زائر زائر
| موضوع: سيرة و انفتحت: كلام الناس" 25.10.07 18:56 | |
| السلام عليكم يا أهل الخير كيف الأحوال ؟ موضوعي بعنوان :"سيرة و انفتحت: كلام الناس" < مش صرقعة ولا ضحك .. الموضوع جاد شوي
يقول لك فيه واحد عايش في حاله كاف خيره شره و أبعد ما يكون عن المشاكل أغلب الوقت يجلس في غرفته مهتم بشؤونه و ماعليه من احد، يسوي المطلوب منه بهدوء و إتقان ماعمره طلب مساعده ولا عمره طلب خدمات من غير أهله ( أهله هنا تعني : أمه و أبوه)..
الولد كبر و راحت سنوات من عمره على هالحال ، المهم يوم أنه صار شاب و تخرج من الثانوية صار يحتك بالناس أكثر ، أضطر يكون علاقات مع هذا و ذاك حتى يمشي أموره بشكل طبيعي مع الوقت الولد الإنطوائي صار إجتماعي و شوي شوي بدأ يصير معروف في مجتمعه ،، له معارف كثير ,, الي يبي مصلحة و الي يبي خدمة والي يبي سمعة و الي مجرد زميل .. أنشهر الولد و بدأت تظهر مواهبة و لمساته في إنجازاته ,, صار له سمعته و إسمه له وزن ...... و لما الكل كان يظنه مرتاح و يحسده على الي عنده و الي حققه.. الولد فجأة تراجع و صار يتهرب لحد ما رجع لعزلته..
خذها من الأخير كان انطوائي > بعدها متوحد > بعدها احتك مع الناس > كان قليل الكلام "هادئ" > بعدين صار اجتماعي > بعدها صار مزيّح و بشوش > بعدين صار حبيب مع الكل >>>>>>>> بعدين رجع صار ....... متوحد ..
لما كان منعزل كانوا ينصحونه : اطلع من عزلتك .. شوف الدنيا .. تعرف على الناس
لما طيح الميانه صاروا يأذونه: حاسب في مزحك .. أحترم أكبر منك.. راقب كلامك
لما صار جاد أنتقدوه: خذ الأمور ببساطة .. ابتسم شوي .. اعطي للناس فرصة يصاحبونك
لما صار اجتماعي و بشوش عابوه: اثقل شوي مو تضحك ع الطالعة و النازلة .. خليك رزين.. خليك ثقيل
لما قلل من سوالفه قالوا له: سولف مع الناس .. تكلم .. لا تتكبر .. خليك اجتماعي
لما صار يسولف و يناقش و يجادل نصحوه: لا تتعصب لكلامك .. لا تفرض رأيك .. خليك مرن
لما صار مرن و يتقبل وجهات النظر انتقدوه: مالك رأي؟ .. كلمة توديك و كلمة تجيبك .. دافع عن قناعاتك
لما رجع لعزلته و قرر يخفف احتكاك مع الناس لاموه: انت ماحد عاجبك .. شايف نفسك على ايش؟
مشكلة الي يتابع كلام الناس .. صحيح رضى الناس غاية لا تدرك ..
أن صرت قاسي انتقدوك و ان صرت هادي لاموك و ان صرت جافي عادوك و ان صرت طيب اكلوك
اذا اهتميت قالوا ملقوف و اذا طنشت قالوا متكبر و اذا راعيت قالوا يجامل و اذا تجرأت قالوا وقح
الحريص بخيل ، و الطيب ساذج ، و الكريم مسرف ، و العفوي عبيط ، و الملتزم متشدد ، و المتحرر صايع..
الكبير شايب ما يفهم امور الشباب و الصغير بزر ما يفهم امور الدنيا
الشاب مراهق ما يفكر بوعي ، الشايب عجوز ما يقـّدر الأمور ، الصغير طفل ما يدري وين الصح و الغلط
القليل يقصر و الكثير يغمر و الوسط مايملي العين،،،، الفايض الزايد إسراف و الشحيح الناقص بخل
و الوسط حد بحد لا هو حرص ولا هو إعتدال ولا هو حسن قياس ولا حسن تقدير
الزيادة مو كرم ... الزيادة إسراف ، النقص مو حرص النقص بخل و قحف \ط
تعليق ع الموضوع/ طويل و مبهم ، قصير و ملخبط ، قديم و بسيط ، جديد و معقد
خلاصة : مو أي واحد ينسمع كلامه ولا أي واحد يتاخذ برأيه و سلامتكم
عدل سابقا من قبل في 21.11.07 20:01 عدل 1 مرات |
|
دنجوان الحب ..
- : عدد الرسائل : 1770 العمر : 44 جنسيتك : تاريخ التسجيل : 26/10/2007
| موضوع: رد: سيرة و انفتحت: كلام الناس" 03.11.07 13:09 | |
| مشكووووور على الموضوع الاكثر من رائع الله يعطيك العافيه
| |
|
زائر زائر
| موضوع: رد: سيرة و انفتحت: كلام الناس" 21.11.07 20:02 | |
|
ألف شكر لك دنجوان لتواجدك الرائع وردك الجميل بالفعل لك تحياتى
|
|
ليلى ..
- : . : عدد الرسائل : 6364 العمر : 45 جنسيتك : تاريخ التسجيل : 15/01/2008
| موضوع: رد: سيرة و انفتحت: كلام الناس" 26.06.08 6:34 | |
| الان الوضع تغير
كل واحد يبغى يظهر نفسه ولو على حساب الغير
صارو كل الناس او اغلبهم لمن يشوفو احد برز بشي مميز يصيرو ضده
المشكله من الحسد ونسينا شي اسمه ( الي تحبه لنفسك حبه لاخووك المسلم)
والسبب طبعا ضعف ايماننا ... لااروح لموضوع تاني
عموما ... صار من الصعب ان الواحد يظهر مكانته او يتميز بشي
بمجرد ما يرتفع مرتبه يشوف الكل يوقف ضده عدا القليلين يكونو معاه
لجل كذه اصبحنا وخاصه المجتمع العربي ... نيام ومع الاسف الشديد
وسببه ( كلام الناس ونظرتهم للاوضاع )
اصبح الانسان في حرب داخليه بينو وبين نفسه وسبب ذلك العوامل الخارجيه ... من كلام الناس
اصبح الانسان صعب انه يوصل لمراده... نعم صعب
زمان كان الانسان يحصل مين يوقف معاه ويشجعه على الشي الي هو بيسويه ... كانو يد وحده وكونو
جسد قوي .
ارمي كلام الناس وراك , ومد نظرك للامام , ولاتسمع لمن قال وعاد
خلي صدرك رحب
اي كلام توجهو هز راسك وابتسم
عدا الكلام المفيد من الناس المفيدين
خذ بكلامهم وخليه سوور لمطلوبك او امنيتك او معاملتك لناس او كل امور الحياه
خليه سوور لجل يصد لك كلام الناس الفاضي الي يجرح لو مع عطيته ظهرك
وان شاء الله
حيكون بالك مرتاح والابتسام تحضن ثغرك دائم
| |
|