبيب ..







جمرة غضى



جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب







الرسايل



وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله

في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله







رساله



إلى من .. يهمها أمرى .. إلى من ..
رجاءً .. إلى متى صبري .. رجاءً
أنا لن .. اشتكي .. همي لغيرك ..
يا روحي .. اشتكي روحي على من ..
رساله .. حبرها .. دمي ..
رساله .. تصرخ ابهمي .. إلى من ..
سألت الرمل .. في دروب القوافل ..
سألت الجدب .. عن لون السنابل ..
سألت الناس عن وجهك حبيبي ..
عن الشمس .. ومتى تشرق مساءً
أحبك .. يالصحاري اللي ..
فـ هجيرك .. احترق كلي .. وفاءً
كتبت لواحة عيونك رسايل ...
بسراب الدمع ... وانفاس القوايل ..
كتبت وذي ترى .. اخر رسالة
أحبك .. وان نسيتيني .. وداعاً ..







صوتك يناديني



تذكٌر .. صوتك يناديني ...
تذكر ... تذكر ...
تذكر الحلم الصَغير ...
وجدار من طين وحصير ...
وقمَرا ورا الليل الضرير ...
على الغَدير ...
لاهَبٌت النسمَة تكسر ...
جيتي من النسيان ...
ومن كل الزمان ...
اللي مَضَى ... واللي تغٌير ...
صوتك يناديني تذكٌر ...
ناديتي ... خانتني السنين ... اللي مَضت راحت
ناديت ... ماكن السنين ... اللي مضت راحت
كنا افترقنا البارحة ...
البارحة .... صارت عمر ...
ليله ... أَبَدْ عيٌت تمرٌ ...
ياجمرة الشوق الخَفي ...
نسيت أنا وجرحك وفي ...
يتذَكر الحلم الصغير ...
ريانَة العُود ... نادي ...
نادي الليَالي تعُود ..
بشوق الهَوى ... بوعُود ...
بوجهي اللي ضيعته زَمَان ...
في عُيُونك السٌود ...
ياالضحكة العَذبة ...
عَنك الصٌبر ... كِذبه ...
وفيك العُمر موعود ...
اشتقت للحلم الصغير ...
واشتقت لجدار وحصير ...
وقمَرا ورا الليل الضرير ...
على الغدير ...
ان هبت النسمَة تكسر ...







ردي سلامي



حبيبتي...
ردي سلامي للهوى .. عذب السلام ..
وأغلى الأماني وللأمل .. كلمة ملام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
سنين .. مرت وما أدري عن الأيام ..
يقولوا تفرق الأحباب ..
وانا أقول القمر ما غاب ..
من أول يوم تواعدنا ..
أثاري الوقت يخدعنا ..
ويبعد عننا الأحلام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
حبيبتي يا نظر عيني ..
أشوف الليل ما بيني .. وبينك .. وكل الناس ..
أحس فـ نظرتك معنى ..
ودربٍ كان يجمعنا على الإحساس ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...







ربيع الحب



الله يعين الروح .. كم هي تمنى
شوف الحبايب ساعةٍ عقب حرمان
والله يجازي اللي بلطفه هدنا
وقتٍِ تبدل وأبدل الوصل هجران
أقفى ربيع الحب .. وأدهر وطنا
وشوك الثرى دسناه في درب الأحزان
خاط القدر بسلوك حكمه كفنا
وإلى حكم وش ياترى بيد الإنسان
حنا ضحايا الياس .. نرجي زمنا
ينظر لنا لو يوم لله بإحسان
حـــنا ليالــينا بــهـــوانا رمنــا
حنا .. جنينا ونرجي الله غفران







السنابل



من يهني السنابل .. في ليالي عرسها
كل شعب الجزيرة .. اللي تعب في غرسها
يا جزيرتنا بناتك ..
ما تناسوا وصاتك ..
كافحوا .. واتخرجوا .. وتحت ظلك انتجوا
آه كل يومٍ .. في حايتك يا جزيرتنا أمل ..

البيارق خضر .. وفصولك ربيع
راية التوحيد .. يا عز الجميع
يا جزيرتنا بناتك
ما تناسوا وصاتك
كافحوا .. واتخرجوا وتحت ظلك انتجوا
آه كل يومٍ في حايتك يا جزيرتنا أمل ..







عيون الليل



عيونك لاتوريها .. لغيري لاتوريها ..
عيونك لي .. ولو أقدر ..
عيونك عنك أداريها ..
أنا لو بعت نظراتك.. ابيع العمر واشريها

عيون الليل .. انا بالحيل
أحب أسهر لياليها ..
وأحب أبكي .. وهي تبكي ..
وأفرح للفرح فيها ..

حبيبي لو ضمنت اليوم ..
أعيش الشك في باكر ..
يجي مستقبل الايام ..
يغير في هوى الحاضر ..
يغيرك الزمن بعدي .. تعلم طبعه الغادر ..

أخاف عيون مايدرون ..
وش اللي يجرح الخاطر ..
وعيونك آه .. لو يدرون ..
حياتي فيها للآخر ..
عيونك لاتوريها لغيري ..لاتوريها ..







الفجر البعيد



نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني

وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك

إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله

أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك

يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت

وإن زاد ظلمك ما عدلت

آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك







الليالي الوضح



في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيده ..ا ومشينا ..

***
يا نصيبي من الصور .. والرسايال
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. فرقت فكري قبايل ..
وين احب الليله .. وين اهيم ..
اقبلي مثل ديم ..
أو غصون النار تنبت فـ الغضى ..
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ..

***
وين احب الليله .. وين أهيم ..
ارفعي طرقة الشيله .. عن سديم ..
وكوبٍ وهاج ..
اقطعيني بنصل طرفٍ سادرٍ وحجاج ..
شقيقيني يالهبوب العارضية ..
واهدمني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
انا لو ابي ..
خذتها بيدها .. ومشينا







ليتي معك دايم



ليتي معك دايم .. روحي فـ هواك هايم
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
ومالي فـ هواك لايم .. ليتي معك دايم
ليتي معك خطوة .. تمشي لهواك دروب
ونسمة هوى حلوه .. تحيّي الأمل فـ قلوب
ليتي معك وارتاح .. وانسى الضنى اللي راح
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
آه .. من الهوى والليل .. فـ عيونك السودا
غربه ومالي دليل .. والخطوه معدودة
والله الزمان غلاب .. والبسمه محسوده
ونور الأمل كذاب .. والراحه مفقوده
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..







وعـــــد



وعد .. يا حبيبي ..
في ليلة ما تهجر .. وعد ..
في ليلة ما تغدر .. وعد ..
ابطفي قمرنا ..
وامحى صورنا ..
وانكر بعد .. هوانا ..
يا حبيبي ..
اشوفك بتبعد .. في عتم الطريق ..
وتوقد ما بينك وبيني حريق ..
يا عمر الهنا .. نساني انا ..
لا تنسى أبد ..
حبيبي إبتسامي .. ويكفي الآمي ..
تشوف السعد.. في بسمة حبيبي ..







لا تجرحيني



لا تجرحيني .. جرحك العام ما طاب
داوي بحنانك ما مضى .. واجرحيني
ياللي حنانك نظرة بين الأهداب
ردي علي بعض العزا .. ناظريني
خافي على قلبٍ يحبك إلى ذاب
ذاب الهوى في خفقته .. والحنيني
لولاك ما زار القمر ليل الأحباب
ولا لوحت شمس المحبه جبيني
ولولاك .. ما يلفي على الدّار غياب
ولا تبكي اللي فارق الدار عيني
في غيبتك كل الملا عندي اغراب
ما أحدٍ أبي قربه .. ولا أحدٍ يبيني
لا ياغلا كل القرابه والأصحاب
ضاع العدل في الناس لو تظلميني







مجنونها



لعيونها ... بس لعيونها
قلبي سراب بدونها ..
قلبي سراب ... وعيني سراب
ما اقول أعشقها بعقل...
مجنونها...
البارحة مريت في أحلى الفصول
صيف وشتاء..
وناظرتها..
وقلبي يقول هذي العيون إلى متى
حبيبتي ياكثرها عيونك على هاالليل
وين ما التفت اشوفها ..
حبيبتي يازينها عيونك على هاالليل
سحرني برق سيوفها..
ما أقول أعشقها بعقل..
مجنونها..
قمري .. يا شمس الذهب
سفري وراء عيونك تعب
قلبي تعب... وصبري تعب
ومن الهدب لين الهدب...
بحر ومراكب من لهب
أمواج تبحر برضاه ..
وأمواج تلعب بي غضب







الــوعــد



يا صـاحبـي طـالـت علـي المسـافـه
كل ما نشـدتـك قلـت لـي الـدرب قـدام
وعـدك مثـل بـاكـر أحبــه وأخـافـه
ولا ينقضـي بـاكـر علـى طـول الأيـام
ما اقـول ضـاع العمـر عنـدك حسـافـه
انت الـدقـايـق عشتـها وانـت الاعـوام
ودي ربـيـع العـمـر يـسبـق جفـافـه
يا مسقـي العطشـان من كـاس الأوهـام
كـانـك تعـاف الجـرح حنـا نـعـافـه
وما سهـرت عيـوني تبـي عينـك تنـام
ومـن لا ذكـر منـك جـميـل خـلافـه
ما يملكه وعـد تـرى السـعـد قـدام







مرتني الدنيا



مرتني الدنيا .. بتسأل عن خبر ..
مابه جديد ..
عشاق ليلة تفارقوا ..
وصاروا بعيد ..
لا طاحت نجوم السما .. ولا تاه في الظلما قمر ..
لا تاقف الدنيا .. وتسأل عن خبر ..
مابه جديد ..
اسهل من الكذبة .. على شف الطفل ..
فرقى الأحبه يا هوى ..
أحلى من الحلم اللي ودي لو كمل ..
كانت ليالينا سوى ..
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..
لا تاقف الدنيا .. على أول طريق ..
فرقى الأحبه يا هوى ..
لا تسأل جروحي متى خان الرفيق ..
عهد المحبه والهوى
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..







مركب الهند



يا مركب الهند .. يابو دقلين .. ياليتني كنت ربانك ..
واكتب على دفتك شطرين .. اسمك حبيبي وعنوانك ..
طال انتظاري وقلبي جريح .. يا مركب الشوق ليت الريح
وقت السحاري .. تملا السواري ..
وابحر بشوقي لنور العين .. وارجع لخلي لأوطانه
يا بحر موجك علي عالي .. وطيفه حبيبي على بالي
والبعد قاسي .. وحبيبي ناسي
والله .. يا ربعي .. وأهلي .. وناسي ..
مشتاق قلبي لخلانه ..
يا مركب الوهم عمري ضاع .. ما بين أمل في لقا ووداع
بحر الأماني .. ماله مواني ..
ضيع زمانك .. وضيع زماني ..
وضاع المركب .. بربانه..







ســـهـــر



سهر.. والدنيا نعسانه .. سهر
والفرقا كانت عن حبايبنا .. قدر
والجرح نزف الدمعتين .. والدمع شباك الحزانا للقمر ..
ِبِعد الأمل .. لما ِبِعدت وفرحي راح ..
ِبعد الزمان .. عني .. وعن عيني الصباح ..
ذي الفرقا كانت عن حبايبنا قدر ..
والجرح نزف الدمعتين .. والدمع شباك الحزانا للقمر ..
آه .. من حنانك .. لسا مالي بالدفا كل الوجود ..
وآه .. يا حبيبي .. لو بعادك كان جفى والا صدود ..
ذي الفرقا كانت عن حبايبنا سهر ..




يا هلا بك



يا هلا بك ولا تطري الوداع عش معي لحظة الفرحة حبيبي
عمرنا اليوم والباقي ضياع
تصبح الأرض في قربك وساع دام فرحة عيونك من نصيبي
ونبتت ضاقت الأرض الوساع
آه لولاك يا دافي الشعاع كان مرتاح بالي وش تبي بي
تشغل البال يا دافي الشعاع
أحسب إني على الفرقا شجاع بطوي الجرح أو بخفي نحيبي
وأثر ما في الهوى مغرم شجاع
يا هلا بك عدد عمري اللي ضاع او عدد ماتمنيت حبيبي
ليت الأيام ما فيها وداع







دار الشواق



يا الله لا تقطع رجا كل مشتاق
بامرك يا رب الحلم يصبح حقيقه
وأنا أدري أن الوصل تاليه لفراق
ولولا الأمل .. ما تحمل النفس ضيقه
أمس سرى في تالي الليل براق
قلبي يفز لنوضته بتخفيقه
وسمٍ بكور صادق الوبل دفاق
لو شافه الظميان يبتل ريقه
عله على دار الوفا .. دار الأشواق
دار صفت لأهل القلوب الرقيقه
فارقتهم ما ليلةٍ خاطري ضاق
واليوم للسلوان ما أجد طريقه
يا كود حرفٍ لي كتبته بالأوراق
مثل السراب اللي يسلي بريقه
والله لو كل المخاليق عشاق
ما شفت لك نفسٍ تعذب دقيقه







ما بقا لي قلب



ما بقالي قـلب يشفع لك خطيّه
ذوبـته اجروح صدّك والخطايا
صاحبي بالله ... لا تعـتب عليّه
العَـتـب ما عاد تاسَعه الحنايا
كلّ جرحٍٍ فات لي منك هديّه
وش بلاك اتخاف من ردّ الهدايا
الله أكبر ... كيف مالك مقـدريّه
وكل ما تحمله من هـمّي بقايا
لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا
وان غَدى للحب في قلبك شظيه
وش يقـول اللي غدى قلبه شظايا







الأرض



انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

***
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي







الله أحد



الله أحد.. وارضي بعد ..
ارضي تحت ظل الفهد ..
في يدنا كتاب الله .. وفي يدنا الحسام
إخوان من طاع الله .. في حرب وسلام
الله معك يا بلادي ..
حنا الوفا من طبعنا .. وعادتنا طيب وكرم
حكامنا من شعبنا .. هذا اخو وهذا ابن عم
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..
لي ديرةٍ عالي السحاب .. يسكن في شم جبالها
اطهر ثرى .. وأغلى تراب .. تفخر بفعل رجالها
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..







رعشة هدب



ماقلت له ... يا حلوتي ماقلت له ...
المشكله ... إني أختلف ...
لا طروا اسمك من الوله ...
وجهك تغيّر ... نظرتي ...
وتضحك في عيني يا عبرتي ...
وبعض الحكي ما اتحمله ...

ما اكذب عليك ... البارحه شافوك ...
رعشة هدب لفته ...
البارحه شافوك ... في النوم الذي عفته ...
وماحد ٍ يقول ... شافك معي مره ...
طيفك متى ... يكفيني من شره ...
باكر إلى مروا علي ربعي بقول :
إن السما ما هي سما ....
واغيّر اوقات الفصول ...
ان صدقوني .. ما دروا إنك هواي ...
وإن عاتبوني ... صارت عيونك سماي ...







ربنا واحد



ربنا واحد .. ودربنا واحد ..
كلنا فيصل .. وكلنا خالد ..
كلنا فيصل .. يا سيوف العز .. والمجد الدليل
وكلنا خالد .. بالعمل والجد .. والرأي السديد
حنا الى مات البطل فينا شهيد ..
أحفاد أبو بكر .. وعمر وابن الوليد ..
في جبين الشمس .. حافرٍ اسمه على خد القمر
وفي قلوب الشعب .. خالد ٍ فيصل .. في طول الدهر
حنا الى مات البطل فينا شهيد ..
أحفاد أبو بكر وعمر وابن الوليد ..







لا لا تقول ودعتني داري



لا لا تقول ودعتني داري
بالحيل مالي عليك عتاب
مريت في موعدك ساري
وقفت لين النجم ماغاب
الليل تحت الشجر عاري
والفجر غطى السما بثياب
والريح في كفوفها الذاري
تدفن ارسوم الوعد بتراب
مريت ما للوله طاري
ووقفت ما للندم اسباب
مدري تعودت مشواري
أو خان بي قلبي الكذاب







ضيعت الدليل



كـل ما اقــفـــــيـت نــــــادني تعـــــــــــــال
وكل ما اقــبـــــلت عــــــــزم بالـرحـــــــيل
وكل ما اجــــنـبت واعــــــدني شـمــــــــال
يا اهــــل الحــــــب ضـــيعـت الـــــــــدلـيل
الحــــقـيقة غـــــــــدت مـــثـل الخـــــــيال
هـو عـــــــدوي وهـــــو اغــــلى خــــــليل
شفـــت انا الظـــــلم من بعـــض الـــــدلال
يجـــــــرح القــــــلب لو كـانه جـــــــــميل
اشهـــــــد ان الهــــــــوى مـابـه عــــــدال
هـــــو خـــــلى وانـا قــــــلـبي عـــــــــليل
وكل ماقـــــلـت له يـابــــــــن الحــــــــلال
المحــــــــبة عـــــــــطا وانـت بخـــــــــيل
الـتـفـت لـي وهــــــو عـجـــــــل وقــــــال
لـــــــــذة الحــــــــب في الشىً القـــــــليل







أرفض .. المسافة



والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى
أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا







في رثاء جلالة الملك خالد بن عبد العزيز
طيب الله ثراه



ياسيدي صار الحكي كنه سكوت
وين القصيد .. وكيف أبا ألقى المعاني
بغيرك حروفي من ذهب .. حص .. ياقوت
أما أنت يعجز عن مقامك لساني
فـ .. أقصى ضميري جاير الحزن مكبوت
أبيه أنا لنفسي .. وحزنك عصاني
واشيخنا اللي وإن خذاه القدر فوت
عمره سنين .. وعمر غيره ثواني
ما أحدٍ بنى لشعبه مشاريع وبيوت
وأسكن بقلبه ساكنين المباني
إلا أنت ياشمسٍ محت كل طاغوت
يابو الوفاء .. والطيب .. بحر الحساني
عذروبك إنك مثلنا .. تشيب .. وتموت
وعذروبنا من حماك نلنا الأماني
لا .. لو يموت الح .. للحب تابوت
جفن المحب .. وخلجة ف المحاني
ويا سيدي صار الحكي كنه اسكوت
وين القصيد .. ووين أبا القى المعاني







الروح الجريحه



يا عذولي .. وش تفيد به النصيحه
لا تعذل القلب .. وجروحه طريّه
من يداوي علة الروح الجريحه
ومن يسلي دمعة العين الشقيه
ان شكيت من الهوى .. قالوا فضيحه
وان سكت استنقضوا جرحي عليه
وان نويت البعد .. ضاقت بي الفسيحه
وان بغيت القرب .. خان القرب فيه
من عذلني في الهوى الله يبيحه
ومن عذرني .. ما حصل مني خطيه






عطني فـهواك الصبر لاصرت قاسي



عطني فـهواك الصبر لاصرت قاسي
تبدي حنان وداخل القلب جبّار
لا صار قلبك خالي الحس ناسي
وتلعب على المشتاق بوعود واعذار
ولا صار فيك من الأمل كثر ياسي
وعندك يقين وتارك القلب محتار
لا من نسيت اولي نويت التناسي
اترك وراك لباكي العين تذكار
اشرب معاه الوهم لا جف كاسي
و لا ما حصل شوفك أضمك بالأفكار
يا حارمٍ عيني لذيذ النعاسي
ومعذبٍ روحي بجنّتك والنّار







مري علي



مري علي قبل الرحيل .. مري علي
مثل الوفا .. مثل الجميل ..
مري علي .. ابكي حياتي وارحلي ..
مري علي .. من بعد شوفك ما عليّ ..
مري لو الفرقا قهر .. قولي قدر ..
يمكن زماني اللي بك غدا .. ظنك غدر
عذر العيون السود .. دمعه ما تفيد
تمحي الظلام وتجود يا امل الغريق
مري علي .. ابكي حياتي وارحلي ..
مري علي .. من بعد شوفك ما عليّ ..
وش فيل الجفا غير الجفا
غير الوفا لك والحنين ..
كان الامل انك تجين ..
وتسألين..







تعالي



عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..

سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...
تعالي ... طالت الغيبه
وربي طالت الغيبه ..







لا والذي سواك



لا والذي سواك ما اريد سلواك
ما أخبر به نفسٍ تمنت قدرها
وكان التفرق يا ادعج العين عناك
أنا الذي روحي عذابه صهرها
والله لو ما اعي .. نفسي برجواك
واجزم وَكاد إنه يهمك خبرها
لأطفي شعاع العمر .. لا غيّب ضياك
عميت عيونٍ ما يطولك نظرها
أغلي حياتي .. من ثواني بها ألقاك
لولاك ما تسوى حياتي كدرها
ودنيا خلت من صافي الود وياك
يا عل تكسف شمسها مع قمرها







الله يـرد خطـاك لـدروب خلانـك



الله يـرد خطـاك لـدروب خلانـك ..
لعيون ما تنساك لو طـال هجرانـك ..
دام الأمل موجود فالنفـس خضاعـه ..
حق العيـون السـود السمـع والطاعـه
الله يردك لي .. يـا مطـول غيابـه ..
يا معذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعـه ..
ياللي بعدك اليوم .. نبكي على باكـر ..
صبري عليك يدوم .. مادمت أنا فاكر ..
إن الأمل موجود .. فالنفس خضاعـه ..
حق العيون السود السمع و الطاعـه ..







حـــــدثــيـــــنا



حـــدثـــيـــنا ... حـــدثـــيـنــا
يا روابي نجد.. يا جبالها السراة
يا ينابيع الحسا جددي فينا الحياة
حدثينا عن أبو تركي العظيم ... حدثينا
عن أبونا الفارس الشهم الكريم ... حدثينا
عن جهاد جدودنا ... اللي خلوا حدودنا
من بحرها لبحر ... ديرتي كل فخر

ديرتي .....
ودي أقول أن راسي في السماء
يكفي عروقي جرت ... منكم قطر الدماء
يا هل التوحيد والدين العزي...
حدثونا ... ووصفوا عبدالعزيز

{ لا أله الا الله }
موحِدين وموحَدين ...
دارنا بعون الله ...
عزها دنيا ودين







خـــواف



لا تسرق الوقت من غيري انا مابي زمن غيري
لا تسرق العمر يا طيري مدام قلبك لاحد غيري
عطني من ايامك نهار وباقي العمر للي تبي
ما به فرح يا معذبي وانتا لحد غيري
ناظر وعدنا طاف في اللي درى ومن شاف
يا قلبك الخواف

يا صاحبي الخوف ما يطمن الخوف لا تلمس الجوف
وانتا يدينك باردة
والفرقا دايم واردة
وانتا وانا بنفس الطريق
بس الخطا متباعدة

لا تسرق الوقت يا اجمل الوقت
تكذب علي واكذب عليك
والقى الدفا برشعة يديك
نقضي العمر كل العمر نحلم بلحظة شاردة

قصائد البدر التي تغنى بها
(( عبادي الجوهر ))

لا من غديتي شمس


لا من غديتي شمس.. وشلون اعذلك
لابد ما يظهر مع طلتك نور
ما الومهم لو لدت عيونهم لك
من ناظرك يا ربة الحسن معذور
تلطفي وان كحل التيه نجلك
وتواضعي لو بك غدى الحسن مغرور
أغار لو بالزين قد ذكر مثلك
وأغار لو غيري سبقني لك شعور
لا صار لي قلبك.. وروحك.. ووصلك
لا قافلٍ بابٍ.. ولا بانيٍٍ سور





العمر أحبك


لليل احبك ما بقى في السما نور
والى ضواني الليل.. لصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله ما به غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. ما بقى فيني شعور
والى جفاني العمر .. وشلون أحبك





سوالف رحلتي


عن حبك رحلت..
ولحبك وصلت..
وهذي سوالف رحلتي..
سافرت.. في كل التراب
سافرت.. لديار السحاب
وهربت من ليل اللقاء .. وسهر الغياب
وأنتي بداية رحلتي وكنتي النهايه..
ودعتك وغصب علي خذتك معايه..

يا طول هالرحله.. لو هي المسافه والزمن
يا قصر هالرحله.. سافرت من جرح الشجن
يا طولها.. يا قصرها

تصوري إني نسيت
بس الأكيد إني بكيت
لين الدموع تكدست.. أوراق
عن حبك رحلت
ولحبك وصلت
وهذي سوالف رحلتي





العمر أحبك


لليل احبك ما بقى في السما نور
والى ضواني الليل.. للصبح أحبك
واللحظة اللي كلها عند وغرور
أشوف قبري بين عينك.. وقلبك
في صدري سراجٍٍ حزينٍٍ.. ومكسور
رغم المطر والريح.. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك.. مابقى فيني شعور
والى جفاني العمر.. وشلون أحبك





القاع والمسافة


انا احبك ما بها زيف وخداع

رغم الذي نخفيه.. واللي نخافه

أودعك.. ليت الألم لحظة اوداع
إلى مضت.. ننسى الألم والحسافه

وأفارقك.. لو السفر.. يم وشراع
وبعد الفراق.. اللي نوده نعافه

لا صار ما في البعد راحه لملتاع
بالله وش نفع التعب والكلافه

من الجفا والصد.. يكفيني اذراع
لا جف نهر الحب ماتت اضفافه

املي يدك رمل وترى هذي القاع
ومدي النظر.. تدرين وش هي المسافه





ما ابيه


عذبيه.. إسعديه..
داوي قلبي واجرحيه..
واللي ما مثله ابد.. مثلي ما حبك احد
ولو رضي قلبي بغيرك..
ما أبيه .. ما أبيه

تملكيني لوبـ غيتي .. تملكيني لو رفضتي
تسحريني لو حكيتي .. تسحريني لو سكتي
أنا نجمه في مدار ك ..
ضي عيني من نهارك ..
وانتي قلبي واللي فيه
لو رضي قلبي بغيرك ما أبيه..

انتي اغلى من هجرني .. وانتي اجمل من يغيب ..
والله لو بعدك قهرني .. ما أبي غيرك حبيب ..
سافري والقلب دارك ..
راضي بـ ثلجك ونارك ..
حبي قلبي واكرهيه ..
لو رضي قلبي بغيرك.. ما أبيه

أنا أحبك لا تخافي .. الا قلبك لو هواني ..
هذا ضعفي واعترافي .. بس ما ارضى هواني ..
ابعدي هذا قرارك ...
ماني سجنك أو حصارك ...
روحي سوِّى اللي تبيه ...
لو رضي قلبي بغيرك .. ما أبيه
واللي ما مثله أبد .. مثلي ما حبك احد





كفاك غرور


صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..

انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور





سوالف رحلتي


عن حبك رحلت..
ولحبك وصلت..
وهذي سوالف رحلتي..
سافرت.. في كل التراب
سافرت.. لديار السحاب
وهربت من ليل اللقاء.. وسهر الغياب
وأنتي بداية رحلتي وكنتي النهايه..
ودعتك وغصب علي خذتك معايه..

يا طول هالرحله.. لو هي المسافه والزمن
يا قصر هالرحله.. سافرت من جرح الشجن
يا طولها.. يا قصرها

تصوري إني نسيت
بس الأكيد إني بكيت
لين الدموع تكدست.. أوراق
عن حبك رحلت
ولحبك وصلت
وهذي سوالف رحلتي





السهر والخوف


نبي.. نطفي قمرنا..
لو يعذبنا السهر.. والخوف..
نبي ننثر قهرنا.. يا حبايبنا..
على مد النظر.. والشوف..
نبي ننزع من أعماق الحشا سكين..
نبي ننزف حنان العاشق المسكين..
ونجرح في سواد العين.. صورنا..
ونبي نطفي قمرنا..
سامحينا يالمحبة.. لو جرحنا وانجرحنا..
س امحينا لو نسينا.. في الهوى ضحكة فرحنا..
وآه يالنصل الحرير..
ياهوى القلب الضرير..
يالجروح اللي مضت.. واللي بتصير..
نبي ننزع من أعماق الحشا سكين..
نبي ننزف حنان العاشق المسكين..
ونجرح في سواد العين.. صورنا..
ونبي نطفي قمرنا..





ناعم يا ندى


ناعم يا ندى في ليل الربيع
يا عمر .. ابتدا وخايف يضيع
نعومة كلام بتمحي الألم..
وبسمة سلام تخلي العدم..
جناين محبه.. وخضرة مروج
ومركب ومويه.. ونسمه وموج

قابلتك في حلم واماني رقيقه
وضمك خيالي.. يا وهم الحقيقه
خذتنا الليالي.. في رحلة حنين
نسينا الليالي وعمر السنين ..
وعشنا فـ محبه.. وخضرة مروج
ومركب ومويه ونسمه وموج

حبيبي.. أببكي أبضحك باذوب
وأذوب في حبي جميع القلوب
أحبك لآخر مدى في حياتي
أحبك في همسي.. وكلامي وسكاتي
أحبك محبه.. وخضرة مروج..
ومركب ومويه.. ونسمه وموج..





مزهريه


لا إنتي وردة.. ولا قلبي مزهرية من خزف
صدفه وحده جمعتنّا.. شوفي وشلون الصدف
التقينا في مدينه.. وفرقتنا الف ميناء
اغفري للريح.. والموج.. والسفينة
كانت الرحلة حزينة.. للاسف
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لا أخاف ولا أضيع.. ولا أفارق
ويش اقول غير إني آسف ويش اقول
انا خانتني العواصف والفصول
آه.. ياتعب المسافر
في أراضي الجرح و في بحر المحاجر
ما لهذا الحزن آخر.. او لهذا الجرح آخر
يا شمسي الأخيرة.. في اللحظة الأخيرة
أنا.. لي كلمة أخيرة
إغفري لي إبتسامي.. قبل جرحي
حاولي تنسي كلامي.. قبل صمتي
ولو زعلتي.. يا أعز الناس إنتي




المرايا


كلنا عشاق لكن..
إنتي لا ما انتي معايا..
لما تجمعنا الأماكن
تاخذك مني المرايا ..
انتي مشغوله بروحك
ما ملك عقلك وروحك
لا أنا.. ولا سوايا
اعطي ظهرك للمرايا.. وشوفي غيرك
اظهري من ليل كحلك ومن أساورك وحريرك
افتحي الشباك مره.. شوفي الناس والشوارع
وش كثر هالغربه مره.. للي وسط الزحمه ضايع
انتي مشغوله بروحك.. ما ملك عقلك وروحك
لا أنا.. ولا سوايا
كلنا عشاق لكن
كل واحد له حكايه..
كلنا عشاق لكن
كلنا نحبك.. نحبك
وأنتي جرحك في ساكن.. وأنا جرحي برا قلبك
أمشي لو نصف المسافة.. وقفي بينك وبيني
أكسري كل المرايا.. أنتي أجمل وسط عيني
يا للي مشغولة بروحك من خذا قلبك وروحك
هو أنا.. ولا سوايا
كلنا عشاق لكن
كل واحد له حكاية





السراب


قال السراب وقلت ظامي لسـرابه
قال الهلاك وقلت لعيون الاحباب

يا لايمي في حب متـرف شـبابه
الموت حق ولاتبـرق بالاسباب

كانه ذبحني صـاحبي من عـذابه
ما ابي لدمي يا هل اللـوم طلاب

الـجادل اللي فيه زيـن ومهابه
يفز له قلبٍ .. وتخضع له أرقاب

في حجر عينة لي غديـر وسحابه
وفي وسط قلبي له تناهيت وعتاب

إن قلت أحبه يكفي القلب مـا به
وان قلت أنا مابيه ..باصير كذاب





لا تقول


لا تقول ودعتني داري
بالحيل مالي عليك عتاب
مريت في موعدك ساري
وقفت لين النجم ما غاب
الليل تحت الشجر عاري
والفجر غطي السما بثياب
والريح في كفوفها الذاري
تدفن ارسوم الوعد بتراب
مريت ماللوله طاري
ووقفت ما للندم اسباب
مدري تعودت مشواري
أو خان بي قلبي الكذاب





ليل البعاد


ما أطولك ليل..
ليل البعاد.. والإنتظار..
ما اطولك ليل..
سارق من عيون النهار..
ناسي زمانك..
زمانك.. يا شجوني..
عارف مكانك..
مكانك.. في عيوني..
يا ليل.. يا ليل..
يا ليل أنا ربعي هناك..
وداري ورا الدمعه.. وراك..
الله على شمس الأصيل..
من ضيها مثل الذهب..
الله على سمرا تقول..
الى متى الفرقا.. تطول..
في صوتها.. شوق وعتب..
ما أطولك ليل.. ما اطولك..
طال .. طال بي وجد..
قلبي يا هواي..
يا دفا نجد..
في عيون الصبايا..
ليتني نسمه.. على عالي عسير..
أو على جده.. على الشط الحرير..
ليتني نفحة أريج.. عطرت ريح الشمال..
يا ليتني موجة خليج .. ترتمي فوق الرمال..
ما أطولك ليل.. ما اطولك..


مدري
مدري ويش اقول
انت حبيب ولّا عذول
صبري تقابله بجفا
تهجر وانا كلي وفا
و مدري
ويش اقول مدري
حيرتني
وقلت الليالي تغيرت
غيرتني
وما غيّر بطبعك زمان
ولا بدّل القسوة بحنان
صبري تقابله بجفا
تهجر وانا كلي وفا
و مدري
ويش اقول مدري
وقفت والدنيا تمر
تاخذ من ايامي عمر
مليت
من همسك
متى؟!
ياليت
ياشمس الشتا
تشرق على عمري
دفا
وصبري تجازيه وفا
ومدري
ويش اقول مدري




على الميهاف
على اخر تراب الأرض
أحس أن المسافة شبر
واحلام الليالي صبر
و كل الأرض .. ما تحمل تعب مشوار
أحس إني .. رغم صغري .. ثواني عمر في صدري
ندم .. ندم ندم .. ندم جبّار .. على اخر تراب الأرض
تصورتك عذاب الناس .. دموع الناس .. وحقد الناس
في عيونك .. تخوني النّاس وتخونك
ولا ادري ليه تصورتك .. ولا ادري ليه تصورتك ..
زحام .. زحام .. في شامة ليلي
على خد السما الزرقا .. احد نازل واحد يرقى
واحد مثلك في وسط الناس
يداري عن عيوني الناس
الم .. الم .. الم جبار
ياليت لا كانت لي عيونك ارض
ولا عمري .. ولا عمري وقفت في يوم
على اخر تراب الأرض
ومن مثلك .. يخاف من البلل والطين
يحس إن الثرى قاسي
يحس ان المطر سكين
يقول إن اللذي يضحك
يقول إن اللذي يشكي
يقول إن اللذي يبكي لأحد مسكين
تصورتك ولا ادري ليه .. ولا ضنك بعد تدرين
يا انتي .. يا انتي .. يااا انتي
أحس أن المسافة شبر
واحلام الليالي صبر
و كل الأرض .. ما تحمل تعب مشوار
أحس إني .. رغم صغري .. ثواني عمر في صدري
ندم .. ندم ندم .. ندم جبّار .. على اخر تراب الأرض



سافروا ولا ودعوا

سافرو ولا ودعو سسيبوني وراحو ... سيبوني للنوى انكوى بجراحو
سافرو اااااه يازمن طولو في الغيبه ... بسماتي صارت شجن خطواتي تغريبه
عذبو قلبي انا عذبو قلبي انا ...في الهوى مارتاحو سافرو ولا ودعو
غيبي يانجمة سهر عن سواد عيوني ... وغيبي لو غاب القمر صحباتي نسيوني
وليلي من بعد الهنا وليلي من بعد الهنا ...ضيعو افراحو وسافرو ولا ودعو


انا احبك

انا احبك مابها زيف وخداع
رغم الذي نخفيه واللي نخافه
أودعك ليت الألم لحظة اوداع
إلى مضت ننسى الألم والحسافه

وأفارقك لوالسفر يم وشراع
وبعد الفراق اللي نوده نعافه
اي واللذي خلالي عيونك وساع
بدونك تصير الارض ضيق وكسافه

وافارقك كان السفر يم وشراع
عقب الفراق اللي نحبه نعافه
اي واللذي خلالي عيونك وساع
بدونك تصير الارض ضيق وكسافه

من الجفا والصد يكفيني اذراع
لا جف نهر الحب ماتت اضفافه
املي يدك رمل وترى هذي القاع
ومدي النظر تدرين وش هي المسافه



كلهم راحوا

كلهم راحوا ... ليه انتظرتي
كلهم غابوا ... وانتي ظهرتي
يااجمل من الفجر اللي لاح
لا مـــا بـقــا كثـــر اللي راح
تاخر الوقت ... حبيبتي روحي
مادام به وقت ... حبيبتي روحي
كلهم راحوا
الليله برد ... وفي الطريق جبال
ارسي عيوني فوق كتفك شال
واسري امان الليل ... يااخر امل قنديل
يضوي عتم روحي
تاخر الوقت ... حبيبتي روحي
مادام به وقت ... حبيبتي روحي
كلهم راحوا
ماهو بيدي هذا الضياع
تعبت انا لا ادلهم
راحوا بلا كلمة وداع
راحوا نسوني كلهم
ارجوك لاتترددي ... كانك تحبيني ابعدي
روحي قبل لا اقول ... لا تفارقيني
تاخر الوقت حبيبتي روحي ... مادام به وقت حبيبتي روحي
كلهم راحـــــــوا



مـا أبـيـه

عذبيه.. إسعديه.. داوي قلبي وجرحيه
واللي ما مثله ابد.. ما حبك احد
لو رضي قلبي بغيرك.. ما أبيه..
ما أبيه

تملكيني لوب غيتي
وتملكيني لو رفضتي
وتسحريني لو حكيتي
وتسحريني لو سكتي
أنا نجمه في مدار
ضي عيني من نهارك
انتي قلبي واللي فيه
لو رضي قلبي بغيرك ما أبيه..
ما أبيه

انتي اغلى من هجرني
وانتي اجمل ما يغيب
والله لو بعدك قهرني
ما أبي غيرك حبيب
سافري والقلي دارك
راضي بثلجك ونارك
حبي قلبي واكرهيه
لو رضي قلبي بغيرك.. ما أبيه
أنا أحبك لا تخافي
الا قلبك لو هواني
هذا ضعفي واعترافي
بس ما ارضى هواني
ابعدي هذا قرارك

ماني سجنك أو حصارك
روحي سوِّى اللي تبيه
لو رضي قلبي بغيرك.. ما أبيه
واللي ما مثله أبد مثلي ماحبك احد

قصائد البدر التي تغنى بها كنآري الخليج الفنان (( عبد المجيد عبد الله ))






آه يا الرياض


آآآه يا الرياض
هذي عروس الشمس توها .. تعدت للمغيب ..
من خلفها ثوب الشعاع
كلمه على رمل الثرى .. هام النخيل
طفلين كنا .. نركض على تراب الاصيل
وناقف على جال الشعيب
وآآآآه... آآآه ياالرياض
يا شذى ورد الفياض
الغرس .. واعذوق الرطب
السيف .. وعقال القصب
هذي الرياض .. حبيبتي
في جيدها الوادي زهى
وطويق يا سوار الذهب
ومرت سنين ومعها سنين
مرت وكنا صغيرين
نجمع سواليف وحطب
ونرمي حصى اسرارنا وسط القليب
وآآآه ياالرياض
يا وردة الطل .. ويا سدرة الظل
ورياضنا .. يا اغلى المدن
والله تغيرتي .. لأجمل تغيرتي
وصرتي البهى .. وصرتي الحسن
ارضك عمار .. وليلك نهار
يا أحلى الديار .. انتِ
ومرت سنين .. ومعها سنين
مرت وكنا صغيرين نجمع سواليف وحطب
ونرمي حصى اسرارنا .. وسط القليب
وهذي عروس الشمس توها تعدت للمغيب






طفلة وطفل


غديت انا.. وانتي.. طفلة وطفل ..
تبكين فــ وداعي .. وانا كني مفارق أهل ..
وبيت صغير.. ودرب كهل ..
ياللي على خدك كحل.. لوتمسحيه ..
وتتبسمي.. مال البكا داعي ..
ياللي سنا عيونك أمل.. لا تقتليه وتتألمي ..
مال البكا داعي ..
يا اول مواعيدي.. وياخر مواعيدي ..
انتي فرح عمري.. وجرحي وتسهيدي ..
افارقك ليله.. يا طولها ليله ..
واجيك انا باكر.. وقلبي على إيدي ..
ومادري سبب خوفك.. وانتي العمر شوفك ..
ياللي على خدك كحل.. لوتمسحيه ..
وتتبسمي.. مال البكا داعي ..
ياللي سنا عيونك أمل .. لا تقتليه ..
تتألمي.. مال البكا داعي ..
وغديت انا.. وانتي .. طفلة وطفل ..
تبكين فــ وداعي ..






ما قلتي لي


ما قلتي لي انك تحب.. قلبك وعينك تحب
اخترتني بين الجميع .. واهديتني البسمة ربيع
لا ما دريت .. انك تحب ..
عذبتني بلا سبب .. وما قلت لي ..
البارحة ..
غمضت أنا عيوني .. على وجهك سريت
حبست في عروقي .. دفا صوتك .. سريت
درت الشوارع كلها ..
فــ دنيا أبد .. ما ادلها ..
خليتني أسهر واضيع ..
اخترتني بين الجميع .. وأسقيتني البسمة ربيع
لا ما دريت إنك تحب ..
ضيعتني بلا سبب .. وما قلتي لي
ذنبي أنا.. وانتي ..السماح ..
ادري الجراح ذنبي ..
ياللي الهوى .. عنده مزاح ..
وصار الثمن قلبي ..
سألت يا صاحب ..
سألت عن .. وجه المسا الشاحب
سألت عن .. قمر الحنين.. وشمس الغضب
فــقلبك.. وعينك تحب ..






ناقش الحنا


ناقش الحنا على الكف الحزين ..
ناثرٍ شعره على شمس الجبين
والعيون السود ذبح العاشقين
انا دخيل الله وانا الجريح والله
لا تناظرني بجفا لا لا
يا حسين الوصف وش ذنب القلوب ..
ما تعرف العطف يالقاسي اللعوب
علّ ماجا منك تكفير الذنوب
انا دخيل الله وانا الجريح والله
لا تناظرني بجفا لا لا
زاهيٍ بالورد خدك يا فتون
والعطر دمي من رماح العيون
احترق قلبي مثل عود الدخون
انا دخيل الله وانا الجريح والله
لا تناظرني بجفا لا لا






تخير


أنا ما أشير بالفرقا .. ولا أحدك على المقعاد
تخير في طريق الوصل .. والا درب هجراني

حرام الوصل ما يجمع قلوب عن هواها بعاد
وبعض البعد لو عذب يجمع بين خلاني

تحسب ان الهوى ضحكة دقايق عشتها في ميعاد
إلى ما رحت تنساها .. وتنسى الوعد وتنساني

ألا يا صاحبي .. الرفقة ترى ما هى ثياب جداد
تبدلها متى مليت .. وتلبس غيرها ثاني

إلى ضاع الوفا .. مابه هوى بارجيه أنا .. وداد
ترى ذا الفرق .. بين أقرب قريب .. وبين عدواني

تحاكيني بطرف لسان وهرجي من صميم فواد
وتاقف من بعيد .. ويم درب الموت تنخاني






العطش


آه ..يا العطش
جفت اشفاهي
وصوتي الواهي ارتعش
لو حبيبي ما .. ما سقاني الما
لو شربت أظما لحبيبي .. وللعطش
يا سموم القيظ ..جفت عروقي
تحتي الرمضا..واللهب فوقي
والعطش شوقي .. وشوقي للعطش
اسقني عيونكحبيبي .. أو أموت
ما ابي رمشك نعش
يا وسامي الحب ..امطري في القلب
الزهر والعشب ..قلبي يا مطر
الظما .. والجوع .. بعدك .. والدهر
لو حبيبي ما .. ما سقاني الما
لو شربت أظما لحبيبي .. وللعطش






موت و ميلاد


في عيني تغيب الشمس وتشرق في عيني
في ناظري للشمس موت وميلاد

لليل في دمعي سنا نجمتين
وللصبح في جفني شفق هم وسهاد

كن السهر درب عليه اب تجين
ولا ودي أقطع درب لاماك برقاد

ياللي جميع الناس بينك وبيني
وكل لحظة أنا نتظر منك ميعاد

عذري لياسي منك إنك تبيني
خنت الرجا وان صنت لي عهد وداد

ولمصافحك ربي خلق لي يميني
أمدها لك وصل وأمدها بعاد

البسمتك ترخص غوالي سنيني
جرحي يهون وجايرالشوق يزداد

أنسى عذاب العمر و ما أنسى حنيني
تبلى ليالي العمر وجروحك جداد






تفداك روحي


تفداك روحي .. يا مفارق حبايبك
وفداك عمري .. راحتي وابتهاجي

كان الجروح اللي بقلبي سبايبك
أنت الذي بارجى حنانك وأناجي

طيفك إلى مازارني كيف أعاتبك
يا ساكنٍ وسط الحشا .. ومتلاجي

إنت العذاب .. وكيف أنا بك .. أعذبك
يامن جرحت القلب .. جرحك علاجي

الله حسيبك قمت أنا أحمل مصايبك
وأنا الغريق وحـــاملٍ هم نـــــاجي

وداعة الله .. والسّلامة تصاحبك
حلــفــت مااعقد في وداعك حجاجي






تخيل


تخيل...
تاقف على اطراف الهدب .. وماشافتك عيني
صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...
تخيل ...
من وين ... ومنين ومتى ...
بالله ذكرني ...
بالله ذكرني ... متى
جيتك انا في ليلة شتا ..
تهزني ريح الشمال ...
محتاج انا لبسمه وشال ...
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...
تخيل ...
اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب على ..
جيتك انا ف ليلة ألم .. قلبي على كفي ...
همست لي روح ياغريب الشوق مايكفي ...
سلم ابارد السلام ...
وهذا ترى كل الكلام ...
اللي بقى بينك وبيني ...
تخيل ...






لا تعلمني


ليه أحس إني وأنا اشوفك حزين
وقلبي الليله بهمي ممتلي

كانها الفرقى طلبتك حاجتين
لا تعلمني ولا تكذب علي

خلني ما بين شكي واليقين
السكوت رضاي عنك وزعلي

باكر اللي خافي لازم يبين
والوعد بلقى مكانك به خلي

وانتظر لي ليلة او ليلتين
لين ما يقفي السحاب وينجلي

ولا طويت الياس بذرف دمعتين
للهوى الغالي وبا وادع هلي

صاحبي بموت من كثر الحنين
خلني بختار لحظة مقتلي






ما اقول


ما اقول ..
ما أقول أنا لبيه وما أقول سمى
ياعيونه اللي ما صفت لي وتكدرت

يا صاحبي بكفيك مدحي وذمي
كان الجفا تقصير يا زين قصرت

يا من نثر برماح الأهداب دمي
لو للجروح ضماد وصل تصبرت

لا شك ما انته يا دعج العين يمي
لا والذي اطغاك زين وتكبرت

ظامي هوى وشربت من فيض همي
ويوم ارتوت روحي من الدمع صدرت






يا حمام


يا حمام ناح هيج شجوني ..
في هزيع الليل سهرت عيوني
ناحت الورقا في ليل ذكرت قلبي الرحيل
آه يا ويل المفارق ضاع في ليل المفارق ..
والذي صبره قليل لا يفارق ..
أول الغربه شجون باقي الغربه ظنون
آه يا قمر الغريب ساعة الظلما تغيب ..
والذي دمعه قريب لا يفارق ..
ليل يا ليل الدموع يا ترى كيف الرجوع ..
آه يا ظلم المسافر لو عن الغربه نسافر
والذي قلوبه شموع لا يسافر






صداقة


علمتني أعقد صداقة بالنظر
مع ساعتي قبل اللقا ...
وكيف الثواني ما تمر ..
والشمس ما تنوي المغيب ..
علمتني إن الحبيب دايم حبيب
مهما هجر ..
سيل الظلام ..
يملى الشوارع ليل ..
ولا جيت أنام ..
أرخي الستاير عن شعاع ..
عن صوت وأقفل بابنا ..
يدخل قمر أحبابنا مدري أنا من وين
ساكن قمر أحبابنا بين الهدب والعين ..
أرجع أناظر ساعتي واللي مضالي من السهر ..
علمتني إن الحبيب دايم حبيب ..
مهما هجر ..
ياللي عيوني مرايتك ..
وفي كتاب دمعي حكايتك..
ما اظن تنساني أنا ..
وجهي تركته في ساعتك
لا تخون وداعتك
تذكرني في ليل وف سهر وفي حلم
تذكرني في بيت من شعر أو اسم ..
علمتني إن الحبيب دايم حبيب ..
مهما هجر ..






الليالي قصار


اعلق الدنيا .. على مسمار
مدقوق فيه اجدار ..
وتسكن في ساسه ريح ..
من له سنين يطيح ..
ولجل الليالي اقصار ..
ممداه ..
اعلق اعيوني على نجمه ..
محبوسةٍ في غرفةٍ ظلما ..
ومقفول عنها باب ..
ولها حارسٍ كذاب ..
دايم يشيل كتاب ...
ويقراه وهو أعمى
اعلق احلامي على نصل
سهمٍ يشد افنبل ..
وترمى به الدنيا وبعد .. يخطي ..
أموت .. انا مبطي ..
لكن .. أحدٍ يبي ياخذ ..
مني .. وابي أعطي ..
اعلق افسمعي .. رعدغيمه ..
واشرب .. ذِِكِر ديمه ..
طاحت في بطن اليم ..
اغمض اعيوني عليّ ..
واحلم ..
بعرقي .. يعاف الدم .. شيمه ..
بروحٍ علي تندم ..






من زعلك


من زعلك في عيونك السود نظره
لا شفتها حسيت بالحزن والياس

من زعلك طاحت من الليل قمره
خلت طريقي من المواعيد والناس

لو هو انا بالله شوفيني مره
وأنا أعتذر للتبر للدر للماس

أبعتذر لنجومها في المجره
وللما القراح اللي شربته من الكاس

حبيبتي أرجوك في القلب حسره
كافي زعل اشغلتي الفكر هوجاس

والله لو تدرين ها الحب جمرة
بين الضلوع تشب من حر الأنفاس

غديت طفل ضايع فيه عبره
محد سأل وشفيه ماقال لا باس

وهذا الغرام الله يكفيني شره
بعيش أحساسه وباموت أحساس






راعي الهوى مسكين


شعر موج .. وقمر خد ..
دفا روح .. وطغى قد ..
وراعي الهوى مسكين ..
زهى الكحل .. في الحاجر الفتان
وسرى الليل .. تو الفجر ما بان
وراعي الهوى مسكين
كما الشمس .. يجهر سنا نوره
ما اقدر أناظر .. والعين مكسوره
وراعي الهوى مسكين ..
ثغر ورد .. ورده شكت ورده
من دونها الشوق .. والرمح والقرده
وراعي الهوى مسكين ..






إنتظروني يا ساكنين عيوني


انتظروني يا ساكنين عيوني
للوفا.. للأمل واذكروني يوم لا نساني النوم
تبكي الأوراق.. ولهانه الصّور
ذكّر المشتاق.. بالقمره قمر
ما صبرت فراق.. وما أتعب سفر
زادت الأشواق.. بالله لا تنسوني
يا ساكنين عيوني..
يا داري.. جمر ناري وهلي
مشواري.. لو يطول لا تزعلي
جيتك من الأرض البعيدة
في قلبي شجن وفي قلبي قصيدة
طاير.. على جناح الرّجا
يفداك.. من سافر وجا

قصائد البدر التي غناها الدكتور (( عبد الرب ادريس ))






لا


لا.. لا..
هالكلمة المرة..
لا.. لا..
إسمعها مره..
جرب هالقلب القاسي..
حبك عذب إحساسي..
وتسأل باشوفك بكره..
لا ما هو هالمره..
ارجع.. واترك لي ليلي..
تجرح قلبي.. وتشكي لي..
نادم هذا منديلي.. وابكي.. بالمره
وتسأل باشوفك بكره..
لا.. ما هو هالمره..
كيف بدا القمر الباكي..
عمري.. وردي واشواكي..
حبك.. أرضي وافلاكي..
وليتك تفهمني مره..





انا إنت.. يا إنت أنا..


انا إنت.. يا إنت أنا..
لو سألوا حبيبي.. عن إسمي حبيبي..
قل هذا أنا..
تشبهني عيونك.. سميني المدى..
غطيني برموشك.. عن عين العدا..
ظفرني جدايل.. واكتبني رسايل..
وانسى من أنا..
واعدني المدينه.. أوقات الغروب..
امواجي سفينه.. ورمالي دروب..
بأمشي لين أشوفك.. لين أقرا بكفوفك..
إسمي.. ومين أنا..







ليله


ليله لو باقي ليله..
في عمري ابيه الليله..
واسهر في ليل عيونك
وهي ليله عمر..
يالله.. يالله..
وش كثر انتي جميله
يالله.. يالله..
وش كثر انا احبك
احلم.. احلم بك دايم
جنبي وانا صاحي ونايم..
ياللي ايامي بدونك
ما هي من العمر..
صوتك.. همسك
بيتي.. وسفري
قمرك.. شمسك
ليلي.. وفجري
وانتي يا عيوني انتي
قلبي.. انا وين ماكنتي
ياللي.. سواد عيونك
افديه العمر..







ما لهم صوت


ما لهم صوت.. غربوا والزمان سكوت.. ليتهم ما قربوا
وهقوني بالوصل.. علقوني بالأمل
هذا شيء لا يحتمل..
التجافي موت..
الهوى تيه.. غرني ضعت في واديه.. وانت طيفك مرني
مرني ليل وفجر.. مرني باحلى العمر
آه من يقوى الصبر..
التجافي موت..
طول صدود.. صاحبك يالعيون السود.. ما سمع من صاح بك
صاح من هم وغضب.. ها الجفا ماله سبب..
وانت من خان وكذب..
ليه احبك موت..







يا صاحب


آه يا صحب.. راحوا الأصحاب
والزمن غالب.. والأمل كذاب
والوفا.. آه يالوفا.. خانوا الأحباب..
ما بقى صاحب يا صاحب.. يستحق اعتاب..
تضحك دموعي.. للزمن والناس..
وغدت ضلوعي.. في الرجا والياس
وانت لو تدري شـ اللي في صدري..
قلت لي.. لا باس..
ما بقى صاحب يا صاحب.. يستحق اعتاب..
ضاعت أيامي.. أرجي اللي غاب
شابت أحلامي.. والزمن ما شاب
وش بقى قلي.. غير أنا وظلي
في أرضنا أغراب..
ما بقى صاحب يا صاحب.. يستحق اعتاب..

.






قصيدة البدر الوحيدة والحزينة التي تغنى بها السندباد الفنان (( راشد الماجد ))






لا تلوح للمسافر.. المسافر راح


لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح...

.






قصائد البدر التي تغنى بها الفنان المتألق (( علي عبد الكريم ))







أجمل زمان


ما سألته .. إسمه .. عنوانه .. مكانه ..
ومرني .. أجمل زمانه ..

مر في قلبي وراح .. خطوته مست جراح ..
وآآآه آآآه .. مديت النظر .. وآآآه .. جرحني النظر ..
وما سألته وماسألني .. كيف .. ضيعته الخجل

يا إنت .. خبرني من إنت ..
جرحتني وين الدوا .. وين إنت ..
انا مين انادي .. وليه أنادي ..
من أي وادي العطر ..
من أي شمس النور ..
ولا الشجن من أي شارع ..
وآآآه آآآه .. مديت النظر .. وآآآه .. جرحني النظر ..
وما سألته وماسألني .. كيف .. ضيعته الخجل

وما سألته كيف .. ضيعته خجل ..
ما سألته ما مداني .. كلها كانت ثواني ..
حرف من خوفي قتلته ..
وحرف عانقني وعصاني ..
بس وقفت فـ مكاني ..
آآآه وقفت فـ مكاني .. فـ مكاني
وآآآه آآآه .. مديت النظر .. وآآآه .. جرحني النظر ..
وما سألته وماسألني .. كيف .. ضيعته الخجل







قالوا حروفي


قالوا حروفي عمي وعيونك بروق
ما في قصيدي جنح ليل وبارق

قلت الذي له داخل ضلوعي حروق
أقرب من اللي في سما الناس شارق

غيري يشوفك وأجود الشعر مطروق
وأنا أحسك وأصدق الحب فارق

ياللي عيونك دم وعيونك عروق
ولهاث قلب في نواعسك غارق

أقول أحبك يخرج البحر صندوق
تبرالغزاة وكنز سود البيارق

وأقول أحبك صدرالايام مشقوق
عن وجه غرناطه وعن مهر طارق

وأقول أحبك والله إني من الشوق
ألقا طيوفك في جميع المفارق

كتبت لك قلب من القلب مسروق
ولا طاب لي وصف من الوصف سارق







موعد الأحباب


سقى الله موعدك يا زين..
سقى الله موعد الاحباب

سحابٍ ما همى من عين..
ولا جادت به الاحزان

سحابٍ ماطرٍ هتان..
سقى الله في العمر ليله..

ظهر في صفوها بدرين..
قمرها.. ووجهك الفتان

الا ليت الفجر.. ما بان..
ترى فرقى الأحبه شين

سهرنا والهوى واحد..
وصرنا والفراق إثنين

حبيبي قلبي اللي كان..
وفينا والزمن خوان

صبرنا والسؤال سنين..
سقا الله روض خلاني..

رحلت وما رحلتوا بعين
ولا روحٍ.. ولا وجدان..

نسيتوا بداركم إنسان..
نسيتوا وما نساني البين







العشرة الحلوة


العشره الحلوه.. على الراس والعين ..
أحلى الليالي.. اللي مضت.. لكن مضت..

ويش رايك في هالحين..
دايم.. تذكرني.. اللي فات..

كن الحياة ماضي بعيد..
باكر تراه.. يومٍ جديد..

أحلى الليالي.. اللي مضت.. لكن مضت..

ويش رايك في هالحين ..
بالله.. لا تخلي الوفا.. يصبح صبر..

لا تختصر.. كل العمر..
وتعيش امل.. عطني عمر..

أحلى الليالي.. اللي مضت.. لكن مضت..
ويش رايك في هالحين..

.




قصائد البدر التي قام بغنائها.. الصوت الجريح

(( عبد الكريم عبد القادر ))



ظماي انت


ظماي انت.. ومن يعشق ضماه غيري
جروحي انت.. ومن يكره دواه
اسقني لو ما ارتويت.. داوني لو ما شكيت
ماهقيت اني اعطش.. في حياتي لغيرك انت
ما دريت ان ما به أغلى منك ..الا انت
ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك..!
ياللي يسبقني زماني.. من عطش.. ليلي ونهاري
عطني موعد.. وانسى موعد
بس لا... تهجر وتبعد
يا ظما قلبي لقلبي.. وغربة اعيوني عن عيوني
وينك انت
يا ترى الليله في صدري
لا ..
في جفني
لا ..
في الشعور اللي خطفني
اه ... لو تدري بشوقي
آه ... .يا ظما الدنيا بعروقي







أوراق الزمن


ادفن يدي.. تحت الثرى..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..

جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..







آه يا الجراح


لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
فصل الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ..







الــولـــه


يطري عليه الوله .. وأطري على باله
يا مرحبا لاضوى خلي على بابي
هجيت حدب الضلوع ونوخ جماله
لاجله بكت دمعتي ولأجله ضحك نابي
وكل ما ضحك لي لمحت النور في آماله
والى تجهم سترت السقم بثيابي
وكل ما شكى من عنى همه وغرباله
أقول لعل به جرحٍ من أسبابي
طال الحكي ما لقيت الوصل بوصاله
لاني حبيبه ولا هو أقرب اصحابي
ناديت طاري المحبه مالنا وماله
بالحيل أنا وانت ربع وكننا أغرابي
يا زين كانك حزين .. فحالتي حاله
بكفيك همك وأنا بصبر على مابي
لو الشجر له نصيب فـ بارد ظلاله
ما حرق القيض جفني وأنت فـ أهدابي







جرحي بخير


ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..







قبلة مسجدي


باتيمم .. برملك للصلاة
ثم باخط قبلة مسجدي
والمس بجبهتي طهر الفلاة
وأحمد الله .. ربي سيدي
ثم بطوي على ذراعي العباة
وين ما اروح أمري في يدي
من رمال الخليج الى السراة
دار عزٍٍ ومجدٍ سرمدي
ديرتي ما ترك جدي وصاة
كل ورثي سلاحي ومجندي
ليه تطري على بالي احزاة
قالها فوق مهرٍ عسجدي
اطلب الموت تكتب لك حياة
واحفظ الدار دارك يابعدي
ديرتي حالفٍ ما ارخص حصاة
من ترابك ولا غصنٍ ندي
آه انا العشق وترابي الحياة
آه أنا الارض والارض جسدي
بدو حنا على ارضك حفاة
وما خضعنا فـ يومٍ للمعتدي
وبدو حنا صنعنا المعجزات
نزرع سهيل وعمرنا الجدي
وبدو دايم بنحيا للمات
نعشق الطيب ونعاف الردي

.





قصائد البدر التي غناها الفنان (( خالد عبد الرحمن ))







ليل التجافي


آه.. من ليل التجافي.. ماطول
ليلة العاشق.. ثوانيها ليال

من يقول الشمس باكر مقبله
كل شمسٍ ما لها.. وجهك ظلال

بسالك باللي خذى منك الوله
وحطه اف صدري.. واعطاك الجمال

حاكني.. لجل الليالي.. الآوله
آه انا بموت من ذل.. السؤال

هو صحيح انك حبيبي اللي دله
واستوى.. عندك فراقي.. والوصال

كل جرحٍ غير.. جرحك بقبله
وكل ظلم ٍ..غير ظلمك لي.. عدال







على النوى



على النوى علمي بهم هجعة الليل
نجل العيون من البكا كحلها سال

واليوم غير الياس قل المراسيل
يا من يطمني عسى ليلهم طال

الله على اللي ما صفط لي غرابيل
لاشك شرع الحب هم وغربال

قفى ولي في حجر عينه تعاليل
تقول يا ذا البعد نجزيك بوصال

وتعلقت روحي الليالي المقابيل
و يا عنك ما يامن من الوقت رجال

لا ما علي لو دمع عيني هماليل
الموت دمع القلب لا صار همال







عقد وسوار



لا شاري عقد ولا مهدي سوار
لا تلحقي نفسك هموم وحسايف

تريثيي يا قرة العين مقدار
ما تشرب عروق القصيد الوصايف

لا من قدحت الشعر وشبيت لك نار
نار على روس الهضاب النوايف

يطرب لها الساري ويسري بها الطار
وتزهر بها عقب المحول الشفايف

باهديك أنا عمر ولاكل الأعمار
يفنى القلم قبله وتفنى الصحايف

قصيدة تولد ورى باب وجدار
سر الضلوع المرهفات النحايف

وإلى أصبحت طارت على متن الأسفار
وغنت بها قبل النفود الصحايف

غيبي وشيبي وإتركي كل ما صار
يبقى جمالك في قصيدي طرايف

وخلي الكواكب من سنا نورك تغار
ولا تلحقي نفسك هموم وحسايف

.





قصائد البدر التي تغنى بها الفنان (( خالد الشيخ ))






عاشق هالزمان



لا انت حارس للنجوم.. ولا انت غارس للقمر
وما انت حابس للسموم.. ولا انت حاسس بالمطر
شايلٍٍ هم التراب.. وشايلٍ هم السما
وانت يغويك السراب.. وانت يقتلك الظما
تحمل هموم وهموم
وانت فـي الآخر بشر

***

لا انت فارس هالرمال.. ولا نوارس هالبحر
أعظم حروبك خيال.. واقصر دروبك سفر
شايلٍ هم الصديق.. وشايلٍ هم العدا
ليه تمشي والطريق.. كل ما خلص.. بدا
وليت به شيٍ يدوم
وانت فـي الآخر بشر

***

لا انت عاشق هالزمان.. ولا مشانق هالزهر
انت تحتاج الأمان.. لو تعانق لك حجر
شايلٍ هم الغياب.. وشايلٍ هم اللقا
كافي ضيعت الشباب.. لا يضيع اللي بقى
ما لأوهامك لزوم
وانت في الآخر بشر






اترامى



هذي عاداتي
في كل العمر مره.. اترامى..
وصدقيني في حياتي..
ما هقيت اني عقاب.. ولا يمامه..
انما لعيونك إنتي..
طرت لاجمل إبتسامة
لين قلتي وين جناحانك..؟
وين جنحاني.. ؟! وطحت..
طحت من أعلى غمامه..
أنا ما ادري مريت بين أصابعك رمل..
او على خصلات شعرك.. ماء..
كانت غبارٍ وظلما
وكنت أطيح..
وهذا آخر ما اتذكر..
وين ظنك با تجرح.. واتكسر
فـ أي رمل.. أي صخر.. او عدامه..
ما هقيت أني عقاب ولا يمامه
انما لعيونك إنتي..
طرت لاجمل إبتسامه
وما ابي غير السلامه
من الجروح.. ومن التداوي
كيف أمس الأرض.. واطيح متساوي
انا صدقت الصغار.. يوم قالوا:
من يحب القمرا يرحل.. لآخر أرض
وينتظر تالي نهار..
ولا ظهر منها شبر..
عانق القمرا.. طمر..
كيف ضاعت كل أحلامي هقاوي..
يوم قلتي: وين جنحانك..
وين جنحاني.. ؟! وطحت..
طحت من أعلى غمامه






قصة حب



فـ كل قصة حب أحلام ومدينة..
ليل ونخيل وهبوب..

لكل قصة حب لو كانت حزينه..
أجمل ألوان الغروب..

ناظري ضيّ الحوانيت القديمه..
ونقش أبواب البيوت..

كلها شعر ومواعيدٍ قديمه..
وصوت قلبـي اللي يموت.. وما يموت..

لكل قصة حب.. عذال وحسود..
ليه تخدعنا الأماني.. والليالي السود.. سود

إشعلي جمر العناد.. قربـي معاد أشوفك..
لا يفرقنا السواد ..

.



قصيدة البدر التي تغنى بها الفنان ((احمد الجميري))


حابس النور



يا حابس النور في كفوفك

سلم عسى ينجلي همك

أنض الزعل خلنا نشوفك

مد العتب نسبح في يمك

صحيح ما ننطح حتوفك

لاشك نوقف نزف دمك

الناس ما همها ظروفك

كود الذي يحزن لغمك

وان شلت حملك على كتوفك

بتموت ما حد ترى يمك

.





قصيدة البدر التي تغنى بها الفنان ((عبد الله رويشد))







لو تغيبي


لو تغيبي ولو رحل وجهك حبيبي

في غيابي عنك أشوفك وفي عذابي منك أشوفك

صدقيني ما نقص هالليل بعدك إلا قمرا

وما فقدت من النهار إلا شعاع الشمس بكرا

واجمل الناس حبيبي ..

لو تغيبي لو رحل وجهك حبيبي

تصغر الدنيا وتضيق

كل مافي الدنيا أعرفه إلا بيتي والطريق

أنا أحبك ذا نصيبي إبعدي عني وغيبي

صدقيني مانقص هالليل بعدك إلا قمرا

وما فقدت من النهار إلا شعاع الشمس بكرا

لك ليالي ما سألتي ولي ليالي ما سألت

ولو دريت إنك زعلتي كان أفرح ما زعلت

بس داري ما في قلبك إلا قلبك

واختياري إني أحبك والا أحبك

ومن عذاب الحب يكفي لو تجرح قلب واحد

وإنتي يا حبي وضعفي لا يهمك كله واحد

لجل تتغير فصول ويبكي الغيم في عيوني

وتزهر جبال وسهول اضحكي بيا وبدوني

وصدقيني ما نقص هالليل بعدك إلا قمرا

وما فقدت من النهار إلا شعاع الشمس بكرا

.


قصيدة البدر التي تغنى بها الفنان ((محمد عمر))


لين العود

لين العود قلبك ما يلين..

قاسيما درى عن لين قدك

ما درى عن عذاب العاشقين

يا قمر والقمر غصب يبين..

انجز الوعد لو ما هوب ودك

كان ما هوب لي للساهرين

لا تخاف السما بينك وبين..

عاشق ساري في نور خدك

لا غدى لليل مجروح وحزين

ظالمي في الهوى الله يعين

ما ظلمني لطيف الروح صدك

ظالمي في الهوى شوق وحنين

لين العود لابد السنين

تبعدك يوم عني أو تردك

لنت يا صاحبي أو ما تلين

.




قصيدة البدر التي تغنى بها الفنان ((عبد العزيز المنصور ))







نامت الشمس


نامت الشمس.. واستيقظ عناي
حال دون الكرى طيفٍ ضوى

ساعة أقبل نطحته من عماي
وصحت يا سيدي.. طال النوى

أحسب إنك معي ليتك معاي
يوم ضميت بيديني الهوى

يا بعيدٍ عليه انزف دماي
لا قضى الصبر.. ولا الشوق ارتوى

نبتة الدم.. تورق في حشاي
من سببها ترى حالي ذوى


وين أنادي ومين يسمع نداي
صرختي فيك.. وسكوتي سوى

.




قصيدة للبدر غناها الفنان ((أصيل ابو بكر ))







قالوا سألتي ~



قالوا سألتي ~
عني سألتي ~

وانا مدري ويني~
ضايع يا عيني يا عيني ~

//

مدري وش اللي ذكرك ؟!
مقطع شعر في دفترك ~

والا الكلام عن صاحبك
وانتي عقدتي حاجبك

قلتي كلام كله كذب
ليه اتصلتي؟ وعني سألتي ..

//

اخر لقانا في الخريف ..
تذكر الثوب الخفيف ..

والبرد يوم خفتي علي ~
من البرد وامطار الخريف ..

مرت سنة ~ يمكن سنين ..
ويني انا وين السنين ؟!

صوتك طيور مهاجره ~
مرت في قلبي مسافره ..

والحب ~ لو طال الغياب ..
اول ما ذاق واخره ..

غيبي سنه ولا سنين
بجيك انا ولا تجين

//

وليه اتصلتي ؟

.


قصيدة البدر التي تغنى بها الفنان
((حسين عمر))


غريب ابي داري



غريب ابي داري .. دليني يا بنت الطريق

ورديلي مشواري ودليني يا بنت
ردي المواني للبحر والمركب الساري
غريب ابي داري

ما للغريب إلا هله وين الليالي الاوله
اشتقت لليل بقمر .. وليلك سحاب
ولديرتي نادى السفر .. وعمر الشباب
اشتقت للشمس و الريح والذاري
ردي المواني للبحر والمركب الساري
غريب ابي داري

للرمل تاخذني دروب
والريح تدفعني جنوب
ارجوك ماباقي زمن .. قولي الوداع
الحب في غياب الوطن .. برد و ضياع
اشتقت للشمس و الريح والذاري
ردي المواني للبحر و المركب الساري
غريب ابي داري

.




قصائد البدر التي تغنى بها الفنان
((عبد الله))







بحر العيون



تقول اللي طرف عينك .. أنا مدري هدب أو عود

أحس أني من اللي صابها .. ما شوف قدامي

همست وقلت: لا تخافي على بحر العيون السود

على شط الكحل مريت .. وهذا موضع أقدامي

أدوّر عن ذهب عمري .. بقايا كنزي المفقود

وأشوف الموج يطوي الموج .. ويبحر مركب أيامي

عيوني بسمة أعيونك .. ولو صارت مطر ورعود

أبشرب من ظما دمعك .. وابغسل جرحي الدامي

عطيني عيونك الليلة .. وباكر يا عساه صدود

أمانة لا مسحتي الكحل .. خلي طيف أحلامي

أحبك كان يكفي الحب .. جروحي في هواك شهود

أنا اللي راس مالي .. حلم وهم الدنيا قدامي







شمس الجمال



هيه يا غصن تمايل بالدلال
ما تخاف الكسر لا هب الهبوب

وما تخاف الله وتسعى بالعدال
انصف من لحاظ عينيك القلوب

لا متى ذبح العرب عندك حلال
تابت العالم متى عينك تتوب

مير قلبي يا لغضي بيعه محال
ما أقدر أعطي لو تبي مني ذنوب

أشهد إنك بالحلى فقت الخيال
وعيب حسنك كان في حسنك عيوب

شارقة في طلعتك شمس الجمال
وجامع في ضحكتك كل محبوب

الخمل فيني انا ما بك خمال
مشمل نوك .. وانا نوي جنوب

.



قصائد البدر التي تغنت بها المطربة
((عتاب))


كل ما قفيت

كل ما اقفيت ناداني تعال

وكل ما اقبلت عزم بالرحيل

وكل ما اجنبت واعدني شمال

ياهل الحب ضيعت الدليل

الحقيقه غدت مثل الخيال

هو عدوي وهو أغلى خليل

شفت أنا الظلم من بعض الدلال

يجرح القلب لو كانه جميل

اشهد ان الهوى مابه عدال

هو خلي وانا قلبي عليل

وكل ما قلت له: يا بن الحلال

المحبه عطا وانتَ بخيل

التفت لي وهو عجل وقال

لذة الحب في الشي القليل







ردي علي الصوت



ردي علي الصوت ردي حياتي
صمتك على شكوى حنيني مذلّه

اما اقطعي حبل الوصل بالنّجاتي
والا عطيني باقي الـود كلّه

لا توعديني عـذب الصبر ذاتي
والبعد حالي مع عنا الوجد سلّه

اشكي الجفا لك ما شفيتي شكاتي
الوعد الأول للقا فات حلّه

يرضيك يصبح شملنا للشتاتي
يرضيك نرضي كل نفس(ن) مغلّه

يرضيك لا فرحوا بهمي عداتي
و أقفوا يقولون الغضي عاف خلّه

ردي علي الصوت يكفي السكاتي
قولي لغيرك ما هفا القلب للّه

.




قصيدة البدر التي تغنت بها الفنانة
((رباب))







لا تسأله ناسي



لا تسأله ناسي خله مثل ما هو

يا قلبي إحساسي ما هو معي هو

والله لا أمر صوبه لا امر

أصرخ بامر أبكي بامر

ما التفت لو هو العمر

وما ينحني راسي..



كافي ترى ذل

يا خل يا خل

مكسور انا الخاطر

في نظرة الكل

لا تذكرني وجه مع الناس

لا تصبرني ما في الجفا إحساس

ضاع العمر وانت لا شمس لا ظل

والله لا أمر صوبه لا امر

ما التفت لو هو العمر

وما ينحني راسي ..



جف الكلام وسكت الدمع

الليلة با طفي الشمع

با ترك ملامح صورتك تحت الغبار

واترك شوارع ديرتك لارض النهار

با نساه انا ما ادري متى

بالصيف يمكن او في الشتاء

والله لا أمر صوبه لا امر

أصرخ بامر أبكي بامر

ما التفت لو هو العمر

وما ينحني راسي..

.






قصيدة البدر التي تغنت بها المطربة
((أحلام))



المحبة أرض

المحبة أرض والفرقا أراضي
والزمن كله ترى لا غبت ماضي

والله إني ما أشوف إلا عيونك
إن رحلت اليوم أو طول مراضي

قالوا العذال والعذال مرضى
وش بلا حالك من الأشواق قاضي

قلت يهجرني حبيبي لين يرضى
علموا الظالم ترى المظلوم راضي

جرحوني في هواك وقلت أبشكي
ما هو من جرحي ولكن لا اعتراضي

وش علي لو قطعوا لأجلك عروقي
من رضى بالحب يرضيه التغاضي

.




قصيدة البدر التي تغنت بها المطربة
((أصالة))







أوقات ياخذنا الحكي



أوقات ياخذنا الحكي..

وننسى بالحكي أوقات..

وأوقات يا ليت الكلام سكات..

يجرحنا الحكي..



اسهر مع حبيبي يا قمر الكلام..

لين يغفى حبيبي وجروحي تنام..

ابعد عن حروفي وعن المي وخوفي..

وأبحر في سفينة عن بحر الظلام..

وصلنا مدينه من عطر وغمام

انا وين القى كلام ما مر ف كلام

أوقات يا ليت الكلام سكات..

يجرحنا الحكي..


بغني لعيونك في حزني وفرحي

وبكتب عيونك قصيده لجرحي

واخلي ابتسامك دموعك كلامك

قمر هالسوالف في ليل السكوت..

ولو ألف نجمه في عيني تموت..

في حزني أحبك ويأسي أحبك..

أحبك ما أقول أوقات

.




قصيدة البدر التي تغنت بها المطربة
((سميرة سعيد))







يعذرني الأول



أحد سأل عني

وأحد نسي يسأل

يعذرني الأول



محد سأل عني

أحد نسي صوته

واقبل ينادي

وأحد نسي صوته

ساعة سكت فيني

يعذرني الأول



أحد يبيني احتار

وأحد هو الحيرة

والله الأماني كثار

وما به أحد غيره

اللي نسي يسأل

هذا حديث الجرح

ما هو أبد مني

.




قصيدة البدر التي تغنت بها المطربة
((انغام))







ســـــهر



سهر.. والدنيا نعسانه.. سهر

والفرقا كانت عن حبايبنا.. قدر

والجرح نزف الدمعتين.. والدمع شباك الحزانا للقمر..

بعد الأمل.. لما ِبِعدت وفرحي راح..

ِبعد الزمان.. عني.. وعن عيني الصباح..

ذي الفرقا كانت عن حبايبنا قدر..

والجرح نزف الدمعتين.. والدمع شباك الحزانا للقمر..

آه.. من حنانك.. لسا ما لي بالدفا كل الوجود..

وآه.. يا حبيبي.. لو بعادك كان جفى والا صدود..

ذي الفرقا كانت عن حبايبنا سهر..