أذنـــك موسيقيـّـة ؟ دخل مقهى محمد عبده..

أونّ ورياح الليالي تونّي
والبرد في جوفٍ كما الغار خاوي
ماكنّ لي عقلٍ ولاقلب كنّي
جذع ٍ وقف في وجه الأيام ذاوي !
بي عبرةٍ محبوسةٍ تمحتني
في عيني و حلقي و صدري شكاوي!
بي من قديم الوقت جرح ٍ مكنّي
وبي من جديد أيام وقتي مكاوي ..
إن قالت - زانت - خالف الوقت ظنّي
و إن قلت - هانت - عاجلتني بلاوي
أونّ ورياح الليالي تونّي
والبرد في جوفٍ كما الغار خاوي !الغار خاوي !

أختلفنا مين يحب الثاني أكثر ؟
و اتفقنا أنك أكثر و أنا أكثر
من عدد رمل الصحاري من المطر أكثر و أكثر
كيف نخفي حبنا و الشوق فاضح ؟
وفي - ملامحنا - من اللهفة ملامح !
عاشقين و نبضنا " طفلٍ حنون " لو تزاعلنا يسامح ..
هنني يا اللي جميعي لك هنى حطّني بآخر مداري
طيرك اللي مايبي غيرك أنا | ضّمني أنتَ فضاي |
صدّق أنّي فيك مغرم فيك
والحياة ايش الحياة ؟ إلا مشاهد ناظريك !
يانهارٍ لو تغيب الشمس / واضح !
!!

مهما يقولون مهما صار مهما تمّ
أنت البدايات و آخر ساحل و مينا
من هرجة الناس في العذّال لا تهتم
لو هم يحسّون فينا ما حكوا فينا !
ما عقب شرب الصبر و المرّ والعلقم
شي على طاري الفرقى يودّينا ..
حنّا أجتمعنا و شمل العاشقين ألتمّ
خضنا " حروب الهوى " فزنا وردينا
أهواك ماهي مواويلٍ بها أترنم
ترى المواويل هي اللي تغنينا
...

ياليل خبّرني عن أمر المعاناة
هي من صميم الذات و إلا أجنبيه ؟
هي هاجسٍ يسهر عيوني ولابات
أو خفقةٍ تجمَح بـ قلبي عصيّه ..
هي صرخةٍ تمرّدت فوق الأصوات ؟
أو ونةٍ وسط الضماير خفيه
أو عبرة ٍ تعلّقت بين نظرات أو
الدموع اللي تسابق هميّه !!!

.

يامن يراعيني بـ قلبه و أراعيه
بـ عيون قلبي كل مالاح زولَه
| يفزّ قلبي لاتبدّت مواريه |
و أغضّ عنه الطرف و الناس حوله..
أقعد معه " في الناس " مقدر أحاكيه
أخشى لساني يختلف في مقوله
يغلي الحكي في خاطري مقدر أحكيه
يصرخ بـ صدري صمت قد طال طوله !
أسرح بـ فكري لا جرى طاري فيه
لا أقدر أرد الهرج ولا أقدر أقوله
لا أقدر أفيّض سر قلبي ولا أخفيه
و لا أقدر أداري له جروحٍ عليلة !!

آخر زيارة
حسّيت في آخر زيارة شي بـ عيونك مختلف
وشي بـ حديثك مختلف حتى سكوتك مختلف وصرت بـ شكوك !
شفت الحقيقة في عيونك تعترف
وموقف غريب ، موقف أبد ما ينوصف !
وين الكلام ؟
وين الحرارة في السلام ؟
كبير الفرق مابين أول لقا و آخر زيارة ..
محتار اش أقول ؟
ياحبّ خانتني العبارة / والحرّ تكفيه الإشارة !
كل شي حبيته في بيتك نساني
الهدوء الليل الصمت ، الأغاني !
حتى لون الورد والوجد ومكاني ..
داهمتني الغربة ليتني ماجيت
ليتني ردّيت لساني ضيّع غربتي !
وين الكلام ؟
وين الحرارة في السلام ؟
كبير الفرق مابين أول لقا و آخر زيارة ..

أنشد عليك أهل الهوى و اسأل
و إن شفتك بـ ضيق و إلا زعل أزعل ..
غالي ولا لي في البشر غيرك
من عمري خذّ كل الأماني و هلّ !
الله يرحم من رحم خلّه
واللي سعى لك بالحكي خلّه ..
مظلوم و جيتك أشتكي لله
ماهقوتي أنك علي تبخل ؟؟

أقرب الناس أنتَ يانظر عيني
و أبعد الناس أنتَ و أنتَ في عيني !
منك أحلى محبّة عاشها قلبي
ومنك جرح الهوى ياما تلاعب بي ..
لا تساوم في حبّي تكفى أعفيني
حبّـني بالوفا و بـ كلّ ما فيني
وإلا تكفى دخيلك جود و أحميني منك
من جور حبك يكفي مافيني

ياغايبٍ عن مدى شوفي
و متمكنٍ في وسط جوفي !
لاموني الناس في حبك و قلبي
عن العذل مصدوفي ..
ما أقوى العزا عنك لا والله
لكن تحدتني ظروفي !
ظنيت في البعد لي سلوى وأنا
اللي أنصبت بـ سيوفي ..
حاولت أداوي وجع عيوني بس
خطفت عيني كفوفي !
ياصاحبي يلدّ لي شوفك
أسيرك اليوم مكتوفي ..
متغربٍ يرتجي وصلك وياعلّك
بـ حاله تروفي حاول يصوّر معاناته
عبّر عن الشوق بـ حروفي !

سلّم عليّا بـ عينك إن كان بخلت يدينك !
كلّ اللي بيني وبينك زعلة تمر وسلام ..
ياما زعلنا ورضينا و ماشي تغير علينا
لا تشمّت الناس فينا ويكثر - حبيبي - الكلام !
تدري أحبك ولا أرضى إلا برضاك
يوم ترضى
ياكلّ عمري و بعضه مقدر على ذا الخصام ..
سلّم عليّا بـ عينك ..
اسأل حبيبي عيوني وعيونك اللي وحشوني
من يوم مازعلوني ماقدرت والله أنام
سلّم عليّا بـ عينك !

يا مجد نادينا ولبّيت في موطنٍ
يكفيه نور ٍ سنا البيت ..
يا موطني وحدت ربي و ربيت
من يحمدون ربّي وناصروا الدين !
ومن يشكر الله عالنعايم يزيدَه
...

أنا من هالأرض
أمّي - الصحراء - حضنتني رمالها
و أرتويت بـ طهرها ..
و أطعمتني ثمرها و فرشت لي
ظلالها أنا من هالأرض
عاشق ٍ هالرمل من خلقني الله لين أموت ..
عاشق ٍ جرد الروابي والفيافي و البخوت
عاشق ٍ طين البيوت وفتلة خيوط الوبر ..
عاشق ٍ مافي البشوت من عطا وطيب وفخر !

مشرق النور ونور المشرق ِ
أخفقي كالروح في الأرض و أرفعي
أنوار هذا البيرق ِ ..
بيرق التوحيد بين الخافقين !
يارعاك الله يا أرض الجزيرة
سيرة الإسلام لا تشبه سيرة جيرةُ البيت وهل كالبيت جيرة ؟
وثرى طيبة مسكٌ و لجين

» محمد عبده - ما عاد بدري اهداء لكل اعضاء منتدى ملاك الوفاء محمد
» ايوه محمد عبده MP3
» وهـــم - محمد عبده - عود
» محمد عبده مجس أهل مكة
» خــوّاف من جلسات وناسة 2010 " Mp3 و فيديو "